Даромад манбаи      Бош саҳифа

ЕР ТАНЛАМАС ЎСИМЛИК

Юртимизнинг қулай табиий-иқлим шароитидан омилкорлик билан фойдаланувчи сабзавоткорлар хусусий томорқасидан йилига бир неча марта ҳосил олиши мумкин. Хусусан, кашнич ҳам йил бўйи экса бўладиган сабзавотлардан бири ҳисобланади.

ЕР ТАНЛАМАС ЎСИМЛИК

Одатда, кашнич янги узилган барра ҳолда ва қишда қуритиб ишлатилади  ва йил бўйи истеъмол қилинади. Юртимизда унинг «Орзу» ва «Янтарь» навлари районлаштирилган.

— Кашнич совуққа чидамли бир йиллик сербарг, хушбўй ўсимлик, — дейди қишлоқ хўжалиги фанлари номзоди Рафиқжон ҲАКИМОВ. —  Ўзи ва уруғи овқатни хушхўр қилишда ишлатилади. Уруғининг ўсиши учун 5-6, кўкариб ҳосил бериши учун 15-16 даража ҳарорат етарли. Кашнич вегетация бошида секин ўсади, кейин тез ривожланади. Унинг барра баргларини 2-3 марта ўриб олиш мумкин. Бунда 1-1,5 сантиметр танаси қолдирилади, тегишли шароит яратилганда барги яна ўсиб чиқади. Вақтида ўриб олинмаса, уруғпоя ҳосил қилади ва истеъмолга яроқсиз бўлиб қолади.

Ўсимлик ер танламайди. Уруғи экилгандан сўнг 35-40 кунда ҳосили етилади. Кашничдан узлуксиз ҳосил олиш учун эртагиси февралда, ўртагиси  апрелда, ёзгиси июнда, кейингилари 15 августдан 15 октябргача ва тўқсонбости қилиб 25 ноябрдан 10 декабргача бўлган муддатда экилади.

Пол қилиб сепилганда гектарига 8-10 килограмм уруғ сарфланади. Уруғ экилгандан сўнг, устидан майда чириган гўнг (1 сотих ерга 150-200 килограмм ҳисобида) сепилади. Нам етарли бўлса, уруғи 5-10 кунда униб чиқади. Ўсимликнинг қисқа муддатда етилишини ҳисобга олиб, гўнг солиш билан бирга, 1 сотих майдонга 1 килограмм азотли, 1 килограмм фосфорли, ярим килограмм калийли ўғит солиш талаб этилади. Асосий парвариши 1-2 марта ўташ, қалин ерларини сийраклатиш ва вақтида суғоришдан иборат. Яхши парваришланганда гектаридан 8-10 тоннагача ҳосил олиш мумкин.

Аммо экишдан олдин уруғни тўғри танлаш керак. Экиладиган кашнич уруғи тоза, юқори унувчан, касалликлардан холи, бошқа ўсимликлар уруғлари аралашмаган бўлиши зарур.

Шундан сўнг ер тайёрлаб олинади. Майдон ўтмишдош экин қолдиқлари ва бегона ўтлардан тозаланиши керак. Тупроқ 20-25 сантиметр чуқурликда юмшатилади, яхшилаб текисланади.

 

Нурбек ҒАФФОРОВ

тайёрлади.




Ўхшаш мақолалар

ТЕХНИКА, ЕР ВА ЯЙЛОВИМИЗ БОР...

ТЕХНИКА, ЕР ВА ЯЙЛОВИМИЗ БОР...

🕔15:04, 16.02.2018 ✔28

Қолганини меҳнат қилиб топяпмиз

Чорвачилик аҳолининг сут, гўшт маҳсулотларига бўлган эҳтиёжини қондирадиган жуда муҳим тармоқ. Уни янада ривожлантириш, такомиллаштириш бугунги куннинг талаби.

Батафсил
ДЎППИДЕККИНА ИССИҚХОНА ДАРОМАДИ

ДЎППИДЕККИНА ИССИҚХОНА ДАРОМАДИ

🕔15:04, 16.02.2018 ✔48

Қишнинг изғиринли кунларига қарамай, сархил мевалар, барра сабзавотлар бозору дўкон расталарини безаб турибди. Бемалол савдолашиб ҳамёнбоп нархда харид қилиш мумкин. Бу элда фаровонлик, дастурхонларда тўкин-сочинликдан далолатдир.

Батафсил
ҚУЛАЙЛИКЛАРДАН УНУМЛИ ФОЙДАЛАНИБ…

ҚУЛАЙЛИКЛАРДАН УНУМЛИ ФОЙДАЛАНИБ…

🕔15:03, 16.02.2018 ✔25

Тадбиркорлар учун қулай муҳит яратилиб, уларга имтиёзлар тақдим қилинаётгани туфайли янги иш ўринлари яратилмоқда ва аҳоли турмуш фаровонлиги ошмоқда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ТЕХНИКА, ЕР ВА ЯЙЛОВИМИЗ БОР...

    ТЕХНИКА, ЕР ВА ЯЙЛОВИМИЗ БОР...

    Қолганини меҳнат қилиб топяпмиз

    Чорвачилик аҳолининг сут, гўшт маҳсулотларига бўлган эҳтиёжини қондирадиган жуда муҳим тармоқ. Уни янада ривожлантириш, такомиллаштириш бугунги куннинг талаби.

    ✔ 28    🕔 15:04, 16.02.2018
  • ДЎППИДЕККИНА ИССИҚХОНА ДАРОМАДИ

    ДЎППИДЕККИНА ИССИҚХОНА ДАРОМАДИ

    Қишнинг изғиринли кунларига қарамай, сархил мевалар, барра сабзавотлар бозору дўкон расталарини безаб турибди. Бемалол савдолашиб ҳамёнбоп нархда харид қилиш мумкин. Бу элда фаровонлик, дастурхонларда тўкин-сочинликдан далолатдир.

    ✔ 48    🕔 15:04, 16.02.2018
  • ҚУЛАЙЛИКЛАРДАН УНУМЛИ ФОЙДАЛАНИБ…

    ҚУЛАЙЛИКЛАРДАН УНУМЛИ ФОЙДАЛАНИБ…

    Тадбиркорлар учун қулай муҳит яратилиб, уларга имтиёзлар тақдим қилинаётгани туфайли янги иш ўринлари яратилмоқда ва аҳоли турмуш фаровонлиги ошмоқда.

    ✔ 25    🕔 15:03, 16.02.2018
  • ЎРИКДАН 10 ТОННА ҲОСИЛ

    ЎРИКДАН 10 ТОННА ҲОСИЛ

    Ниҳоллар ҳосилга кириши ва даромад келтириши учун…

    Даромад олишнинг йўллари кўп. Кимдир ишлаб чиқариш билан, бошқаси хизмат кўрсатиш билан шуғулланади.

    ✔ 79    🕔 10:49, 09.02.2018
  • СОЛИҚ ҚАРЗИ ВОЗ КЕЧИЛАДИ, ҚАНДАЙ ҚИЛИБ?

    СОЛИҚ ҚАРЗИ ВОЗ КЕЧИЛАДИ, ҚАНДАЙ ҚИЛИБ?

    Биргина Тошкент шаҳридаги 500 дан ортиқ якка тадбиркорнинг 8,7 миллиард сўм солиқ қарзидан кечилади. ​​​​​​​

    ✔ 47    🕔 10:48, 09.02.2018
Ҳаммасини кўриш 

Фойдали манбаалар