Мустаҳкам оила      Бош саҳифа

БАХТ ЭРТАНГИ КУНИНГИЗДА

унга бардош ва ирода билан етиб борасиз

«Тўйимизга тўрт йил бўлди. Ҳалигача фарзанд кўрмадик. Атрофимдагилар ажрашишни маслаҳат беряпти. Эрим эса, ажрашмоқчи эмас. Бошқаларнинг болали бўлганини эшитсам, єийналиб кетаман. Ҳатто, яшагим келмай қолади. Мен ҳозир нима қилсам бўлади?»

Н.Н.

Миришкор тумани

БАХТ ЭРТАНГИ КУНИНГИЗДА

Нигора ­ШОМУРОДОВА,

Республика «Оила» илмий-амалий маркази илмий ходими, оила психологи:

— Никоҳ — муқаддас ришта. Бу риштанинг мустаҳкамлиги, тобланиши ҳаётда рўй берадиган синовлар ва ташвишлар билан боғлиқ. Аёл оиланинг энг асосий бўғини ҳисобланади. Оилавий ҳаётдаги тўрт йил жуда қисқа муддат. Ҳаётда турмуш қурилганининг ўнинчи, ўн бешинчи, ҳатто йигирманчи йиллари оралиғида фарзанд кўрганлар бор.

Бундай пайтларда атрофдагиларнинг оилани барбод қилиш ҳақидаги  гапларига алданиб қолмаслик, эътибор бермаслик муҳим. Никоҳ бахтли дамларда, бахтсизликда, соғлиқ ва бетобликда, ғам-қайғуда ва шодликда бирга бўлишга ваъдалашиб, келишиб қурилади. Шу боис ҳаётингиздаги бу синов сизнинг асл бардошингизни, ҳаётга бўлган муносабатингизни имтиҳон қилмоқда.

Эр-хотин бир-бирини асраб-авайлаши, ишонч билдириши, турли ёқимсиз вазиятлардан ҳимоялаши зарур. Агар турмуш ўртоғингиз сизни бу ҳаётдаги энг яқин суянган тоғингиз, ҳаётингизнинг мазмуни бўлса, у ҳолда зинҳор сиз ўзингизнинг салбий фикрларингиз, тушкунликдаги қарашларингиз билан уни азобламанг!

Кимнингдир бахтли эканини, фарзандли бўлганини эшитсангиз, «Оллоҳ, шу бахтни бизга ҳам насиб қил!», дея тилак тилаб, дуо қилинг. Бу билан ана шу ҳаётни ўзингизга чақирасиз. Аксинча, кимнингдир фарзандли бўлгани сизни қийнаса, сиз ўзингизга ғам ва қайғу чақирасиз.

Ҳаётий кузатишларимда гувоҳ бўлганман: узоқ кутилган фарзанд ота-онанинг бардошини, бир-бирига бўлган ишончини, қадрини, меҳрини янада кучайтиради. Она бўлиш улкан бардош, тўғри фикрлаш, меҳр, ардоқ, ҳаётга нисбатан ташналикни тақозо этади. Ана шундай бахт эгаси бўлишингизга аввало, ўзингиз ишона олинг. Бу йўлда чидамли ва мулоҳазали бўлинг. Бундай машаққатлар ортига яширинган бахт бир куни сизни, албатта, шодумон қилади, мукофотлайди.




Ўхшаш мақолалар

Эшиги очиқ хонадон

Эшиги очиқ хонадон

🕔11:31, 16.08.2018 ✔2

Улар бир-бирини боғча пайтлариданоқ билишарди. Қизалоқ шўх, болакай, аксинча, оғир-босиқ эди. Мактабда ҳам бир синфда ўқишди. Иккиси ҳам аълочи, етакчи бўлди.

Батафсил
Эртанги бахтга аниқ ишонасизми?

Эртанги бахтга аниқ ишонасизми?

🕔12:06, 02.08.2018 ✔51

Ёлғон гап умрбод бошпана бўлолмайди.

Батафсил
Ўн саккиз йиллик сабр

Ўн саккиз йиллик сабр

🕔12:05, 02.08.2018 ✔52

Cинглим шунча йил фарзанд кутди ва...

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар