Даромад манбаи      Бош саҳифа

ЯККАБОҒДА 4, ШАҲРИСАБЗДА 3 ГЕКТАР ПЛАНТАЦИЯ

Халқ табобатида заъфарон ўнлаб хасталикларни даволашда ишлатилади. Абу Али ибн Сино заъфарон ичиш рангни чиройли, кўзни равшан, юракни қувватли, нафас аъзоларини соғлом қилишини ёзиб қолдирган. Бугунги кунда заъфарон Эрон, Туркия, Озарбайжон, Россия, Хитой, Ҳиндистон, Австралия каби ўн бешдан ортиқ мамлакатда етиштирилади.

ЯККАБОҒДА 4, ШАҲРИСАБЗДА 3 ГЕКТАР ПЛАНТАЦИЯ

Аgro.uz сайтида келтирилишича, мамлакатимиз иқтисодиётининг барқарорлигини таъминлаш ва аҳоли фаровонлигини оширишга қаратилган истиқболли лойиҳалар қаторида юртимизнинг 23 туманида 50 гектардан зиёд майдонда заъфарон (шафран), зиравор ўсимлиги плантацияларини ташкил этиш, унинг хомашёсидан фармацевтика саноатида фойдаланиш, маҳсулотни экспортга йўналтириш режалаштирилган.

Биология фанлари доктори, профессор Бобоқул Тўхтаевнинг таъкидлашича, гулсафсардошлар оиласига мансуб заъфарон шамолдан пана, жануб томонга бироз қия қуруқ тупроқларда ўсади. Уни экиш муддати июль-август ойларига тўғри келади. Заъфарон тугунак пиёзлари 10 сантиметр узоқликда, 15 сантиметр чуқурликда, 60 сантиметр кенгликда экилади.

Ундан олинадиган доривор хомашё — қизил рангли гул устунчаси октябрь-ноябрь ойларида терилади ва заъфарон тайёрлаш пунктларига юборилади. Бир гектар плантациядан ўртача 4 килограмм, иккинчи йили 7-8, кейинги йилларда ­15-16 килограмм доривор ҳосил олиш мумкин. Жаҳон бозорида 1 килограмм хомашёнинг нархи 400 доллардан 1000 долларгача баҳоланади.

Мамлакатимизда ушбу ўсимликни кўпайтириш ва плантацияларини ташкил этиш бўйича илмий тадқиқотлар Ўзбекистон Фанлар академияси Ботаника боғи олимлари томонидан олиб борилди. Тадқиқотлардан аниқланишича, заъфарон юртимиз тупроқ-иқлим шароитига тўлиқ мос бўлиб, уни Фарғона водийси, Тошкент, Самарқанд, Қашқадарё, Сурхондарё, Навоий ва Жиззах вилоятларининг тоғ ва тоғолди ҳудудларида, боғ ва токзорлар қатор ораларида, ўрмон ҳудудларида етиштирса бўлади.

Жорий йилдан бошлаб Қашқадарё вилоятининг Яккабоғ ва Китоб туманларида 4 гектардан, Шаҳрисабз туманида 3 гектар майдонда заъфарон плантацияларини барпо этиш мўлжалланмоқда. Ушбу ўсимликни кўпайтириш мамлакатимизда доривор ўсимликлар хом­ашёсини маҳаллий шароитда етиштириш, фармацевтика саноати эҳтиёжини таъминлаш ва озиқ-овқат зиравори сифатида экспорт қилиш имкониятларини кенгайтиради.

Ҳозирги кунда ушбу ўсимлик тиббиёт ва озиқ-овқат саноатида кенг ишлатилади. Унинг таркибида 50 фоиздан ортиқ бўёқ берувчи кроцин, 2,7 фоиз ёғ, 0,32 фоиз эфир мойи, В, В2 витаминлари, азотли моддалар, қанд, калий ва кальций бирикмалари мавжуд бўлиб, кўплаб касалликларни даволашда қўлланилади. Ўзига хос хушбўй ҳиди, ёрқин ранг ва таъм бериши боис турли таомларга қўшилади. Заъфарон қўшилган озиқ-овқат маҳсулотлари бир неча кунгача сифатини йўқотмайди.

 Нурпўлат НУРҚУЛОВ

тайёрлади.




Ўхшаш мақолалар

Қаровсиз ердан боғ яратган боғбон

Қаровсиз ердан боғ яратган боғбон

🕔10:40, 14.06.2018 ✔38

Интенсив боғ қандай ерда унади?

Батафсил
Ширинлик ортидан келаётган даромад

Ширинлик ортидан келаётган даромад

🕔10:39, 14.06.2018 ✔38

Ҳаётда шундай инсонлар борки, бутун умрини, бор куч-ғайратини касбига бағишлайди. Меҳнати билан одамларга наф келтиради. Шаҳрисабзлик тадбиркор ­Насиба Жалолова ўн тўққиз йилдан буён ёшу кексага бирдек ёқадиган мазали қандолат маҳсулотлари тайёрлаб келади.

Батафсил
Томорқага такрорий экин

Томорқага такрорий экин

🕔10:39, 14.06.2018 ✔43

Кўп йиллик тажрибадан маълумки, суғориладиган томорқада такрорий экин сифатида картошка экиб, мўл ва сифатли ҳосил олиш мумкин. Бунда ушбу экин навини тўғри танлаш ва экиш муддатлари муҳим аҳамиятга эга. Зеро, такрорий экин қўшимча даромад ҳам дегани.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Қаровсиз ердан боғ яратган боғбон

    Қаровсиз ердан боғ яратган боғбон

    Интенсив боғ қандай ерда унади?

    ✔ 38    🕔 10:40, 14.06.2018
  • Ширинлик ортидан келаётган даромад

    Ширинлик ортидан келаётган даромад

    Ҳаётда шундай инсонлар борки, бутун умрини, бор куч-ғайратини касбига бағишлайди. Меҳнати билан одамларга наф келтиради. Шаҳрисабзлик тадбиркор ­Насиба Жалолова ўн тўққиз йилдан буён ёшу кексага бирдек ёқадиган мазали қандолат маҳсулотлари тайёрлаб келади.

    ✔ 38    🕔 10:39, 14.06.2018
  • Томорқага такрорий экин

    Томорқага такрорий экин

    Кўп йиллик тажрибадан маълумки, суғориладиган томорқада такрорий экин сифатида картошка экиб, мўл ва сифатли ҳосил олиш мумкин. Бунда ушбу экин навини тўғри танлаш ва экиш муддатлари муҳим аҳамиятга эга. Зеро, такрорий экин қўшимча даромад ҳам дегани.

    ✔ 43    🕔 10:39, 14.06.2018
  • Картошка энди ҳавода тугади

    Картошка энди ҳавода тугади

    Наманганлик тадбиркор аэропоника усулида тупроқсиз маҳсулот етиштиришни бошлади.

    ✔ 108    🕔 13:51, 07.06.2018
  • Жўжа 42 кунда 2,5 килограмм

    Жўжа 42 кунда 2,5 килограмм

    Гўштдор жўжа  боқиш сирлари

    ✔ 94    🕔 13:50, 07.06.2018
Ҳаммасини кўриш 

Фойдали манбаалар