Мустаҳкам оила      Бош саҳифа

«ЎҒЛИМНИ ЭГАЛЛАБ ОЛИШИГА ЙЎЛ ҚЎЙМАЙМАН»

Она шундай деб турса, келин нима қилсин?

Яқиндагина ўғил уйлантирган она кўнглида минг бир ғалаён. Фарзандининг янги келинга кўрсатаётган мулозамати, эътибори тинчини ўғирлади. Тўйгача фақат икки ёшнинг ширин турмушини орзу қилган аёл энди вужудида кечаётган ҳолатни ўзи ҳам тушунолмай ҳайрон. Хонадонига не-не умидлар билан келган қиз, унинг назарида, худди душмандек...

«ЎҒЛИМНИ ЭГАЛЛАБ ОЛИШИГА ЙЎЛ ҚЎЙМАЙМАН»

Инсон борки, муҳаббатга ташна, эътибор ва ғамхўрликдан куч олади. Айниқса, аёл учун яқинларининг меҳри катта аҳамиятга эга. Жамики гўзал ҳисларини бахшида қилиб фарзанд ўстирган она унинг камол топиб, шундай эҳтиром кўрсатишини кутади. Аммо ўғил вояга етиб уйлангач, хотинига андармон бўлиб қолиши онанинг ғашини келтира бошлайди. Афсуски, ўртада пайдо бўлган муносабат оила муҳитига салбий таъсир кўрсатади.

— Бир ўғил ва бир қизни еру кўкка ишонмай, асраб-авайлаб ўстирдим, — дейди ўғил уйлантирган она. — Бор меҳр-муҳаббатимни уларга илиндим. Фарзандларимнинг келажаги, бахтли турмуши ҳақида орзуларим жуда катта эди. Аммо ҳаддан зиёд боғланиб қолиш ҳам яхши эмас экан. Бунга ўз ҳаётим қиёс.

Ўғлимни олийгоҳни битирар-битирмас уйлантирдик. Ўзи кўнгил бериб уйлангани учун келиним билан жуда иноқ эди. Табиийки, ўзига суҳбатдош, яқин инсон топгач, менга ­эътибори камайди. Менда эса ўз-ўзидан унинг ёнимда кўпроқ бўлиши, мен билан суҳбатлашиб ўтириши истаги кучая борди. Ҳатто, эр-хотиннинг муносабатларига ҳам аралашишга мажбур бўлдим... Кеча ўзаро можаролашиб турганини кўриб, уларнинг ҳаётида пайдо бўлаётган муаммога мен сабабчи бўлиб қолаётганимни тушундим. Энди шу хатони тўғрилай олмай бошим қотган...

Агар чуқурроқ мулоҳаза қилиб кўрилса, оилада аёллар ўртасида пайдо бўладиган келишмовчиликларнинг асосий сабабчиси эркаклар бўлиб чиқади. Онанинг ягона истаги фарзандининг меҳрини ҳис қилиш. Шу нуқтаи назардан ёндашсак, бу муаммонинг юзага келишида ўғилнинг ҳам озми-кўпми айби бордек. Хонадонда тинчлик, осойишталик ҳукм суриши учун у тарозининг икки палласини ҳам баравар ушлаб туриши зарур.

— Ҳар қандай ота-она фарзанди оила қуриши олдидан яхши ниятлар қилади, — дейди «Оила» илмий-амалий маркази катта илмий ходими Мухтасар ­АБДУРАҲМОНОВА. — Аммо баъзилар вақт ўтиши билан ўз фикрига қарши чиқади. Аксарият ҳолларда бунинг сабаби, она ўғлини қизғанади. Шу кунгача унга эҳтиром кўрсатиб келган фарзанднинг меҳри иккига бўлинади. Табиийки, бу онанинг руҳий ҳолатига кучли таъсир кўрсатади. Ундаги қизғаниш туйғуси жиддий салбий оқибатларга олиб келиши мумкин. Ҳатто, айрим ёш оилалар ажримгача етиб боради.

Бунинг олдини олиш учун, аввало, она чуқур ўйлаб кўриши керак. Тирноқ ичидан кир қидириш билан биринчи навбатда ўз ҳаловатини йўқотади. У бу ҳаракати билан фарзандлари бахтига рахна солиши мумкинлигини тушуниб етиши керак. Ахир келини бутун умр унинг хизматини қилади. Кексайганда унинг кўмагига, ширин сўзига муҳтож бўлади-ку?!.

Ўғилнинг эса самимий ва ҳаммага бирдек муносабати билан бу тафовутни бартараф этиш қўлидан келади.

Дарҳақиқат, аёл киши нисбатан зийрак ва ҳушёрроқ бўлади. Қайнонасининг ўғлини қизғанаётганини сезган келин ҳам бу жиддий муаммога айланиб кетмаслиги учун ҳаракат қилиши керак. Турмуш ўртоғига вазиятни тўғри тушунтириб, унга айтаётган ширин сўзларини онасига ҳам илиниши кераклигини тушунтира олиши жуда муҳим. Шундагина кўнгли ёришмаётган она фарзандининг меҳрини кўриб, ўзини ҳам, уларни ҳам қийнаётган муаммодан халос бўлади.

Фарзанд учун онанинг қадри ҳамиша баланд туради. Ўз волидасининг турмушига аралашуви оқибатида йигит хоҳлаб-хоҳламай унинг қарорига қўшилишга мажбур бўлади. Қарабсизки, бир оиланинг бахтига дарз кетиб турибди. Бунга йўл қўйишга эса ҳаққимиз йўқ. Биз мустаҳкам қилиб қурган бино девори орасидан кўчган биттагина ғишт бир кун келиб уни қулатиши ҳам мумкин. Демакки, бир оиланинг барбод бўлган турмуши жамиятга ҳам ўзининг салбий таъсирини кўрсатади.

Шаҳноза РАҲИМХЎЖАЕВА




Ўхшаш мақолалар

УМРИМНИНГ  БЕШ КУНИ...

УМРИМНИНГ БЕШ КУНИ...

🕔16:32, 17.05.2018 ✔162

(Таҳририятга мактуб)

Одатда, бир оиланинг барбод бўлиши ҳақида мулоҳаза юритганимизда кўпроқ шу эр-хотиннинг кейинги тақдири, моддий таъминоти — бошпанаси-ю нафақаси ҳақида кўпроқ қайғурамиз. Аммо ота ё она меҳрини тотмай, сағирлик кўчасида қолиб кетган ўксик кўнгилнинг бир умрлик туганмас ҳасратига нима даво бўла олади?

Батафсил
АЁЛЛИК БАХТИ

АЁЛЛИК БАХТИ

🕔16:31, 17.05.2018 ✔133

Курсдош дугоналар ўқишни тугатгач, ташвишлари кўпайиб, кўришгани вақт топишолмади. Шу зайлда бир неча йил ўтди. Ниҳоят, бир курсдошининг ўғил тўйи баҳонасида дийдорлашишди.

Батафсил
«МЕНИНГ БОЛАМ ЎЛГАН ЭМАС...»

«МЕНИНГ БОЛАМ ЎЛГАН ЭМАС...»

🕔19:21, 10.05.2018 ✔113

Навқирон йигитнинг мардонавор жасорати

«Ассалому алайкум, мен учун азиз бўлган инсонлар! Отажон, соғлиқларингиз яхшими, чарчамасдан юрибсизми? Мендан сўрасангиз, яхшиман. Хизматнинг қийинчиликларига бардош бериб, ўз она Ватаним олдидаги йигитлик бурчимни адо этиб юрибман. Мана, кўз очиб юмгунча 9 ой ҳам ўтиб кетди, насиб қилса, яна 11 ойдан кейин ўз она қишлоғимга кириб бораман.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • УМРИМНИНГ  БЕШ КУНИ...

    УМРИМНИНГ БЕШ КУНИ...

    (Таҳририятга мактуб)

    Одатда, бир оиланинг барбод бўлиши ҳақида мулоҳаза юритганимизда кўпроқ шу эр-хотиннинг кейинги тақдири, моддий таъминоти — бошпанаси-ю нафақаси ҳақида кўпроқ қайғурамиз. Аммо ота ё она меҳрини тотмай, сағирлик кўчасида қолиб кетган ўксик кўнгилнинг бир умрлик туганмас ҳасратига нима даво бўла олади?

    ✔ 162    🕔 16:32, 17.05.2018
  • АЁЛЛИК БАХТИ

    АЁЛЛИК БАХТИ

    Курсдош дугоналар ўқишни тугатгач, ташвишлари кўпайиб, кўришгани вақт топишолмади. Шу зайлда бир неча йил ўтди. Ниҳоят, бир курсдошининг ўғил тўйи баҳонасида дийдорлашишди.

    ✔ 133    🕔 16:31, 17.05.2018
  • «МЕНИНГ БОЛАМ ЎЛГАН ЭМАС...»

    «МЕНИНГ БОЛАМ ЎЛГАН ЭМАС...»

    Навқирон йигитнинг мардонавор жасорати

    «Ассалому алайкум, мен учун азиз бўлган инсонлар! Отажон, соғлиқларингиз яхшими, чарчамасдан юрибсизми? Мендан сўрасангиз, яхшиман. Хизматнинг қийинчиликларига бардош бериб, ўз она Ватаним олдидаги йигитлик бурчимни адо этиб юрибман. Мана, кўз очиб юмгунча 9 ой ҳам ўтиб кетди, насиб қилса, яна 11 ойдан кейин ўз она қишлоғимга кириб бораман.

    ✔ 113    🕔 19:21, 10.05.2018
  • КЕЛИНИНИ АВАЙЛАГАН ҚАЙНОНА

    КЕЛИНИНИ АВАЙЛАГАН ҚАЙНОНА

    соғлом набиранинг бувиси бўлади

    Қайнона бу — она дегани. Келин эса қиздан-да азизроқ фарзанд. Агар оилада икки томонлама шундай муносабат ўрнатилсагина бахтли турмуш бўлади.

    Бирор онанинг қизи ишни чала қилгани учун кўчага ҳайдаб чиқарганини кўрганмисиз? Йўқ, аксинча ёнига олиб, унинг хатоси нимада эканини яхшилаб тушунтиради. Ёки қиз онасининг койиб берганидан аразлаб юришини тасаввур қила оласизми? Ҳеч бир фарзанд ота-онасининг танбеҳидан ранжимайди.

    ✔ 141    🕔 15:16, 03.05.2018
  • 118 ЁШЛИ ОНАХОН ШУКРОНАСИ

    118 ЁШЛИ ОНАХОН ШУКРОНАСИ

    «Қариялар панд-насиҳатлари ва тажрибаси ёшларга фойда бераётганини ҳис этаётган юртдагина узоқ умр кўрадилар».

    Абу Али ​​​​​​​Ибн Сино

    ✔ 141    🕔 17:00, 26.04.2018
Ҳаммасини кўриш 

Фойдали манбаалар