Мустаҳкам оила      Бош саҳифа

ДАРВОЗАСИ ЁПИЛМАЙДИГАН УЙ

Шайхонтоҳур туманидаги «Камолон дарвоза» маҳалласида бир хонадон бор. Оқолтин 1-тор кўчасидаги 30-уй. Унинг дарвозаси умуман ёпилмайди. Кунига олтмиш одам кириб-чиқади. «Меҳмондўст инсонлар экан», дейсизми? Тўғри, улар меҳмондўст. Бироқ юқоридаги рақам келиб-кетувчи меҳмонларнинг эмас, балки уйда яшовчиларнинг сони. Чиндан ҳам, ушбу хонадонда олтмишдан зиёд жон аҳил ва иноқ истиқомат қилмоқда.

ДАРВОЗАСИ ЁПИЛМАЙДИГАН УЙ

Ҳайҳотдай ҳовлига икки овсин сиғмай қолгани ҳақидаги гапларни кўп эшитганмиз, шу каби нохуш ҳолатларга ўзимиз ҳам гувоҳ бўлганмиз. Бора-бора бундай гапларга қулоғимиз ҳам ўрганиб қолди.

— Эллик йилдан бери улар билан қўшнимиз, — дейди хонадон қўшниси Шокир СУЛАЙМОНОВ. — Кўп рўзғорларни кўрганмиз. Уларда икки ўғил ёки икки келин жой талашиб ҳар хил машмашалар қилганига гувоҳ бўламиз. Мана шундай оилаларга, «Юринглар, сизларга бир хонадонни кўрсатаман, уларни кўриб, зора, ўзингизга хулоса чиқарсангиз», деган вақтларим ҳам бўлган. Бу хонадонда ЎН УЧ келин истиқомат қилади. Бирортаси ҳаётидан, уйидан, яшаш шароитидан нолиган эмас. Аҳиллиги эса — сабр-қаноатда. Уларни кўриб ҳавас қиласан киши.

Шу пайтга қадар бир томнинг остида олтмишдан зиёд жон яшаб, ҳали бирор марта маҳалла, қўшниларга арз қилмагани таҳсинга лойиқ. Қани эди улардан барча ўрнак олса.

Оиласидан кўнгли тўқ хонадон соҳибларидан бундай аҳиллик замирида нима борлигини сўрадик.

Рустам АБДУЖАЛИЛОВ:

— Шу хонадонда туғилиб-улғайдик. Уйланиб, фарзандли, набирали бўлдик. Бу аҳиллик замирида аёл кишининг ўрни беқиёс, деб биламан. Агар аёл киши ғалаён қилаверса, эр буни бир, икки, борингки уч марта ёпиқ қозон қилиб қолдириши мумкин. Лекин бир кун келиб... «портлаши» аниқ. Шунинг учун ҳам бунда аёл катта аҳамиятга эга. Келинларимиз ҳаммаси ақлли, иболи, диёнатли. Бир-бири билан овсин эмас, опа-сингил. Барчаси ўз ҳаётидан мамнун.

«Келинлар қўзғолони» фильмида етти келинни жамлаган қайнона барчани ҳайратга солади. Бироқ бу хонадонда ўн уч келин истиқомат қилмоқда. Аммо улар ичида Нигораси йўқ. Барчаси ўз ҳаётидан, шу оилага келин бўлиб тушганидан мамнун. Қайнонасини ўз онаси, қайнотасини ўз отасидек кўради ва уларнинг дуосини олиб, хизматини қилади. «Бу ишни у қилсин», «бу иш меники эмас» каби сансалорлик йўқ. Керак бўлса, овсинлар бир-бирининг айбини беркитади. Кичик келинлардан бири Сабоҳат Абдужалилова: «Оилалар ўртасида жанжал чиқиб, ҳаёти бузилиб кетишига уй-жой сабаб бўлиши керак эмас. Аввало, ўртада мустаҳкам меҳр ва ишонч бўлса, у ҳар қандай тўсиқни енгиб ўта олади», дейди. Ҳа, чиндан ҳам келинларга оқибат қайноналаридан мерос бўлиб ўтяпти, десак муболаға бўлмас.

Битта ҳовлида яшаб, шароитидан нолимай келган меҳнатсевар уй эгаларининг ҳам елкасига шамол тегди. Президентимиз шарофати билан кўп оилалар ўз уйига эга бўляпти. Барча шарт-шароитларга эга, нархи арзон, янги қурилган хонадонларнинг халқимизга топширилиши, албатта, қувонарли ҳол.

Яқинда бу оила ҳам ана шундай бахтли оилалар қаторига қўшилади. Янги ватанга эга бўлишини эшитган хонадон вакилларининг кўзларида қувонч. Лекин хўрсиниб ҳам қўйишди. Йиллар давомида аҳил яшаб, яхши-ёмон кунини баҳам кўрган бу инсонлар бир-биридан йироқлашишни тасаввур ҳам қилишолмайди...

Муяссар ФАТҲУЛЛАЕВА,

«Камолон дарвоза» маҳалласи маслаҳатчиси:

— Абдужалиловлар оиласи ҳақида фақат яхши фикрлар айта оламан. Уларни маҳаллада барчага ўрнак қилиб кўрсатамиз. Шароитлари гарчи бугунги замон талабларига жавоб бермаса-да, улар бундан сира нолимаган. Хонадонда барча шароит бўла туриб, дийдиё қилган келинлар билан бу оила келинларини беихтиёр таққослайман ва уларнинг аҳиллигига, сабрига кўз тегмасин, дейман.

«Аҳил оила — бахтли, ноаҳил оила — вақтли», деб бекор айтмаган доно халқимиз. Юзидан нур ёғилиб турган бу инсонларнинг мана шундай аҳиллигига нима сабаб экан, деган ўй беихтиёр барчанинг кўнглидан ўтиши табиий. Бундай хонадон дастурхонида барака бўлади. Ишга отланган эрнинг хотиржам ишлай олишида уйидаги ҳаловатнинг ўрни беқиёс.

Озода ВАЛИЕВА




Ўхшаш мақолалар

УМРИМНИНГ  БЕШ КУНИ...

УМРИМНИНГ БЕШ КУНИ...

🕔16:32, 17.05.2018 ✔154

(Таҳририятга мактуб)

Одатда, бир оиланинг барбод бўлиши ҳақида мулоҳаза юритганимизда кўпроқ шу эр-хотиннинг кейинги тақдири, моддий таъминоти — бошпанаси-ю нафақаси ҳақида кўпроқ қайғурамиз. Аммо ота ё она меҳрини тотмай, сағирлик кўчасида қолиб кетган ўксик кўнгилнинг бир умрлик туганмас ҳасратига нима даво бўла олади?

Батафсил
АЁЛЛИК БАХТИ

АЁЛЛИК БАХТИ

🕔16:31, 17.05.2018 ✔123

Курсдош дугоналар ўқишни тугатгач, ташвишлари кўпайиб, кўришгани вақт топишолмади. Шу зайлда бир неча йил ўтди. Ниҳоят, бир курсдошининг ўғил тўйи баҳонасида дийдорлашишди.

Батафсил
«МЕНИНГ БОЛАМ ЎЛГАН ЭМАС...»

«МЕНИНГ БОЛАМ ЎЛГАН ЭМАС...»

🕔19:21, 10.05.2018 ✔108

Навқирон йигитнинг мардонавор жасорати

«Ассалому алайкум, мен учун азиз бўлган инсонлар! Отажон, соғлиқларингиз яхшими, чарчамасдан юрибсизми? Мендан сўрасангиз, яхшиман. Хизматнинг қийинчиликларига бардош бериб, ўз она Ватаним олдидаги йигитлик бурчимни адо этиб юрибман. Мана, кўз очиб юмгунча 9 ой ҳам ўтиб кетди, насиб қилса, яна 11 ойдан кейин ўз она қишлоғимга кириб бораман.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • УМРИМНИНГ  БЕШ КУНИ...

    УМРИМНИНГ БЕШ КУНИ...

    (Таҳририятга мактуб)

    Одатда, бир оиланинг барбод бўлиши ҳақида мулоҳаза юритганимизда кўпроқ шу эр-хотиннинг кейинги тақдири, моддий таъминоти — бошпанаси-ю нафақаси ҳақида кўпроқ қайғурамиз. Аммо ота ё она меҳрини тотмай, сағирлик кўчасида қолиб кетган ўксик кўнгилнинг бир умрлик туганмас ҳасратига нима даво бўла олади?

    ✔ 154    🕔 16:32, 17.05.2018
  • АЁЛЛИК БАХТИ

    АЁЛЛИК БАХТИ

    Курсдош дугоналар ўқишни тугатгач, ташвишлари кўпайиб, кўришгани вақт топишолмади. Шу зайлда бир неча йил ўтди. Ниҳоят, бир курсдошининг ўғил тўйи баҳонасида дийдорлашишди.

    ✔ 123    🕔 16:31, 17.05.2018
  • «МЕНИНГ БОЛАМ ЎЛГАН ЭМАС...»

    «МЕНИНГ БОЛАМ ЎЛГАН ЭМАС...»

    Навқирон йигитнинг мардонавор жасорати

    «Ассалому алайкум, мен учун азиз бўлган инсонлар! Отажон, соғлиқларингиз яхшими, чарчамасдан юрибсизми? Мендан сўрасангиз, яхшиман. Хизматнинг қийинчиликларига бардош бериб, ўз она Ватаним олдидаги йигитлик бурчимни адо этиб юрибман. Мана, кўз очиб юмгунча 9 ой ҳам ўтиб кетди, насиб қилса, яна 11 ойдан кейин ўз она қишлоғимга кириб бораман.

    ✔ 108    🕔 19:21, 10.05.2018
  • КЕЛИНИНИ АВАЙЛАГАН ҚАЙНОНА

    КЕЛИНИНИ АВАЙЛАГАН ҚАЙНОНА

    соғлом набиранинг бувиси бўлади

    Қайнона бу — она дегани. Келин эса қиздан-да азизроқ фарзанд. Агар оилада икки томонлама шундай муносабат ўрнатилсагина бахтли турмуш бўлади.

    Бирор онанинг қизи ишни чала қилгани учун кўчага ҳайдаб чиқарганини кўрганмисиз? Йўқ, аксинча ёнига олиб, унинг хатоси нимада эканини яхшилаб тушунтиради. Ёки қиз онасининг койиб берганидан аразлаб юришини тасаввур қила оласизми? Ҳеч бир фарзанд ота-онасининг танбеҳидан ранжимайди.

    ✔ 132    🕔 15:16, 03.05.2018
  • 118 ЁШЛИ ОНАХОН ШУКРОНАСИ

    118 ЁШЛИ ОНАХОН ШУКРОНАСИ

    «Қариялар панд-насиҳатлари ва тажрибаси ёшларга фойда бераётганини ҳис этаётган юртдагина узоқ умр кўрадилар».

    Абу Али ​​​​​​​Ибн Сино

    ✔ 138    🕔 17:00, 26.04.2018
Ҳаммасини кўриш 

Фойдали манбаалар