Долзарб мавзу      Бош саҳифа

«ЎҒЛИМНИ ҲАТТО ТАНИМАДИМ, ДЕМАК, ХИЗМАТ ЯХШИ»

Бугун Қуролли Кучларимиз сафида хизмат қилиш, Ватан ҳимоячиси деган номга мушарраф бўлиш ҳар бир йигит учун нафақат конституциявий бурч, балки юксак шон-шараф ишига айланди. Ўз ҳаётини армиясиз тасаввур қилолмайдиган, ҳарбий хизматни она халқи олдидаги муқаддас вазифаси, деб биладиган ёшлар сафи­кенгайиб бормоқда.

«ЎҒЛИМНИ ҲАТТО ТАНИМАДИМ, ДЕМАК, ХИЗМАТ ЯХШИ»

Шу кунларда мамлакатимизнинг барча ҳудудида Қуролли Кучларимиз ташкил этилганининг 25 йиллиги муносабати билан «Ўзбекистон — мустақил Ватанимиз, миллий армиямиз — фахру ғуруримиз!» шиори остида турли маданий-маърифий тадбирлар, учрашувлар, суҳбатлар ўтказилмоқда.  Тошкент шаҳар ва Фарғона вилоят ҳокимликлари, Хотин-қизлар қўмитаси, Мудофаа ишлари бошқармалари ва бошқа ташкилотлар ҳамкорлигида уюштирилган «Менинг ўғлим — Ватан ҳимоячиси» деб номланган Тошкент — Фарғона видеоконференцияси ҳам шулар жумласидандир. Унда фарзанди Фарғона вилоятидаги ҳарбий қисмлардан бирида муддатли ҳарбий хизматни ўтаётган тошкентлик ота-оналар қаторида, водийдан келиб, пойтахтимизда йигитлик бурчини адо этаётган аскарлар ўз яқинлари билан Тошкент шаҳар ҳокимлигида ўтказилган видеомулоқотда дийдорлашди. Ота-оналар ва фарзандларнинг экран орқали суҳбати ҳаяжонли ва қувончли лаҳзаларга бой бўлди.

— Мактабга қадам қўйганимдан ҳарбий бўлишни орзу қиламан — дейди учкўприклик Шаҳзодбек Мелиқўзиев. — Шукр, ниятимга етдим. Ҳарбий хизматга келиб, ҳарбийлар ҳаёти билан яқиндан танишдим, эл-юрт ҳимоясидек улкан масъулият ва юксак шарафни, ифтихорни юракдан ҳис қилиб, мақсадларим янада қатъийлашди. Бизнинг ҳарбий қисмда аскарлар учун барча шароит муҳайё этилган. Жанговар тайёргарлик дейсизми, маънавий-маърифий дарсларми, барчаси ўз вақтида ва етарли даражада малакали офицерларимиз томонидан пухта ўтилади. Видеомулоқот давомида шуларни онамга сўзлаганимда, уларнинг кўзига қувонч ёшлари келди. 

Шаҳзодбек шу куни унинг учун Тошкент билан Фарғона ўртасидаги масофа бир қадам бўлиб қолганини, ўзини ота-онасининг ёнида тургандек ҳис қилганини яширмади. У ўзини яқинларидан олисда деб ҳисобламасди. Ота-онаси билан бафуржа гаплашди. Бу унинг ҳарбий хизматдаги кучига қўшимча куч ва шижоат қўшди. Суҳбат охирида қадрдонларининг ишончи, дуо-ю фотиҳалари аскарнинг эзгу орзулари томон дадил одимлашига ғайрат бағишлади. Шаҳзодбек ана шундай учрашувни ташкиллаштириб берган барча ташкилотларга чексиз миннатдорлигини билдирар экан, миллий армиямиз сафида хизмат қилаётганидан фахрланишини тўлқинланиб айтди.   

 Видеомулоқотда Фарғонадаги ҳарбий қисмлардан бирида йигитлик бурчини ўтаётган оддий аскар Фирдавснинг отаси Ёрқин ака Насимов ҳам  ўз таассуротларини қуйидагича баён қилди:

— Бизнинг даврдаги билан ҳозирги армияни умуман солиштириб бўлмайди. Ер билан осмонча фарқи бор. У пайтда аскарнинг ҳаёти билан ҳеч кимнинг иши бўлмасди. У нима қиляпти, аҳволи қандай — бировнинг иши йўқ эди. Ҳозир эса кўриб турганингиздек, ҳатто, масофадан туриб ҳам жигарбанди билан бемалол мулоқот қилиш имконияти яратиб берилмоқда. Шундан ҳамманинг кўнгли хотиржам. Бундан ташқари, бугунги замонавий, профессионал армиямиздаги тартиб-интизом кишини лол қолдиради. Ҳар бир аскарга алоҳида эътибор қаратилаётгани эса таҳсинга лойиқ. Мана, ҳозиргина ўғлим билан гаплашдик. Очиғи, танимай қолдим: тўлишиб, жисмонан бақувват бўлибди. Худди спортчиларга ўхшаб кетибди. Нигоҳлари ўткир. Демак, хизмат яхши кетяпти.

Яна бир муҳим жиҳати, илгари офицер билан аскар ўртасида бунақанги хуш муносабат, муомалани кўрмаганман. Ҳақиқатдан ҳам, бошқача кутиб олишади. Буни айтишимга сабаб, олдин армияга борганда йигит руҳияти бироз тушарди, уни бўшаштириб қўярди. Ўз она юртидан олисда хизмат қилгандан кейин шу эди-да. Бугунги аскарларимизда эса мен буни асло кўрмаяпман. Улар Ватан олдидаги муқаддас бурчга баланд шашт, кўтаринки  руҳда отланмоқда. Бундан эса ҳамма ота-онанинг боши кўкка етяпти.   

Тадбир давомида миллий армиямиз сафида ҳар томонлама намунали хизмат кўрсатиб келаётган бир гуруҳ аскарларнинг ота-оналарига ташаккурнома топширилди.

Шаҳобиддин РАСУЛОВ,

«Оила даврасида» мухбири




Ўхшаш мақолалар

ФУҚАРО 1,2 МИЛЛИОН ПЕНЯДАН ОЗОД ЭТИЛДИ

ФУҚАРО 1,2 МИЛЛИОН ПЕНЯДАН ОЗОД ЭТИЛДИ

🕔17:26, 13.12.2019 ✔2

Бугунги кунда фуқаролар жойларда бўлаётган турли қонун бузилиш ҳолатлари юзасидан ўринли равишда шикоятлар билан мурожаат қилишмоқда. Уларни ўрганиб чиққанимизда фуқаролар талаби асоссиз эмаслиги маълум бўлди. 

Батафсил
ЁШЛАРИМИЗНИ НЕГА КИБОРЛАР РУҲИДА ТАРБИЯЛАЙ ОЛМАЯПМИЗ?

ЁШЛАРИМИЗНИ НЕГА КИБОРЛАР РУҲИДА ТАРБИЯЛАЙ ОЛМАЯПМИЗ?

🕔17:25, 13.12.2019 ✔2

Бола тарбияси қачон ва қаердан бошланади, деганда ҳаммамиз оиладан бошланади, деб айтамиз. Аммо оилада ҳар бир ота-она ўз боласини ким қилиб тарбияламоқчи, деган саволга бугун на ота-она, на атрофдагилар аниқ бир жавоб бера оляпти. Ваҳоланки, оиладаги тарбиянинг асоси мана шу саволлардан бошланиши керак.

Батафсил
«БИЗНИ  ОРЗУЛАР  ОҲАНГИДА АЛДАЁТГАНЛАР...»

«БИЗНИ ОРЗУЛАР ОҲАНГИДА АЛДАЁТГАНЛАР...»

🕔11:18, 10.12.2019 ✔140

ёки замонавий судхўрлик феномени 

«Уч кундан зиёд ўзингни бахтиёр сезяпсанми, демак нимадандир ҳали бехабарсан... Қувонч унчалик узоқ давом этиши мумкинмас», – дейди донолар. Яхши хабарларни кам эшитяпмиз. Улкан уммон ҳам ундан олинган пиёладаги бир ҳўплам сув кабидир, бир тошни ушлаб, буюк тоғни тасаввур қилиш мумкин.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ФУҚАРО 1,2 МИЛЛИОН ПЕНЯДАН ОЗОД ЭТИЛДИ

    ФУҚАРО 1,2 МИЛЛИОН ПЕНЯДАН ОЗОД ЭТИЛДИ

    Бугунги кунда фуқаролар жойларда бўлаётган турли қонун бузилиш ҳолатлари юзасидан ўринли равишда шикоятлар билан мурожаат қилишмоқда. Уларни ўрганиб чиққанимизда фуқаролар талаби асоссиз эмаслиги маълум бўлди. 

    ✔ 2    🕔 17:26, 13.12.2019
  • ЁШЛАРИМИЗНИ НЕГА КИБОРЛАР РУҲИДА ТАРБИЯЛАЙ ОЛМАЯПМИЗ?

    ЁШЛАРИМИЗНИ НЕГА КИБОРЛАР РУҲИДА ТАРБИЯЛАЙ ОЛМАЯПМИЗ?

    Бола тарбияси қачон ва қаердан бошланади, деганда ҳаммамиз оиладан бошланади, деб айтамиз. Аммо оилада ҳар бир ота-она ўз боласини ким қилиб тарбияламоқчи, деган саволга бугун на ота-она, на атрофдагилар аниқ бир жавоб бера оляпти. Ваҳоланки, оиладаги тарбиянинг асоси мана шу саволлардан бошланиши керак.

    ✔ 2    🕔 17:25, 13.12.2019
  • «БИЗНИ  ОРЗУЛАР  ОҲАНГИДА АЛДАЁТГАНЛАР...»

    «БИЗНИ ОРЗУЛАР ОҲАНГИДА АЛДАЁТГАНЛАР...»

    ёки замонавий судхўрлик феномени 

    «Уч кундан зиёд ўзингни бахтиёр сезяпсанми, демак нимадандир ҳали бехабарсан... Қувонч унчалик узоқ давом этиши мумкинмас», – дейди донолар. Яхши хабарларни кам эшитяпмиз. Улкан уммон ҳам ундан олинган пиёладаги бир ҳўплам сув кабидир, бир тошни ушлаб, буюк тоғни тасаввур қилиш мумкин.

    ✔ 140    🕔 11:18, 10.12.2019
  • ШАРАФЛИ КАСБНИНГ «ШАРАФ»И ҚАЕРДА?

    ШАРАФЛИ КАСБНИНГ «ШАРАФ»И ҚАЕРДА?

    иқтидор ва қобилиятни юзага чиқариш осон эмас. Бу ўқитувчидан катта маҳоратни, ўқувчидан, айни вақтда унинг ота-онасидан улкан матонатни талаб этади. Жамиятдаги ҳар бир ўзгариш ҳам, биз катта умид билан кўз тикаётган ислоҳотлар ҳам шунга боғлиқ аслида.
     

    ✔ 142    🕔 11:16, 10.12.2019
  • ДАВЛАТ  БЮДЖЕТИ  ҲАҚИДА ЎЙЛАР

    ДАВЛАТ БЮДЖЕТИ ҲАҚИДА ЎЙЛАР

    Бу ҳақида ошкора маълумот бермаслик фақат қинғирликларни яширишга хизмат қилади

    ✔ 341    🕔 16:14, 29.11.2019
Ҳаммасини кўриш 

Фойдали манбаалар