Давр нафаси      Бош саҳифа

МАНА, ЎТМОҚДАМИЗ ЯНА БИР ЙИЛ ОСТОНАСИДАН

Дастурхонда тўртта нонга жой топилмаса-я. Эндигина тандирдан узилган иссиқ патир кўтариб кирган набирам байрамона безатилган хонтахта ноз-неъматларга тўлалигидан уни қўйишга жой қидирарди. Ахир, Янги йил дастурхони эмасми, йўқ нарсанинг ўзи йўқ. Бундай тўкинликни кўрганда бехос қалбимда шукроналик туяман...

МАНА, ЎТМОҚДАМИЗ ЯНА БИР ЙИЛ ОСТОНАСИДАН

Шундай йиллар ўтди орадан...

…Ўтган умримни хотирлаганда кўз олдимга эшигимиз олдида бир бурда нонга қўл чўзиб турган кишилар келаверади. 1950 йиллар эди, эрталаб нонуштага дастурхон ёзиладиган бўлса, «яхши ўтирибсизми», деб ён-веримизда турадиган ўн-ўн беш қўшни кириб келишарди. Уларни бизникига фақат бир илинж етакларди, ейишга нони йўқ эди. Бувим зоғора, туршак ва олма қоқини дастурхонга қўяр, ҳамма бирдек қорин тўйдирарди. Катта самовардаги чой, бир пиёладан қуйиб беришга етмасди. Тушлигу кечки овқатлар ҳам шундай ўтарди. Нон у ёқда турсин, буғдой топиш имконсиз эди. Одамлар жўхори ва сулини тегирмонда ун қилдириб, кун кечирарди. Фақатгина ўзига тўқроқ оилаларда зоғора бўларди, холос. Муҳтожлик нақадар оғир эканини ўшанда кўрганман.

Деҳқонлар жўхори экишга ҳашар бошласа, одамлар ёпирилиб борарди. Тушликка ширгуруч қилинарди-да. Ҳеч бўлмаса қоринни тўқлаб олиш мумкин эди.

Бозорлар қашшоқ, одамлар фақат қорни учун яшарди. Ҳозир харидга борсангиз, расталарни томоша қилиб қайси фасл эканини ҳам унутиб қўясиз. Қишин-ёзин мўл-кўлчилик. Нон исидан димоғлар чоғ. Мен учун эса қўлимдаги бурда нон ҳамон энг катта саодат. Муҳими, кў­нгилларда хотиржамлик. Шундай замонда, шундай диёрда виждонни поклаб, юракни бериб ишламаслик катта гуноҳ.  

Ўзлигимизни ўзимиздан яширишган

Умр деганлари кўз очиб юмгунча ўтиб борар экан. Яқиндагина Янги йилни кутиб олгандик. Бугун эса уни кузатяпмиз. Умримизнинг яна бир йили ортда қолди...

Ёшим ҳам саксонга яқинлашди. Умримнинг эллик йилини маорифга бағишладим. Аммо қалбимни ўртайдиган бир оғриқ бор: биз ўзимизнинг кимлигимизни англаш бахтидан мосуво улғайдик. Олий ўқув юртида Ўзбекистон тарихидан жуда юзаки билим берилган. Амир Темурни босқинчи, зулмкор, деб уқтиришган. Жалолиддин Мангуберди, Темур Малик ҳақида ҳеч нарса билмаганмиз. Алишер Навоийни фақат сарой амалдори сифатида билардик. Унинг ижоди борасида ҳеч қандай билим берилмаган. Ўз тарихимизни ўзимиз яхши билмаганмиз. Кимлардир бизнинг ўтмишимиздан қўрққан. Ҳеч нарса билмай, муте ҳаёт кечиришимизни хоҳлаган. Кейин биз ҳам болаларга худди шу тарзда дарс бердик. Ўзбекистон тарихи 7-синфдан бошлаб ўқитиларди. Ҳафтада атиги бир соат вақт ажратиларди. У ҳам энг охирги соатга қўйилар, ҳатто, дарс жадвалига киритилмасди.

Ўзбекистоннинг уч минг йиллик тарихини эса мустақилликка эришгачгина ўргандик. Ўзбекка ўзлигини истиқлол қайтариб берди. Бугунги авлодга шу жиҳатдан ҳам ҳавас қиламан. Уларда ёшлигидан ким экани, миллатнинг таржимаи ҳоли, ўтмиши, энг муҳими, ёрқин келажагини кўриш имкони бор. Қолаверса, ҳар бир инсон эртанги тарихнинг яратувчисидир. Мустақиллик барчамизга келажак авлод бизни яхши хотиралар билан ёд этишида ўзимизни тўла намоён қилиш имконини берди.

...Тўкин дастурхон четида иссиққина патирни ушатар эканман, кўнгилда янги истаклар, орзулар иштиёқи туғилди. Яшаётган давримизни ахборот технологиялари асри, деб атаяпмиз. Хоҳлардимки, бу асримизни меҳр-оқибат ва инсонийлик асрига айлантирсак. Дунёда осойишталик ҳукмрон бўлсин. Инсонлар, халқ ўртасидан мурувват, оқибат кўтарилмасин. Тўқчилик, дастурхонлардан мўл-кўлчилик аримасин. Кириб келаётган йилимизни тарих зарварақларига фақат яхшиликлар ва эзгуликлар билан битиш ҳар биримизга насиб этсин.

Мирали УСМОНОВ,

Паркент тумани




Ўхшаш мақолалар

Шавкат МИРЗИЁЕВ: АДАБИЁТ ХАЛҚНИНГ ЮРАГИ,  ЭЛНИНГ МАЪНАВИЯТИНИ КЎРСАТАДИ

Шавкат МИРЗИЁЕВ: АДАБИЁТ ХАЛҚНИНГ ЮРАГИ, ЭЛНИНГ МАЪНАВИЯТИНИ КЎРСАТАДИ

🕔11:24, 27.05.2020 ✔177

Президент Шавкат Мирзиёев 20 май куни Алишер Навоий номидаги Ўзбекистон Миллий боғида барпо этилган Адиблар хиёбонига ташриф буюрди, дея хабар берди Ўзбекистон Президентининг Матбуот хизмати.

Батафсил
НИЯТ ХОЛИС БЎЛМАСА,  АМАЛЛАРНИНГ ФОЙДАСИ ЙЎҚ

НИЯТ ХОЛИС БЎЛМАСА, АМАЛЛАРНИНГ ФОЙДАСИ ЙЎҚ

🕔11:23, 27.05.2020 ✔177

Бисмиллаҳир Роҳманир Роҳийм.
Аллоҳ таолога беадад шукрки, умримизнинг яна бир ойи тинчлик- хотиржамлик билан ўтиб, поёнига етиб боряпти. 
Бу ойни ғанимат билиб, ундан имкон қадар унумли фойдаланишимиз учун махсус таълимотларни бизга таълим берган муаллим Пайғамбаримизга дуою саломларимиз бўлсин.

Батафсил
ЭЗГУЛИКЛАР ЭГИЗИ

ЭЗГУЛИКЛАР ЭГИЗИ

🕔12:12, 22.05.2020 ✔280

Аслида одам боласига яратган тарафидан инъом қилинган кун, ойларнинг ёмони йўқ. Инсон яхши нияти, ойдин фикрати, меҳнаткаш қўли, эзгу орзу-мақсадлари билан ҳар бир лаҳзани баракага, файзга айлантира олади.
Аммо ҳам жисмонан, ҳам руҳан тикланиш ойи бўлган моҳи Рамазоннинг ўзгача хосияти, ўзгача ҳикмати борлиги аён. Бу ой ҳеч қайси муслим, муслиманинг ҳаётидан беиз ўтиб кетмайди. Ўйлаб кўрсам, менда ҳам шу ой билан боғлиқ талай хотиралар бор экан… 
 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Шавкат МИРЗИЁЕВ: АДАБИЁТ ХАЛҚНИНГ ЮРАГИ,  ЭЛНИНГ МАЪНАВИЯТИНИ КЎРСАТАДИ

    Шавкат МИРЗИЁЕВ: АДАБИЁТ ХАЛҚНИНГ ЮРАГИ, ЭЛНИНГ МАЪНАВИЯТИНИ КЎРСАТАДИ

    Президент Шавкат Мирзиёев 20 май куни Алишер Навоий номидаги Ўзбекистон Миллий боғида барпо этилган Адиблар хиёбонига ташриф буюрди, дея хабар берди Ўзбекистон Президентининг Матбуот хизмати.

    ✔ 177    🕔 11:24, 27.05.2020
  • НИЯТ ХОЛИС БЎЛМАСА,  АМАЛЛАРНИНГ ФОЙДАСИ ЙЎҚ

    НИЯТ ХОЛИС БЎЛМАСА, АМАЛЛАРНИНГ ФОЙДАСИ ЙЎҚ

    Бисмиллаҳир Роҳманир Роҳийм.
    Аллоҳ таолога беадад шукрки, умримизнинг яна бир ойи тинчлик- хотиржамлик билан ўтиб, поёнига етиб боряпти. 
    Бу ойни ғанимат билиб, ундан имкон қадар унумли фойдаланишимиз учун махсус таълимотларни бизга таълим берган муаллим Пайғамбаримизга дуою саломларимиз бўлсин.

    ✔ 177    🕔 11:23, 27.05.2020
  • ЭЗГУЛИКЛАР ЭГИЗИ

    ЭЗГУЛИКЛАР ЭГИЗИ

    Аслида одам боласига яратган тарафидан инъом қилинган кун, ойларнинг ёмони йўқ. Инсон яхши нияти, ойдин фикрати, меҳнаткаш қўли, эзгу орзу-мақсадлари билан ҳар бир лаҳзани баракага, файзга айлантира олади.
    Аммо ҳам жисмонан, ҳам руҳан тикланиш ойи бўлган моҳи Рамазоннинг ўзгача хосияти, ўзгача ҳикмати борлиги аён. Бу ой ҳеч қайси муслим, муслиманинг ҳаётидан беиз ўтиб кетмайди. Ўйлаб кўрсам, менда ҳам шу ой билан боғлиқ талай хотиралар бор экан… 
     

    ✔ 280    🕔 12:12, 22.05.2020
  • БИТТА ДАЛДА ИЛИНЖИ

    БИТТА ДАЛДА ИЛИНЖИ

    Қишлоғимизга сел келгани эсимда. Жуда кўп уйлар талафот кўрганди ўшанда. Лойли сув уйлар ичкарисигача кириб борган, ошхонаю ертўлалар тўлганди. Ҳамма экин-тикиндан бутунлай айрилганди. Лекин ўшанда ҳеч бўлмаса вилоят ёки туман каттаконларидан кимдир келиб жабрдийдаларга ёрдам бергани ёки офатни бартараф этиш жараёнининг тепасида турганини билмайман...
     

    ✔ 145    🕔 11:37, 22.05.2020
  • КАРАНТИН ЕНГИЛЛАШАДИ

    КАРАНТИН ЕНГИЛЛАШАДИ

    Эпидемиологик вазият яхши бўлган ҳудудларда, санитария талабларини белгилаган ҳолда, ноозиқ-овқат дўконлари, тиббий диагностика, такси хизмати, таъмирлаш, тикувчилик, маиший техника ва пойабзал тузатиш, сартарошхоналар фаолиятига рухсат бериш кераклиги қайд этилди. Шунингдек, стикерлар бекор қилиниб, шахсий автомобиллардан фойдаланиш мумкин бўлади.
     

    ✔ 90    🕔 11:36, 22.05.2020
Ҳаммасини кўриш 

Фойдали манбаалар