Мустаҳкам оила      Бош саҳифа

САБР ВА ШУКР ҲОСИЛАСИ

ёшларимиз ҳаётидан йироқлашмаяптими?

Ўн олтига тўлганимда отам оғир касаллик туфайли вафот этди. Бечора онам олти фарзанд билан ёлғиз қолди. Ўша вақтлар ҳозирги тўкин-сочинлик қаерда дейсиз, каталакдек ҳовлида етти жон бир парча нонга зориқиб, кун ўтказардик. Шукрки, қариндош-уруғ, отамнинг дўстлари рўзғоримизга қарашиб турди. Аммо бора-бора улғайганимиз сари аҳволимиз янада оғирлашди. Шунда биринчи бўлиб мени «учирма» қилишди.

САБР ВА ШУКР ҲОСИЛАСИ

Ўзимдан ўн саккиз ёш катта кишига турмушга чиқиш қанчалик оғир бўлмасин, ­оиламнинг яхши яшаши учун буни қабул қилишга мажбур эдим. Келин бўлиб тушган хонадоним бизникидек ушоққина экан. Янги келин-куёвга деб кўримсизгина бир хонани ажратишди. Тўрт девори ва ердаги кигизини айтмаса, деярли ҳеч нимаcи йўқ эди. Ҳозирги замонавий жиҳозлар ҳатто, тушимизга ҳам кирмаган. Шундай бўлса-да, сабр қилиб яшашга тўғри келди. Анча қийин кунларни бошдан ўтказдим. Мен ҳали бола эдим, турмушга унча тайёр ҳам эмасдим. Орзуларим эса, ота уйимга кўмилганди. Лекин кўникиш керак эди. Ота уйига қайтиб боришдек ўлимдан қаттиқ уятни елкага ортмаслик учун ҳам яшаш шарт эди.

Секин-секин фарзандларим туғилиб, битта нонимиз ўнга бўлинди, баъзида болаларим озгина кўпроқ нон есин, деб оч қолган кунларимиз бўлди. Шунда ҳам оилани муқаддас билиб, уни оёқости қилмадик. Шу-шу секин-аста ўзимизни тиклаб, ўн икки фарзандни уйли-жойли қилдик...

Ўша давр билан ҳозирги пайтнинг ер билан осмонча фарқи бор. Орзу қилганимиздан-да зиёда. Ҳамма нарса муҳайё. Пулинг бўлса, чангалда шўрва. Ҳеч нарсага зориқмайсан. Яратилган шароиту имкониятларнинг чек-чегараси йўқ. Аммо ўзгаришлар фақат замонга таъсир қилса қанийди, афсуски, одамларни ҳам четлаб ўтмади. Фарқли томони — кишиларга акс таъсир қилгандек. Уларнинг хоҳиш-истаклари янада кўпайиб, орзу-ҳаваслари ошиб кетди. Айниқса, оила қураётган ёшларнинг шоҳона ҳаёт томон шошиши, сабрни унутиб қўйгани, борига шукр қилмаслиги жуда аянчли ҳолат. Бу тўқликка шўхликдан бошқа нарса эмас, назаримда. Борига қаноат қилмай, «яна-яна» деб мол-дунё орттиришларини-ку, гапирмаса ҳам бўлади. Одамзотда шундай хусусият бор: эришмаган нарсасининг қули, эришганининг ношукри.

Қовун қовундан ранг олади, деганларидек, набираларимда ҳам осмон-осмон истаклар бисёр, гўё сеҳргар бўлсангу, уларга керак ҳамма нарсани муҳайё қилсанг. Аммо меҳнатсиз, сабр-тоқатсиз буларга эришиб бўлармиди?

Яқинда катта набирамни узатдик, ота-онаси биринчи фарзанд деб олмаган жиҳози-ю, бермаган совғаси қолмади. Ҳалиги кун телефон қилиб, у йўқ, бу йўқ, деб хархаша қилаётганини эшитиб қолдим. Гўшакни олиб, бироз насиҳат қилгандим, сал босилди. Бизга ўхшаб мажбурликдан эмас, севиб-севилиб турмуш қураётган бўлса, ҳамма нарсаси етарли, устига-устак, орзу-ҳавас ортиғи билан қилинган. Яна нима керак? Ўзи тешик тоғорага қанча сув солсанг, тўлмаганидек,  нафс қанчалик чегарадан ошиб кетса, тоғ-тоғ беринг, заррадек туюлавераркан. Одамда оз бўлса-да, чидам бўлиши керак. Баъзида киши инсон бўлиб яшаши учун, озгина камчилик кўриши ҳам керак.

Ҳозиргилар шундай бўлса, бир неча йилдан сўнг туғилган авлодлар қандай бўлади? Ўзи «шошиб» юрганлар, боласига «югуришни» ўргатадими?

Замира ЖУМАЕВА,

Бухоро вилояти




Ўхшаш мақолалар

УМРИМНИНГ  БЕШ КУНИ...

УМРИМНИНГ БЕШ КУНИ...

🕔16:32, 17.05.2018 ✔65

(Таҳририятга мактуб)

Одатда, бир оиланинг барбод бўлиши ҳақида мулоҳаза юритганимизда кўпроқ шу эр-хотиннинг кейинги тақдири, моддий таъминоти — бошпанаси-ю нафақаси ҳақида кўпроқ қайғурамиз. Аммо ота ё она меҳрини тотмай, сағирлик кўчасида қолиб кетган ўксик кўнгилнинг бир умрлик туганмас ҳасратига нима даво бўла олади?

Батафсил
АЁЛЛИК БАХТИ

АЁЛЛИК БАХТИ

🕔16:31, 17.05.2018 ✔39

Курсдош дугоналар ўқишни тугатгач, ташвишлари кўпайиб, кўришгани вақт топишолмади. Шу зайлда бир неча йил ўтди. Ниҳоят, бир курсдошининг ўғил тўйи баҳонасида дийдорлашишди.

Батафсил
«МЕНИНГ БОЛАМ ЎЛГАН ЭМАС...»

«МЕНИНГ БОЛАМ ЎЛГАН ЭМАС...»

🕔19:21, 10.05.2018 ✔41

Навқирон йигитнинг мардонавор жасорати

«Ассалому алайкум, мен учун азиз бўлган инсонлар! Отажон, соғлиқларингиз яхшими, чарчамасдан юрибсизми? Мендан сўрасангиз, яхшиман. Хизматнинг қийинчиликларига бардош бериб, ўз она Ватаним олдидаги йигитлик бурчимни адо этиб юрибман. Мана, кўз очиб юмгунча 9 ой ҳам ўтиб кетди, насиб қилса, яна 11 ойдан кейин ўз она қишлоғимга кириб бораман.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • УМРИМНИНГ  БЕШ КУНИ...

    УМРИМНИНГ БЕШ КУНИ...

    (Таҳририятга мактуб)

    Одатда, бир оиланинг барбод бўлиши ҳақида мулоҳаза юритганимизда кўпроқ шу эр-хотиннинг кейинги тақдири, моддий таъминоти — бошпанаси-ю нафақаси ҳақида кўпроқ қайғурамиз. Аммо ота ё она меҳрини тотмай, сағирлик кўчасида қолиб кетган ўксик кўнгилнинг бир умрлик туганмас ҳасратига нима даво бўла олади?

    ✔ 65    🕔 16:32, 17.05.2018
  • АЁЛЛИК БАХТИ

    АЁЛЛИК БАХТИ

    Курсдош дугоналар ўқишни тугатгач, ташвишлари кўпайиб, кўришгани вақт топишолмади. Шу зайлда бир неча йил ўтди. Ниҳоят, бир курсдошининг ўғил тўйи баҳонасида дийдорлашишди.

    ✔ 39    🕔 16:31, 17.05.2018
  • «МЕНИНГ БОЛАМ ЎЛГАН ЭМАС...»

    «МЕНИНГ БОЛАМ ЎЛГАН ЭМАС...»

    Навқирон йигитнинг мардонавор жасорати

    «Ассалому алайкум, мен учун азиз бўлган инсонлар! Отажон, соғлиқларингиз яхшими, чарчамасдан юрибсизми? Мендан сўрасангиз, яхшиман. Хизматнинг қийинчиликларига бардош бериб, ўз она Ватаним олдидаги йигитлик бурчимни адо этиб юрибман. Мана, кўз очиб юмгунча 9 ой ҳам ўтиб кетди, насиб қилса, яна 11 ойдан кейин ўз она қишлоғимга кириб бораман.

    ✔ 41    🕔 19:21, 10.05.2018
  • КЕЛИНИНИ АВАЙЛАГАН ҚАЙНОНА

    КЕЛИНИНИ АВАЙЛАГАН ҚАЙНОНА

    соғлом набиранинг бувиси бўлади

    Қайнона бу — она дегани. Келин эса қиздан-да азизроқ фарзанд. Агар оилада икки томонлама шундай муносабат ўрнатилсагина бахтли турмуш бўлади.

    Бирор онанинг қизи ишни чала қилгани учун кўчага ҳайдаб чиқарганини кўрганмисиз? Йўқ, аксинча ёнига олиб, унинг хатоси нимада эканини яхшилаб тушунтиради. Ёки қиз онасининг койиб берганидан аразлаб юришини тасаввур қила оласизми? Ҳеч бир фарзанд ота-онасининг танбеҳидан ранжимайди.

    ✔ 64    🕔 15:16, 03.05.2018
  • 118 ЁШЛИ ОНАХОН ШУКРОНАСИ

    118 ЁШЛИ ОНАХОН ШУКРОНАСИ

    «Қариялар панд-насиҳатлари ва тажрибаси ёшларга фойда бераётганини ҳис этаётган юртдагина узоқ умр кўрадилар».

    Абу Али ​​​​​​​Ибн Сино

    ✔ 94    🕔 17:00, 26.04.2018
Ҳаммасини кўриш 

Фойдали манбаалар