Давр нафаси      Бош саҳифа

ТОШКЕНТДА ЎЗБЕКИСТОН РЕСПУБЛИКАСИНИНГ БИРИНЧИ ПРЕЗИДЕНТИ ИСЛОМ КАРИМОВ ҲАЙКАЛИ ОЧИЛДИ

Бундан роппа-роса йигирма олти йил муқаддам Биринчи Президентимиз, буюк давлат ва сиёсат арбоби, ўзбек халқининг атоқли фарзанди Ислом Каримов Ўзбекистон Республикасининг давлат мустақиллигини эълон қилган эди.

ТОШКЕНТДА ЎЗБЕКИСТОН РЕСПУБЛИКАСИНИНГ БИРИНЧИ ПРЕЗИДЕНТИ ИСЛОМ КАРИМОВ ҲАЙКАЛИ ОЧИЛДИ

Ўзбекистон халқи истиқлол йилларида эришилган барча оламшумул ютуқ ва марраларни мамлакатимизнинг Биринчи Президенти номи ва фаолияти билан боғлайди. Ислом Каримов бугунги ва эртанги кунимизнинг ҳал қилувчи кучи бўлмиш ёшларнинг онгу тафаккури ва дунёқарашини бутунлай ўзгартириб, ҳар томонлама баркамол авлодни вояга етказишнинг янги принципиал тизимини яратиб, уни ҳаётга жорий этишга бевосита раҳбарлик қилди.

...2017 йил. 31 август. Биринчи Президентимиз кўп йиллар давомида фаолият олиб борган Тошкент шаҳридаги Оқсарой қароргоҳи, унга туташ кўркам майдон ва хиёбон. Мусаффо осмон, маҳзун мусиқа садолари остида давлатимиз байроғи ҳилпирайди.

Бу ерга Ўзбекистон Республикаси Олий Мажлиси Сенати аъзолари, Қонунчилик палатаси депутатлари, ҳукумат аъзолари, Ўзбекистон Қаҳрамонлари, фан ва маданият, адабиёт ва санъат намояндалари, жамоат ташкилотлари, мамлакатимизда фаолият юритаётган хорижий давлатлар элчихоналари, халқаро ташкилотлар ваколатхоналари раҳбарлари, талаба-ёшлар, юртимиздаги миллий маданият марказлари, Қорақалпоғистон Республикаси, вилоятлар ва Тошкент шаҳри вакиллари Ислом Каримов ҳайкали очилишига бағишланган тантанали маросимда иштирок этиш учун жам бўлган.

Маросимда Ўзбекистон Республикаси Президенти Шавкат Мирзиёев нутқ сўзлади.

Шавкат Мирзиёев ва Биринчи Президентимизнинг рафиқаси Татьяна Каримова Ислом Каримов ҳайкалини очди. Буюк Юртбошимиз ҳайкали пойига гулчамбар қўйди.

Биринчи Президентимиз бошлаб берган кенг кўламли ислоҳотлар бугун давлатимиз раҳбари Шавкат Мирзиёев раҳнамолигида изчил давом эттирилмоқда.

Давлатимиз раҳбарининг 2017 йил 25 январдаги «Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида»ги қарори халқимизнинг ўзининг буюк фарзандига чексиз ҳурмат ва садоқатининг амалий ифодаси бўлди. Қарорда кўзда тутилганидек, Биринчи Президентимиз номини абадийлаштириш бўйича кенг кўламли чора-тадбирлар амалга оширилди.

Президентимиз Шавкат Мирзиёев Самарқанд шаҳрига бир неча бор ташриф буюриб, Биринчи Президентимиз Ислом Каримов қабрини зиёрат қилди. Ислом Каримов дафн этилган жойда барпо этилаётган ёдгорлик мажмуаси лойиҳаси билан танишиб, уни такомиллаштириш бўйича кўрсатмалар берди.

Давлатимиз раҳбарининг 2016 йил 2 декабрдаги «Буюк давлат ва сиёсат арбоби, Ўзбекистон Республикасининг Биринчи Президенти Ислом Абдуғаниевич Каримов сиймоси тасвирланган ҳайкални яратиш бўйича халқаро ижодий танловни ташкил этиш тўғрисида»ги қарори ижроси юзасидан Буюк Йўлбошчимиз ҳайкалини яратиш бўйича халқаро ижодий танлов эълон қилинган эди.

Танлов натижаларига кўра, ҳайкалтарош, Ўзбекистон Бадиий академияси академиги, Ўзбекистон санъат арбоби Илҳом Жабборов яратган ҳайкал ғолиб, деб топилди.

Маросимда Ўзбекистон Ёзувчилар уюшмаси раиси М.Аҳмедов, Ўзбекистон Фанлар академияси академиги Ш.Каримов, Ўзбекистон халқ артисти Г.Мельникова, Тошкент шаҳридаги «Чилонзор» маҳалла фуқаролар йиғини раиси О.Муталов, ФИФА рефериси, «Эл-юрт ҳурмати» ва «Буюк хизматлари учун» орденлари соҳиби Р.Эрматов, Биринчи Президентимизнинг рафиқаси Татьяна Каримова Ислом Абдуғаниевич Каримов ўз халқини чексиз муҳаббат билан севгани, умрининг сўнгги кунларига қадар бутун ҳаётини Ўзбекистонга хизмат қилишга бағишлагани, унинг сўнмас хотираси миннатдор юртдошларимизнинг, бутун халқимизнинг қалбида абадий сақланиб қолишини таъкидлади.

* * *

Энг улуғ, энг азиз айём – Ватанимиз мустақиллигининг 26 йиллик байрами нишонланаётган қутлуғ кунда Президентимиз Шавкат Мирзиёев Мустақиллик майдонига ташриф буюриб, ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументи пойига гулчамбар қўйди.

Шу куни Мустақиллик ва эзгулик монументи пойига Ўзбекистон Республикаси Олий Мажлиси Сенати ва Қонунчилик палатаси, Вазирлар Маҳкамаси, вазирликлар, идоралар ва жамоатчилик номидан ҳам гулчамбарлар қўйилди.

Абу Бакир ЎРОЗОВ,

ЎзА мухбири




Ўхшаш мақолалар

КЕЛАЖАК УЧУН  УМУМИЙ МАСЪУЛИЯТ

КЕЛАЖАК УЧУН  УМУМИЙ МАСЪУЛИЯТ

🕔11:59, 16.11.2017 ✔55

Бу «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мавзуcидаги халқаро конференциянинг бош мақсади бўлди.

Батафсил
ҚУРУҚ  ГАП  БИЛАН  НАТИЖАГА  ЭРИШИБ  БЎЛМАЙДИ

ҚУРУҚ  ГАП  БИЛАН  НАТИЖАГА  ЭРИШИБ  БЎЛМАЙДИ

🕔11:59, 16.11.2017 ✔47

Президентимиз Шавкат Мирзиёев халқ депутатлари Самарқанд вилояти Кенгашининг навбатдан ташқари сессиясида сўзлаган нутқида аёллар томонидан содир этилаётган жиноятларнинг кўпайиб кетаётгани ҳақида тўхталиб: «Хотин-қизлар қўмитасининг масъул раҳбарлари бу рақамларни қандай изоҳлайди?» деган саволни кўндаланг қўйди.

Батафсил
ҲУДУД ОСОЙИШТА ЭКАН, ХОНАДОНЛАРДА ТИНЧЛИК

ҲУДУД ОСОЙИШТА ЭКАН, ХОНАДОНЛАРДА ТИНЧЛИК

🕔16:28, 09.11.2017 ✔62

Президентимизнинг жорий йил 23 октябрдаги «Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида»ги фармонига мувофиқ давлатимизнинг юксак мукофотига сазовор бўлганлар орасида Сурхондарё вилояти Олтинсой тумани ички ишлар бўлими профилактика инспектори Алишер Хайрилов ҳам бор.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • КЕЛАЖАК УЧУН  УМУМИЙ МАСЪУЛИЯТ

    КЕЛАЖАК УЧУН  УМУМИЙ МАСЪУЛИЯТ

    Бу «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мавзуcидаги халқаро конференциянинг бош мақсади бўлди.

    ✔ 55    🕔 11:59, 16.11.2017
  • ҚУРУҚ  ГАП  БИЛАН  НАТИЖАГА  ЭРИШИБ  БЎЛМАЙДИ

    ҚУРУҚ  ГАП  БИЛАН  НАТИЖАГА  ЭРИШИБ  БЎЛМАЙДИ

    Президентимиз Шавкат Мирзиёев халқ депутатлари Самарқанд вилояти Кенгашининг навбатдан ташқари сессиясида сўзлаган нутқида аёллар томонидан содир этилаётган жиноятларнинг кўпайиб кетаётгани ҳақида тўхталиб: «Хотин-қизлар қўмитасининг масъул раҳбарлари бу рақамларни қандай изоҳлайди?» деган саволни кўндаланг қўйди.

    ✔ 47    🕔 11:59, 16.11.2017
  • ҲУДУД ОСОЙИШТА ЭКАН, ХОНАДОНЛАРДА ТИНЧЛИК

    ҲУДУД ОСОЙИШТА ЭКАН, ХОНАДОНЛАРДА ТИНЧЛИК

    Президентимизнинг жорий йил 23 октябрдаги «Ўзбекистон Республикаси Ички ишлар идоралари ходимлари куни муносабати билан бир гуруҳ ходимларни мукофотлаш тўғрисида»ги фармонига мувофиқ давлатимизнинг юксак мукофотига сазовор бўлганлар орасида Сурхондарё вилояти Олтинсой тумани ички ишлар бўлими профилактика инспектори Алишер Хайрилов ҳам бор.

    ✔ 62    🕔 16:28, 09.11.2017
  • СЎЛИМ ГЎШАЛАР АҲОЛИ ХИЗМАТИДА

    СЎЛИМ ГЎШАЛАР АҲОЛИ ХИЗМАТИДА

    Дунёнинг бирон жойи йўқки, боғи бўлмаса, ҳеч бир одам йўқки, боғни севмаса. Ҳар бир юртнинг ўзига хос табиати бўлганидек, табиатига мос сўлим боғлари ҳам бор.

    ✔ 96    🕔 18:01, 02.11.2017
  • ЎЗБЕКИСТОН — БЕЗГАКДАН ҲОЛИ ҲУДУД

    ЎЗБЕКИСТОН — БЕЗГАКДАН ҲОЛИ ҲУДУД

    Безгак — энг хавфли касалликлардан бири. Сайёрамиз аҳолиси ундан ҳанузгача азият чекмоқда. 2015 йилда тўқсондан ортиқ мамлакатда ушбу хасталик авж олган. 2016 йил якунлари бўйича эса дунё бўйича безгак билан касалланган 212 миллион бемор қайд этилган. Шулардан 429 минг нафари вафот этган. Шу боис безгакка қарши курашиш Жаҳон соғлиқни сақлаш ташкилоти (ЖССТ) зиммасидаги долзарб масала ҳисобланади.

    ✔ 99    🕔 18:00, 02.11.2017
Ҳаммасини кўриш 

Галерия

Фойдали манбаалар