Долзарб мавзу      Бош саҳифа

БОЛАЛАРДАН ЎМАРИЛГАН ҒИШТЛАР

Уйимиз яқинида болалар майдончаси қурилаётганини эшитиб, нафақат болаларимиз, балки биз катталар ҳам қувониб кетдик. Кўп қаватли уйда яшайдиганлар учун бир парча ер ҳам жуда қадрли бўлиб қолади-да! Майдончада болаларимиз мириқиб ўйнаса, атроф чиройли бўлиб турса — қандай яхши.

БОЛАЛАРДАН ЎМАРИЛГАН ҒИШТЛАР

Чиндан ҳам, бу очиқ ер анча вақтдан бери қаровсиз, ҳувиллаб ётарди. Туманимиз ҳокимлиги ташаббуси билан чиқиндилардан тозаланди, тартибга келтирилди. Қисқа фурсатда бу ерда болалар ўйингоҳи барпо этилди. Ушбу маскандан уззукун болажонлар қийқириғи, шодон кулгиси эшитилиб туради. Шу боисдан ҳам бу жой дилбандларимизнинг энг севимли маскани бўлди десам, муболаға бўлмас. Аммо бир хунук ҳолат ҳамманинг дилини хира қилади.

Ўйингоҳ атрофига қип-қизил пишган ғишт дид билан териб чиқилган эди. Яъни, 1,5 метрча келадиган ўзига хос девор кўтарилди. Минг афсуски, орадан маълум муддат ўтгач, чор-атрофи ўралган майдонча деворининг ғиштлари ими-жимида, сувга тушган тошдек кўздан ғойиб бўла бошлади. Ахир, бу ғиштларни териш учун озмунча маблағ, ишчи кучи, вақт сарфланганми? Ўйингоҳ ичкарисига ўрнатилган ўриндиқларнинг айримларидаги тахталари олиб ташланган. Нега бундай қилинганига сира ақл бовар қилмайди.

Шунда беихтиёр ўйлаб қоласан, давлатимиз келажагимиз эгалари бўлган болаларга зарур шароитни яратиб бериш учун шунча қайғураётган, жон куйдираётган бир пайтда бу ҳолга нима дейиш мумкин? Ҳамма бало шундаки, жойидан кўчириб олинган, ўғирлаб, ташиб кетилган ғиштларни қайсидир ноинсоф ҳовлиси қурилиши учун ишлатган, ҳойнаҳой. Ёки ғиштни сотиб, топган пули бир кун келиб тешиб чиқмайдими, бунинг касофати болаларига урмайдими? Ўғирликни, бировнинг нарсасига кўз олайтиришни халқимиз ёмон иллат сифатида доимо қоралаб келади. Аммо болаларнинг ҳақидан ўғирликка қандай чидаш мумкин? Афсуски, болалар майдончасидан ғиштни ўмарган ўғрилар ҳалигача топилгани йўқ. Уларни излаб топиш ва элга шарманда қилиш керак, назаримда. Ана шунда адолат қарор топган бўларди.

Яшнобод туманининг Оҳанрабо кўчасида жойлашган ушбу болалар ўйингоҳи «Ўрта масжид» маҳалла фуқаролар йиғинига қарашли. Девор тикланган жойдан ғиштлар кўчириб олиб кетилган болалар майдончасини кўриб, ҳам раҳмингиз келади, ҳам ғазабингиз қўзийди. Назаримда, бефарқлик ва лоқайдлик сабаб шундай ҳол содир этилган.

Ахир, болажонларда энг яхши фазилатларни улғайтириш, камол топтириш ҳақида қанча гапирсаг-у, мана бундай ҳолатларга лоқайд қараб турсак, бераётган тарбиямизнинг қуввати, кучи бўлармикан? Ахир, биз катталар мурғак дилларни, беғубор қалбларни асраб-авайлашимиз, аввало, уларга намуна бўлишимиз керак эмасми?..

Улуғбек АКТАМОВ




Ўхшаш мақолалар

ЭНДИ ТАЪЛИМДА СОХТАЛИК БЎЛМАЙДИ

ЭНДИ ТАЪЛИМДА СОХТАЛИК БЎЛМАЙДИ

🕔15:21, 16.02.2018 ✔16

Касб-ҳунар коллежларида ўқитиш инновацион босқичга ўтмоқда

Шу кунларда одамлар орасида «Коллежлар бутунлай ёпилармиш» деган миш-мишлар юрибди. Касб-ҳунар коллежлари фаолияти ҳақида яна турли гап-сўзлар қулоққа чалинмоқда. Хўш, бунга мутасаддилар нима дейди?  

Батафсил
ҲАЙДАЛГАН ТАЛАБАГА КРЕДИТ КЕРАКМИ?

ҲАЙДАЛГАН ТАЛАБАГА КРЕДИТ КЕРАКМИ?

🕔15:20, 16.02.2018 ✔17

Ўзбекистон Республикаси Марказий банкидан жавоб келди

Батафсил
ТОЗАЛИККА РИОЯДА ТЕСКАРИ АКСИОМА

ТОЗАЛИККА РИОЯДА ТЕСКАРИ АКСИОМА

🕔11:03, 09.02.2018 ✔49

Атроф-муҳитни озода сақлаш халқимизга хос азалий қадрият. Яшаётган уйимиз, ишлаётган жойимиз, маҳалламиз, қишлоғимизни қанча озода тутсак, қут-барака ҳам шунга яраша бўлади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ЭНДИ ТАЪЛИМДА СОХТАЛИК БЎЛМАЙДИ

    ЭНДИ ТАЪЛИМДА СОХТАЛИК БЎЛМАЙДИ

    Касб-ҳунар коллежларида ўқитиш инновацион босқичга ўтмоқда

    Шу кунларда одамлар орасида «Коллежлар бутунлай ёпилармиш» деган миш-мишлар юрибди. Касб-ҳунар коллежлари фаолияти ҳақида яна турли гап-сўзлар қулоққа чалинмоқда. Хўш, бунга мутасаддилар нима дейди?  

    ✔ 16    🕔 15:21, 16.02.2018
  • ҲАЙДАЛГАН ТАЛАБАГА КРЕДИТ КЕРАКМИ?

    ҲАЙДАЛГАН ТАЛАБАГА КРЕДИТ КЕРАКМИ?

    Ўзбекистон Республикаси Марказий банкидан жавоб келди

    ✔ 17    🕔 15:20, 16.02.2018
  • ТОЗАЛИККА РИОЯДА ТЕСКАРИ АКСИОМА

    ТОЗАЛИККА РИОЯДА ТЕСКАРИ АКСИОМА

    Атроф-муҳитни озода сақлаш халқимизга хос азалий қадрият. Яшаётган уйимиз, ишлаётган жойимиз, маҳалламиз, қишлоғимизни қанча озода тутсак, қут-барака ҳам шунга яраша бўлади.

    ✔ 49    🕔 11:03, 09.02.2018
  • ТАЛАБАНИ ЎҚИШДАН «ЙИҚИТАЁТГАН» КИМ?

    ТАЛАБАНИ ЎҚИШДАН «ЙИҚИТАЁТГАН» КИМ?

    600 нафар йигит-қиз талабаликдан кетди. Сабаб... 

    Маҳалламиздаги бир йигит (исмини ёзишимизни истамади) олийгоҳга кириш учун йиллар давомида репетиторга қатнади.

    ✔ 509    🕔 14:44, 01.02.2018
  • ЙИЛНИНГ ЭНГ ЯХШИ ЯНГИЛИГИ!

    ЙИЛНИНГ ЭНГ ЯХШИ ЯНГИЛИГИ!

    Давлат дастури менга, оиламга, халқимга жуда катта имкониятларни ваъда қилмоқда

    Куни кеча Ўзбекистон Республикаси Президентининг «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастури тўғрисида»ги Фармони қабул қилинди.

    ✔ 125    🕔 11:22, 26.01.2018
Ҳаммасини кўриш 

Фойдали манбаалар