Олтинчи туйғу      Бош саҳифа

ЎСМИРНИНГ ИЛК СЕВГИСИ

ташвишми ёки қувонч?

Ўсмирликнинг жозибаси ва ташвишларидан бирикимгадир нисбатан илиқ туйғунинг пайдо бўлиши. Бу ҳолат кўпгина ота-оналарда норозилик туғдиради. Улар ўғли ёки қизининг ўзга бир инсонга яқин муносабатини сезиши ҳамон бунга нуқта қўйишга уринади. Шу йўл билан муаммога барҳам бермоқчи бўлишади. Қарабсизки, икки томонлама қарамааршилик юзага келади.

ЎСМИРНИНГ ИЛК СЕВГИСИ

...Санжар кеча кўчадан кўзини кўкартириб келди. Уйдагилари қанча сўроқласа ҳам миқ этмади. Кейин ота-онаси суриштириб билса, қўшни маҳаллада турадиган қизни деб бир йигит билан ёқалашибди. Бу гапни эшитган отанинг ғазаби қайнаб, ўғлини қилган иши учун роса койиди. Ҳатто қўл кўтаришига бир баҳя қолди.

Аввалига фақат ёқтирган қизи учун ташвиш чекаётган ўсмир учун отасининг ранжиши дард устига чипқондай бўлди. Ҳасрати ичига сиғмай турган бир вақтда яқин ўртоғининг келиб қолгани жонига оро кирди. Унга кўнглидагиларини гапириб бироз енгил тортди.

— Дўстим, менга нима бўлаётганини ўзим ҳам сира тушунмаяпман. Қўшни маҳаллада биз билан ўқийдиган бир қиз бор. Уни кўрганимда кўнглим ёришиб кетади. Доим ёнида бўлсам дейман. Кеча унга орқаворатдан гапириб юрган бола билан дўппослашдик. Аслида у қизнинг менга муносабати қандайлигини ҳам билмайман. Энди нима қилишга ҳайронман.

Эшик ортида унинг гапларини эшитиб турган отаси ўғлига нисбатан нотўғри ҳаракат қилганини тушунди. Бундай вақтда бақир-чақир билан ҳеч нарсага эришиб бўлмаслигини, аксинча, йўл-йўриқ кўрсатиш кераклигини англади. Ўртоғи кетгандан кейин Санжарни ёнига чақирди.

— Ҳа болам, бундай кечинмалар ҳамманинг бошидан ўтади. Сиқилишни бир четга йиғиштиргин-да, фақат олдинга ҳаракат қил. Тўғри, баъзан туйғуларимиз ақлимиздан устун келиб қолади. Лекин йигит бўлдинг, ўзингни бошқара олишинг, нима муҳимлигини англаб етишинг керак. Ҳозир сени қийнаётган нарсаларнинг давоси фақат вақт. Бироз сабрли, мулоҳазали бўлгин. Кўчада муштлашиб юриш йигит кишига ярашмайди. Кейинги йил университетга кираман, деб ният қилиб юрибсан. Ўқишларингга кўпроқ эътибор қарат. Шунда ҳаммаси ўз изига тушиб кетади.

Санжар отасининг гапларидан ўзида енгиллик ҳис қилди. Яқин инсонининг бу далдаси катта куч бағишлади. Олдига қўйган мақсадларини ёдга олиб, шу ондан барчасини отаси айтганидек қилишга ҳаракат бошлади.

Тошкент меҳмонхона хўжалиги касб-ҳунар коллежи психологи Дилбар Эгамбердиева билан суҳбатлашганимизда, бундай вақтда ҳар бир боланинг характеридан келиб чиқиб ёндашиш зарурлигини таъкидлади.

— Ўсмир қалбида пайдо бўлган илк севги унга куч бағишлаши ёки турли келишмовчилик ва низоларга сабаб бўлиши мумкин, — дейди психолог. — Шундай вақтда ота-она балоғат ёшидаги боланинг биринчи тингловчиси бўлиши керак. Улар фарзандидаги ўзгаришларни табиий жараён сифатида қабул қилиб, тўғри йўл кўрсата олсагина бирор натижага эришса бўлади. Кескин тақиқлаб қўйиш боланинг бу мавзуга кўпроқ эътибор қаратишига сабаб бўлади. Аксинча, унга ҳаёт фақат ҳис-туйғулардан иборат эмаслигини тушунтириш зарур. Севимли машғулотлари билан шуғулланиши учун шароит яратиб бериш керак.

Олиб борилган кузатувлар шуни кўрсатадики, ёшлигидан ота-она меҳрига қониб улғайган бола бундай вақтда ўзини қандай бошқариш кераклигини билади. Таниш туйғу қаршисида довдираб қолмайди. Шундай экан, бағримизда унаётган ниҳолдан эътиборимиз ва ғамхўрлигимизни аямаслигимиз зарур.    

Шаҳноза РАҲИМХЎЖАЕВА




Ўхшаш мақолалар

БОЛАДАГИ САЛБИЙ ХУЛҚ-АТВОР

БОЛАДАГИ САЛБИЙ ХУЛҚ-АТВОР

🕔15:08, 16.02.2018 ✔316

Уни қандай енгиш мумкин?

Қизим мен билан тез-тез баҳслашадиган бўлиб қолди. «Сизга керагим йўқ» деган гапни кўп айтади. Четдан назар ташласам, ўзини ёлғиз сезадигандек туюлади.

Батафсил
БОЛА АГРЕССИВ БЎЛСА…

БОЛА АГРЕССИВ БЎЛСА…

🕔14:38, 01.02.2018 ✔372

Бунга айбдор ким?

Бола улғайгани сари атроф-муҳит, жамият ҳақидаги қарашлари шаклланиб бораверади. У ўз олдига улкан мақсадлар қўяди, муайян ютуқларга эришгиси келади. Аммо бу йўлда баъзан у турли ғов, тўсиқларга учрайди. Ҳатто яқинлари билан муаммолар юзага келади,  келишмовчиликларга бориб қолади. Хўш, бундай ҳолатда нима қилиш керак?

Батафсил
ЎЗИДАН КАТТАГА КЎНГИЛ ҚЎЙГАН ҚИЗ

ЎЗИДАН КАТТАГА КЎНГИЛ ҚЎЙГАН ҚИЗ

🕔18:53, 18.01.2018 ✔428

Бунга ким айбдор?

«...Мактаб ўқувчиси бўлган кезларим ўйинқароқ, бироз масъулиятсиз эдим. Боз устига, онам билан сира чиқиша олмасдим. «Мени тушунмайсиз», «Нега ҳадеб иш қилдираверасиздея хархаша қилганларим ҳамон эсимда. Ўша кезлар онамнинг берган даккиси сабабини бугун тушунган сари ўзимдан уялиб кетаман.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • БОЛАДАГИ САЛБИЙ ХУЛҚ-АТВОР

    БОЛАДАГИ САЛБИЙ ХУЛҚ-АТВОР

    Уни қандай енгиш мумкин?

    Қизим мен билан тез-тез баҳслашадиган бўлиб қолди. «Сизга керагим йўқ» деган гапни кўп айтади. Четдан назар ташласам, ўзини ёлғиз сезадигандек туюлади.

    ✔ 316    🕔 15:08, 16.02.2018
  • БОЛА АГРЕССИВ БЎЛСА…

    БОЛА АГРЕССИВ БЎЛСА…

    Бунга айбдор ким?

    Бола улғайгани сари атроф-муҳит, жамият ҳақидаги қарашлари шаклланиб бораверади. У ўз олдига улкан мақсадлар қўяди, муайян ютуқларга эришгиси келади. Аммо бу йўлда баъзан у турли ғов, тўсиқларга учрайди. Ҳатто яқинлари билан муаммолар юзага келади,  келишмовчиликларга бориб қолади. Хўш, бундай ҳолатда нима қилиш керак?

    ✔ 372    🕔 14:38, 01.02.2018
  • ЎЗИДАН КАТТАГА КЎНГИЛ ҚЎЙГАН ҚИЗ

    ЎЗИДАН КАТТАГА КЎНГИЛ ҚЎЙГАН ҚИЗ

    Бунга ким айбдор?

    «...Мактаб ўқувчиси бўлган кезларим ўйинқароқ, бироз масъулиятсиз эдим. Боз устига, онам билан сира чиқиша олмасдим. «Мени тушунмайсиз», «Нега ҳадеб иш қилдираверасиздея хархаша қилганларим ҳамон эсимда. Ўша кезлар онамнинг берган даккиси сабабини бугун тушунган сари ўзимдан уялиб кетаман.

    ✔ 428    🕔 18:53, 18.01.2018
  • ЎҒИЛ БОЛА ТАРБИЯСИДАГИ НОЗИК ЖИҲАТ

    ЎҒИЛ БОЛА ТАРБИЯСИДАГИ НОЗИК ЖИҲАТ

    Бу палладаги хато қимматга тушади

    «Ўғлим кичкиналигида жуда серғайрат, қизиқувчан эди. Мактабни ҳам аъло баҳоларга тугатди. Ҳозир ўн тўққиз ёшда. Негадир аввалги иштиёқи сўниб, ишёқмас бўлиб қолган. Туну кун телефонга берилиб, вақтини бекор ўтказади. Бирор ишнинг бошини тут, десак, унамаяпти... Унга нима бўлганини, мудраган иштиёқини қандай қилиб «уйғотиш»ни билолмай оворамиз...»

    ✔ 432    🕔 18:51, 18.01.2018
  • ФАРЗАНДИНИ «УНУТГАН» ОТА ЖАЗОГА ТОРТИЛДИ

    ФАРЗАНДИНИ «УНУТГАН» ОТА ЖАЗОГА ТОРТИЛДИ

    Зафар ва Нигора оила қурган куни дунёдаги энг бахтли инсонлар қаторида эди. Тўйдан кейинги ҳаёти силлиқ кечди. Эр-хотиннинг топгани рўзғорнинг кам-кўстига бемалол етар, муҳтожлик сезишмасди. Айниқса, бирин-кетин дунёга келган уч нафар фарзанд оилага чексиз қувонч бахш этди. Лекин...

    ✔ 510    🕔 12:19, 26.10.2017
Ҳаммасини кўриш 

Фойдали манбаалар