Инсон ўзинг      Бош саҳифа

ОТАНИНГ СОВҒАСИ

Янги йил остонасида байрамга тайёргарлик авжга чиқди. Жажжигина қизим атрофимда айланиб, менга ёрдамлашишга ҳаракат қиларди. Ўғлим эса негадир бир четда кайфиятсизгина ўтирибди. Хафалигининг сабабини билай, дедим.

ОТАНИНГ СОВҒАСИ

— Ҳа, болажоним, нима бўлди? — Баҳодир менга бир қараб олди-да, яна жимгина телевизор кўришда давом этди. — Бугун мактабда Қорбобо шунча совға берган бўлса, қара, ширинликларни, — дедим ҳалигина Қорбободан олган совғасига ишора қилиб.

— Лекин дадам ваъда қилган совғасини олиб келмади-ку?!

Ўғлимнинг кайфиятини кўтариш учун дадасига қўнғироқ қилдим. Телефонни шошиб кўтарган хўжайиним: «Ҳа, бориб қоламан, бироз ишларим чиқиб қолди. Совғани ҳам олиб кетяпман», деб телефонни ўчирди. Гўшакни қўяр эканман, ўғлимни юпатишга киришдим.

— Даданг, албатта, ваъдасини бажаради. Тур, ундан кўра, бизга ёрдамлашиб юбор.

Оз бўлса-да, юрагида умид уйғонган ўғлим аста жойидан силжиб, менга кўмаклашишга киришди. Лекин кўнгли сира ёришмасди. Эшик тиқ этса, югуриб борар, ўзи учун қадрли бўлган совғанинг келишини интиқ кутаётгани шундоққина билиниб турарди.

Ўғлимни хурсанд қилиш учун кеча сотиб олган янги кўйлакни беришнинг айни пайти деб ўйладим. Ошхона юмушлари, пишир-куйдир тугагач, икки фарзандим билан дастурхон атрофига ўтирдик. Чиройли безатилган совғамни уларга тутдим. Қизалоғим қўғирчоқни кўриб, бўйнимга осилди. «Раҳмат, онажоним», деб юзимдан ўпди. Лекин ўғлимнинг чиройи очилай демасди. «Ҳа, чиройли экан, лекин мактабга кийиб бўлмайди-ку бу кўйлакни», деб бир четга қўйди.

Шу пайт эшик қўнғироғи чалинди. Баҳодир ўрнидан ирғиб турди-да, дастакни тортди. Дадасининг келганини хаёл қилган ўғлим, қаршисидаги меҳмонларни кўриб қотиб қолди. Уни бағрига босиб, катта машина ўйинчоқ тутқазган буваси билан ҳам, бувиси билан ҳам кўришди-ю, индамайгина келиб жойига ўтирди.

Баҳодир кутган совғанинг кечикаётгани мени ҳам ташвишга сола бошлади. Бир телефонга, бир соатга, бир эшикка қараб қўярдим.

Ўғлим кута-кута чарчади чоғи, «уйқум келди», деб хонасига кириб кетди. Унинг кўнглини фақатгина дадасининг совғаси кўтаришини тушунганим учун ҳам қаршилик кўрсатиш бефойдалигини билдим.

...Эшик қўнғироғи чалинди. Қўлида кичкинагина сумка кўтариб, турмуш ўртоғим кириб келди. Сўрашиб улгурмасимдан, ичкаридан Баҳодир отилиб чиқди. Дадасининг бўйнидан қучоқлаб, юзига юзини босди. Ўзи учун аталган китобни қўлига олар экан, устига нима ёзилганига ҳам қарамай, бағрига маҳкам босди. Шунда унга дадасининг берган ваъдаси ва эътибори ҳамма нарсадан устунлигини тушундим. Кутган инсонимиз келгани ва ўғлимнинг совға олиб, ёришган чеҳрасидан кўнглим алланечук таскин топган бир он соат миллари ҳам Янги йил эшик қоқаётганини кўрсатди. 

Мушарраф ФАЁЗ




Ўхшаш мақолалар

Илон ютган бола

Илон ютган бола

🕔11:09, 27.05.2020 ✔64

(Бўлган воқеа)

Офтоб қайтса ҳам ҳаво қайнаб кетди. Устига-устак уч-тўрт кундан бери ҳаво анча иссиқ. Ўтган ҳафта ёмғир ёғиб, пайдар-пай туман босиб салқин шабада эсган эди.

Батафсил
ОЧКЎЗАН

ОЧКЎЗАН

🕔11:08, 27.05.2020 ✔64

Туянинг ўркачини эслатувчи, тўлқинсимон қир-адирларда кўклам нафаси сезилиб қолди. Қуёш ер остидаги турфа майсаларни «қулоғидан тортиқилаб» ташқарига судраб чиқаза бошлади. Тўрғай бир жойда учмасдан қотиб туриб, чинқирганича қўшиқ куйлайди. Сал нарида очкўзан зўр бериб ин қазияпти.

Батафсил
Бўрибосар

Бўрибосар

🕔12:02, 22.05.2020 ✔140

Қорлар эриб, баҳор нафаси уфуриб қолган ойдин кечаларнинг бирида сомонхонадан ит болаларининг ғингишгани эшитилди. Фермер Рустам амаки ошиқиб шу томон йўналди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Илон ютган бола

    Илон ютган бола

    (Бўлган воқеа)

    Офтоб қайтса ҳам ҳаво қайнаб кетди. Устига-устак уч-тўрт кундан бери ҳаво анча иссиқ. Ўтган ҳафта ёмғир ёғиб, пайдар-пай туман босиб салқин шабада эсган эди.

    ✔ 64    🕔 11:09, 27.05.2020
  • ОЧКЎЗАН

    ОЧКЎЗАН

    Туянинг ўркачини эслатувчи, тўлқинсимон қир-адирларда кўклам нафаси сезилиб қолди. Қуёш ер остидаги турфа майсаларни «қулоғидан тортиқилаб» ташқарига судраб чиқаза бошлади. Тўрғай бир жойда учмасдан қотиб туриб, чинқирганича қўшиқ куйлайди. Сал нарида очкўзан зўр бериб ин қазияпти.

    ✔ 64    🕔 11:08, 27.05.2020
  • Бўрибосар

    Бўрибосар

    Қорлар эриб, баҳор нафаси уфуриб қолган ойдин кечаларнинг бирида сомонхонадан ит болаларининг ғингишгани эшитилди. Фермер Рустам амаки ошиқиб шу томон йўналди.

    ✔ 140    🕔 12:02, 22.05.2020
  • Дарбадар

    Дарбадар

    Ота ўғилга Абдулбоқий деб исм қўйди. Ўнг қулоғига азон, чап қулоғига такбир айтиб, «сенинг исминг Абдулбоқий, сенинг исминг Абдулбоқий» дея шивирлаган, «умрингу ризқинг, дунёю охиратдаги саодатинг боқий бўлсин» дея ният қилган тиллар орадан ўн олти йил ўтиб «йўлда бўл-чўлда бўл, ўлигинг кўчада қолсин», деган дуойибад калимасини айтиб юборди... Дуо ижобат бўлди. Ўғилнинг умри дарбадарликда ўтди, ўлиги кўчада қолди, майитга эга, жаноза ўқиш учун масжид топилмади...
     

    ✔ 143    🕔 11:52, 22.05.2020
  • Чўпон

    Чўпон

    Адир ёнбағрида толчўплардан маташтириб қурилган қўтон. Қўтондан йигирма қадамча нарида худди шу таҳлит тикланган омонат чайла. Чайла бўсағасида тошўчоқ. Ўн-ўн бир ёшлардаги набира ўчоқ остига қаланган қуруқ ўтин остига гугурт чақади, сўнг тутай бошлаган ўтинни «пуф-пуф»лаганча ўт олдириб, устига сув тўла қумғонни ўрнаштиради.

    ✔ 89    🕔 11:24, 22.05.2020
Ҳаммасини кўриш 

Фойдали манбаалар