Инсон ўзинг      Бош саҳифа

БОБОНИНГ САБОҒИ

Қишлоғимизнинг кираверишидаги катта тутзор барча болаларнинг ўйин майдончаси эди. Болалар билан «Бекинмачоқ», «Ўртага тушар», «Чиллак», «Чим» каби ўйинларни ўйнаб кун кеч бўлганини сезмай қолардик. Қош қорайиб, оналаримиз қўлида хивчин кўтариб келмагунича тарқалмасдик. Ўзим ҳар гал уйга қочиб бориб, отамнинг пинжига кириб хивчиндан қутулиб қолардим. Эртаси куни яна шу аҳвол...

БОБОНИНГ САБОҒИ

Бир куни ўйинга тўпланадиган майдончага одатдагидан анча кеч бордим. Қарасам, болалар йиғилиб бир нарсани ўраб олган.  Қарасам, ерда бус-бутун қуш ини ётибди. Ичида беш дона қора доғчали кўм-кўк тухумлар ҳам бор. Қуш ини анчайин катта, атрофи ингичка хас-чўп билан мустаҳкам ўралган, таг қисми лойдан экан. Бунақасини биринчи марта кўраётганим учун бошқа болалардек мен ҳам ҳайратландим. Болалар бир-бирига қараб: «Вуй, қаранглар, чиройли экан-а...», деб қўйишарди. Ҳойнаҳой, бу уя ўйнаётганимизда кийимларимизни шохига илиб қўядиган тутдан тушган бўлса керак, чунки кеча туни билан қаттиқ шамол бўлган эди. Бир маҳал болалар орасидан Асомиддин дегани:

— Буни биринчи бўлиб мен топдим, уни уйимизга олиб кетаман, — деб қуш инига қараб қўлини чўзган эди ҳамки, орамиздаги тўлачадан келган бола унга:

— Сендан олдин синглим Муниса кўрган. Чунки мени чақиришга келганида инни биринчи бўлиб кўрганини айтди. Мен етиб келгунимча сен келиб қолибсан, шунинг учун инни биз олиб кетамиз, — деди.

Асомиддин ҳам бўш келмай:

— Ўзим олиб кетаман, тамом! — деб туриб олди.

Тортишув борган сари авж олиб, ўртада тўполон бошланди.

Шу пайт: «Нима жанжал, нимани бўлишолмаяпсизлар?», деган овоздан онамизнинг хивчинини кўргандек, қўрқиб кетдик. Расулнинг синглиси Оқсоқол бобони чақириб келибди. Расул унга бўлган воқеани айтиб берди. Бобо ерда ётган қуш инининг ёнига ўтирди, биз ҳам атрофига тизилишдик.

— Ҳув, анави қушни кўряпсизларми? — дея шохдан-шохга қўниб, қағиллаётган зағизғонни кўрсатди. — Жанжал билан бўлиб унинг тинимсиз қағиллаганини эшитмабмиз ҳам. У ўз болаларига қайғурмоқда. Тухумларини қайтариб беришингизни сўраб, нола қиляпти. Негаки, болалари мана бу тухумнинг ичида. Сизлар эса уларни онасидан айирмоқчи бўляпсиз. Хўш, айтинглар-чи, қай бирингиз онангизни кўрмасдан яшай оласиз?

Ҳаммамиз жим қолдик... Бобо гапини давом эттирди:

— Қушлар ҳам худди сизга ўхшайди. Полапонлар тухумдан чиққач, ўз онаси бағрида бўлиши керак. Сиз тухумларни олиб кетсангиз, улар ҳали очиб чиқмасидан нобуд бўлади. Она қуш эса бу ишингиздан қаттиқ хафа бўлиб, қишлоғимиздан кетиб қолади. У бошқа қушларга ҳам: «Бу қишлоқнинг болалари жуда ёмон», деб айтса, ҳеч бир қуш қишлоғимизга келмай қўяди. Кейин қишлоғимиз жуда зерикарли бўлиб қолади. Шунинг учун биз қанотли дўстларимизни хафа қилмаслигимиз, уларни асраб-авайлашимиз керак.

Бобо Расулга уяни дарахтга — ўз ўрнига олиб чиқиб қўйишини айтди. Шу пайт бобонинг ёнида турган Муниса:

— Бобожон, улар энди қишлоғимиздан кетиб қолмайдими? — деб сўради хавотирланиб.

— Йўқ, қизим, йўқ, — деди бобо.

Шу кундан бошлаб Расулнинг бобосини кўрганимда қўрқмайдиган  бўлдим. Жаҳлдор кўрингани билан жуда меҳрибон, бировга ёмонлик тиламайдиган бобо экан.

Жавҳар ТУРСУНОВА




Ўхшаш мақолалар

Тўкинлик ва ўғиллар

Тўкинлик ва ўғиллар

🕔13:45, 07.06.2018 ✔42

Бачинт КАУР

Май ойининг бешинчи санаси эди, лекин қари Баруни олиб кетишга ҳали ҳеч ким келмади: унинг эса, гарчи келини Видья зўрға гаплашса ҳам, неваралари  умуман қулоқ солмаса ҳам, ростини айтганда, ҳеч қаерга кетгиси келмасди. Бару журъат тўплаб, ўғли Картар Сингхга:

Батафсил
Кечикиш

Кечикиш

🕔13:45, 07.06.2018 ✔45

У давр устида эди. Ҳамма унга қуллуқ қилар, қаерга бормасин, унинг шарафига мақтовлар ёғиларди. Бу саъй-ҳаракатлар уни тобора юксакларга кўтарди.

Батафсил
ЯШИЛ ЧИРОҚ

ЯШИЛ ЧИРОҚ

🕔16:13, 17.05.2018 ✔76

Александр ГРИН

Лондонда 1920 йил қиш пайти Пикаделли кўчасини кесиб ўтган бир чорраҳада яхши кийинган ўрта ёшли икки киши бир зум тўхтади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Тўкинлик ва ўғиллар

    Тўкинлик ва ўғиллар

    Бачинт КАУР

    Май ойининг бешинчи санаси эди, лекин қари Баруни олиб кетишга ҳали ҳеч ким келмади: унинг эса, гарчи келини Видья зўрға гаплашса ҳам, неваралари  умуман қулоқ солмаса ҳам, ростини айтганда, ҳеч қаерга кетгиси келмасди. Бару журъат тўплаб, ўғли Картар Сингхга:

    ✔ 42    🕔 13:45, 07.06.2018
  • Кечикиш

    Кечикиш

    У давр устида эди. Ҳамма унга қуллуқ қилар, қаерга бормасин, унинг шарафига мақтовлар ёғиларди. Бу саъй-ҳаракатлар уни тобора юксакларга кўтарди.

    ✔ 45    🕔 13:45, 07.06.2018
  • ЯШИЛ ЧИРОҚ

    ЯШИЛ ЧИРОҚ

    Александр ГРИН

    Лондонда 1920 йил қиш пайти Пикаделли кўчасини кесиб ўтган бир чорраҳада яхши кийинган ўрта ёшли икки киши бир зум тўхтади.

    ✔ 76    🕔 16:13, 17.05.2018
  • ВОЛГА БЎЙЛАРИНИНГ ШАМОЛИ*

    ВОЛГА БЎЙЛАРИНИНГ ШАМОЛИ*

    Светлана билан Тошкентдаги халқаро анжуман якунида танишиб қолдик. Мен уни меҳмонхона томон кузатиб қўяр эканман, танишувимиз шу онда расмий гап-сўзлар билангина тугашини асло истамасдим. Шунинг учун шаҳдам қадамлар билан кетаётган қизни бир он тўхтатиб, нима бўлса бўлар, дея уни пойтахт оқшомини бирга томоша қилишга таклиф этдим. Бунга журъат тополганимдан  хурсандман!

    ✔ 113    🕔 15:06, 03.05.2018
  • КУЛЧА ТАШЛА, ОЙМОМО!

    КУЛЧА ТАШЛА, ОЙМОМО!

    Ой нурида мириқиб чўмилаётган терак баргларининг шитири Шоҳруҳ билан Равшаннинг суҳбатига куй басталаётгандек эди.

    ✔ 134    🕔 14:48, 19.04.2018
Ҳаммасини кўриш 

Фойдали манбаалар