Китоб бу — мўъжиза      Бош саҳифа

МУТОЛАА — ЮМУШ ЭМАС, ХОҲИШ БЎЛСИН!

Қизим туғилганидан бошлаб, қаерда болаларбоп, қизиқарли китоб кўрсам, харид қилишга одатландим. Унга ухлашдан олдин эртак китоблар ўқиб берардим. Қизим бир куни ўша китоблардан бирини ушлаб йиғлаб турарди... Ундан сабабини сўраганимда, «Шу-у-унча китобим бору, нега мен ҳалиям ўқишни билмайман?..», деганди. Ўшанда ҳаяжон ва қувончдан йиғлаб юборгандим...

МУТОЛАА — ЮМУШ ЭМАС, ХОҲИШ БЎЛСИН!

Демак, уйда китоб бўлса ва мунтазам мутолаа йўлга қўйилса, болада ўз-ўзидан ўқишга иштиёқ туғилар экан.

Аксарият ёш ота-оналар фарзандини китоб ўқимаслигидан нолишади. Келинг, болаларимизни планшет, компьютер ўйинлари каби «дўст»ларидан бироз узоқлаштириб, чин дўст — китобга меҳр уйғотишга ҳаракат қилиб кўрамиз.

Лобар НОРБОЕВА,

уй бекаси:

— Болалигимда «Иф қалъасининг маҳбуси» фильмини иштиёқ билан томоша қилганимни кўрган отам бу асарнинг муаллифи машҳур ёзувчи Александр Дюма эканини, китоби фильмдан ҳам ажойиб эканини гапириб, мени қизиқтириб қўйган. Асар бош қаҳрамони граф Монте-Кристонинг сабри, шижоати мени илҳомлантиргани боис, китобни қайта-қайта ўқиб чиққанман. Отамнинг бу услуби ҳозир менга ҳам ўтган. Болаларим бирон кинони қизиқиб томоша қилишса, китобини ҳам топиб ўқишни тавсия қиламан. Албатта, тавсия қилиш билан иш битмайди. Шахсан ўзим топиб беришга ҳаракат қиламан, чунки ҳамма воқеалар ҳам фильм сюжетига киритилавермайди.

Яқинда қизим Абдулла ­Қодирийнинг «Ўткан кунлар» романини ўқиб, фильмда фойдаланилмаган жойларини сўзлаб берди.

Биз ота-оналар фарзандларимизни ўқимасликда айблашдан олдин бунинг йўлини топишга ҳаракат қилишимиз фойдалироқ, назаримда.

Регина ЮНУСОВА,

бошланғич таълим ўқитувчиси:

— Айрим ота-оналар фарзандининг бирданига даҳо бўлиб қолишини исташади. Ёшига мос бўлмаган адабиётларни келтириб, ўқишга мажбурлашади. Бу — энг биринчи хато! Агар китоб ёшига мос, қизиқарли бўлганида ҳам болани мажбурлаш эмас, қизиқтира олиш керак. Дейлик, китоб дўконига олиб тушдингиз. Табиийки, бола рангли, безакдор китобларни танлашга тушади. Ўша пайт ҳийлани ишга солиш керак. «Агар мен танлаган китобни ҳам ўқиб, ҳам гапириб беришга ваъда берсанг, сенга истаган китобингни совға қиламан», қабилида.

Болангиз иштиёқ билан бирон ўйин ўйнаяпти. Ёки зўр қизиқиш билан мультфильм томоша қиляпти. Бу ҳолатда болани мажбурлаб китоб ўқитиш уларни асабийлашишга олиб келади. Болаларга ўз психологиясидан келиб чиқиб муомала қилиш керак. Дейлик, ўғлим, қизим, кел бирга ўйнаймиз, дейиш мумкин. Улар ўйин сўзини эшитгач, дарров сизга эътибор қаратишади. Китобдаги ҳикояни образларга бўлиб, ўйин тариқасида галма галдан ўқиш мумкин.

Фарзандингиз учун ҳар куни иложи борича бир соат вақт ажратишга ҳаракат қилинг. Вақти келиб, бунга асло ачинмайсиз. Аксинча, фахрланиб юрасиз!

Адолат ФАЙЗИЕВА,

журналист:

— Инсонларда китобга меҳр қачон пайдо бўлади? Агар китоб ўқишни иш деб эмас, ҳузурланиш деб ҳисоблаганида. Буни болаларга ҳам сингдириш муҳим. Уйимизда, албатта, китоблар учун бурчак бўлиши керак. Шкафнинг ичида эмас, айнан кўринарли жойда. Унга ҳар сафар кўз тушганида мутолаага иштиёқ туғилсин.

Айримлар китоб ўқимасликни вақтнинг камлиги билан изоҳлашади. Мен буни жавоб деб ҳисобламайман. Таклифим: ёнимизда, сумкамизнинг бир чеккасида доим кичикроқ ҳажмда китоб олиб юрайлик. Иш билан турли жойларга борамиз. Дейлик, шифокор қабулидамиз. Агар навбатда мижозлар кўп бўлса, дарров китоб «овунчоғимиз» бўлади. Автобус, метрода кетаётганда, бекор ўтиргандан кўра китоб ўқиб кетиш мумкин. Хоҳиш бўлса, имконият топилади.

Ёдгора АБДУРАЗЗОҚОВА,

меҳнат фахрийси:

— Болани ширин гап, турли ўйинлар билан қизиқтириб китобга ўргатиш мумкин. Баъзида, мен кўзойнагимни атайин олиб қўяман. Неварамдан кўзойнагимни тополмаяпман, газетани ўқиб беролмайсанми, деб сўрайман. Ўқишни бошлагач, ҳар замонда тўхтатиб, мақолани шарҳлаб тураман. Ўқиган китобларим ҳақида, уларнинг қаҳрамонлари ҳақида сўзлаб бераман. Невараларим эса гапириб берган китобларимни интернетдан топиб кўрсатишади, ўқиб чиқишади. Демак, ҳаракатларим зое кетмаяпти. Оз бўлса-да, оилам маънавиятига ҳисса қўшяпман, деб хурсанд бўламан.

Шундай экан, муаммоларни ўйлаб бош қотирмасдан, ечим топишга ҳаракат қилайлик. Биз катталар келажагимиз пойдеворларига ўрнак бўлиб, қўлимизга китоб олайлик. Зеро, хайрли ишнинг, албатта, мукофоти бўлади.

 

Нилуфар САПАЕВА




Ўхшаш мақолалар

ҲАҚИҚАТНИ ЕНГИБ БЎЛМАЙДИ

ҲАҚИҚАТНИ ЕНГИБ БЎЛМАЙДИ

🕔15:33, 19.04.2018 ✔6

мағлубиятнинг ҳам улкан ҳаловати бор

Йигирма саккиз яшар ўқитувчи йигит эрталаб уйидан чиққанича қайтиб келмади. Орадан саккиз йил ўтиб, у ўликлар сафидан жой олди. Лекин фақат ҳужжатда.

Батафсил
ҚАЛБДАГИ  ЖОҲИЛЛИКДАН ҚАНДАЙ  ҚУТУЛИШ  МУМКИН?

ҚАЛБДАГИ  ЖОҲИЛЛИКДАН ҚАНДАЙ  ҚУТУЛИШ  МУМКИН?

🕔15:27, 19.04.2018 ✔6

Китобдаги қувонч ва изтиробларни ўқувчи ўзиники деб қабул қилсагина, ўша ҳақиқий асардир, деганлари рост. Сабаби ҳар бир ижодга ошно қалб тинглаётган куйдан дардини, суратдан қиёфасини, асарлардан ҳаётига ўхшаш нуқталарни қидиради.

Батафсил
КИТОБЛАРИМИЗ ДУНЁДАГИ ЭНГ КАТТА КУТУБХОНАДА

КИТОБЛАРИМИЗ ДУНЁДАГИ ЭНГ КАТТА КУТУБХОНАДА

🕔15:26, 19.04.2018 ✔6

Буюк Британиядаги дунёнинг энг катта кутубхонасида Ўзбекистонда нашр этиладиган китоблар сақланадиган бўлди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ҲАҚИҚАТНИ ЕНГИБ БЎЛМАЙДИ

    ҲАҚИҚАТНИ ЕНГИБ БЎЛМАЙДИ

    мағлубиятнинг ҳам улкан ҳаловати бор

    Йигирма саккиз яшар ўқитувчи йигит эрталаб уйидан чиққанича қайтиб келмади. Орадан саккиз йил ўтиб, у ўликлар сафидан жой олди. Лекин фақат ҳужжатда.

    ✔ 6    🕔 15:33, 19.04.2018
  • ҚАЛБДАГИ  ЖОҲИЛЛИКДАН ҚАНДАЙ  ҚУТУЛИШ  МУМКИН?

    ҚАЛБДАГИ  ЖОҲИЛЛИКДАН ҚАНДАЙ  ҚУТУЛИШ  МУМКИН?

    Китобдаги қувонч ва изтиробларни ўқувчи ўзиники деб қабул қилсагина, ўша ҳақиқий асардир, деганлари рост. Сабаби ҳар бир ижодга ошно қалб тинглаётган куйдан дардини, суратдан қиёфасини, асарлардан ҳаётига ўхшаш нуқталарни қидиради.

    ✔ 6    🕔 15:27, 19.04.2018
  • КИТОБЛАРИМИЗ ДУНЁДАГИ ЭНГ КАТТА КУТУБХОНАДА

    КИТОБЛАРИМИЗ ДУНЁДАГИ ЭНГ КАТТА КУТУБХОНАДА

    Буюк Британиядаги дунёнинг энг катта кутубхонасида Ўзбекистонда нашр этиладиган китоблар сақланадиган бўлди.

    ✔ 6    🕔 15:26, 19.04.2018
  • ВИЖДОН ОЛДИДАГИ ЖАВОБГАРЛИК

    ВИЖДОН ОЛДИДАГИ ЖАВОБГАРЛИК

    Ундан қочиб бўладими?

    Инсон жиноятга қўл урди… Жиноят хоҳ фақат ўз манфаати учун хизмат қилсин, хоҳ у одамзодни ҳалокатдан асраб қолсин, бу аҳамиятсиз. Муҳими, оғир жиноят — қотиллик юз берди. Ҳеч ким буни сезмади, сиз айбловдан қутулиб ҳам қолдингиз, ўғирланган нарсалар ҳам бехавотир жойда. Қисқаси, жиноят қилдингиз-у, жазодан озод қолдингиз.

    ✔ 58    🕔 18:16, 05.04.2018
  • КЎНГИЛ ОЛАМИМДА ЧАҚНАГАН ШУЪЛА

    КЎНГИЛ ОЛАМИМДА ЧАҚНАГАН ШУЪЛА

    Инсон китоб мутолаа қилиб турсагина фикри теранлашиб, дунёқараши кенгайиб бораверади. «Тасвирий ойна» ижодий уюшмаси 2018 йил номига ҳамоҳанг тарзда «Фаол тадбиркорлик, инновацион ғоялар ва технологиялар — келажак пойдевори» деб номланган қўлланмани кенг омма ҳукмига ҳавола этди. Миллий матбуот марказида мазкур китобнинг тақдимоти бўлиб ўтди.

    ✔ 50    🕔 18:16, 05.04.2018
Ҳаммасини кўриш 

Фойдали манбаалар