Аниқ саволга аниқ жавоб      Бош саҳифа

ЙИЛНИНГ ЭНГ ЯХШИЛАРИ ҚАТОРИДА БЎЛИШ УЧУН...

Эътироф ва рағбат кишини янги марралар сари етаклайди. Айниқса, ёшларга кўрсатилган эътибор ўз самарасини кўрсатиши аниқ. Шу мақсадда давлат ва жамият ҳаётининг турли жабҳаларида фидокорона меҳнат қилаётган, соҳа ривожига ўзининг муносиб ҳиссасини қўшиб келаётган, ватанпарвар ёшларни рағбатлантириб бориш учун Ўзбекистон ёшлар иттифоқи махсус мукофот таъсис этди. Бу ҳақда тўлиқроқ маълумот олиш ниятида Ўзбекистон ёшлар иттифоқининг жамоатчилик билан алоқалар бўлими бош мутахассиси Гулчеҳра АШУРОВАга мурожаат қилдик.

ЙИЛНИНГ ЭНГ ЯХШИЛАРИ ҚАТОРИДА БЎЛИШ УЧУН...

— Мукофот ёшларга қандай йўналишлар бўйича берилади?

 — Ўзбекистон ёшлар иттифоқи мукофоти Давлат ва жамият бошқаруви соҳасида «Йилнинг энг яхши ёш депутати», «Йилнинг энг яхши ёшлар масалалари бўйича ҳоким ўринбосари», «Йилнинг энг яхши туман (шаҳар) ички ишлар бошқармаси бошлиғининг ёшлар масалалари бўйича ўринбосари», «Йилнинг энг яхши вилоят кенгаши раиси», «Йилнинг энг яхши туман (шаҳар) кенгаши раиси», «Йилнинг энг яхши ёшлар масалалари бўйича МФЙ раиси ўринбосари», «Йилнинг энг яхши ёш маҳалла посбони» номинациялари бўйича (7 та);

Иқтисодиёт ва қишлоқ хўжалиги соҳасида «Йилнинг энг яхши ёш тадбиркори», «Йилнинг энг яхши ёш фермери», «Йилнинг энг яхши ёш ҳунарманди», «Йилнинг энг яхши ёш ишчиси», «Йилнинг энг яхши фидойи ёшлар ­отряди аъзоси» номинациялари бўйича (5 та);

Фан-таълим ва ижтимоий соҳада «Йилнинг энг яхши ёш олими», «Йилнинг энг яхши ёш дастурчиси», «Йилнинг энг яхши ёш ўқитувчиси», «Йилнинг энг яхши талабаси», «Йилнинг энг яхши ўқувчиси», «Йилнинг энг яхши бошланғич ташкилот етакчиси», «Йилнинг энг яхши «Камалак» сардори» номинациялари бўйича (7 та);

Санъат, маданият, журналистика ва спорт соҳасида «Йилнинг энг яхши ёш режиссёри» (театр ва кино йўналиши бўйича), «Йилнинг энг яхши ёш актёри» (театр ва кино йўналиши бўйича), «Йилнинг энг яхши ёш қўшиқчиси» (мумтоз қўшиқ, опера ва эстрада йўналиши бўйича), «Йилнинг энг яхши ёш бастакори», «Йилнинг энг яхши ёш ижодкори» (назм ва наср йўналиши бўйича), «Йилнинг энг яхши ёш журналисти», «Йилнинг энг яхши ёш рассоми», «Йилнинг энг яхши ёш дизайнери», «Йилнинг энг яхши ёш спортчиси» номинациялари бўйича (14 та) тақдирланади.

— Номзодларни танлашда кўпроқ қандай жиҳатларга эътибор қаратилади?

— Мукофотни беришда ёшлар фаолият кўрсатаётган соҳадан келиб чиқиб, йил давомидаги иш самарадорлиги, тизим ёки соҳани ривожлантиришга қўшган ҳиссаси, ўз соҳасига киритган инновацияси, фаолияти орқали давлат ва жамият ҳаётига келтирган амалий фойдаси, шунингдек, меҳнатсеварлиги, фидойилиги, интизоми, иқтидори, жамоат ишларидаги фаоллиги, давлат ва халқаро миқёсда эришган ютуқлари соҳа вакиллари, кенг жамоатчилик томонидан ­эътироф этилганига эътибор қаратилади.

— Танловда кимлар қатнашиш ҳуқуқига эга?

— Мукофот Ўзбекистон Республикаси фуқаролари, фуқаролиги бўлмаган шахслар ҳамда мамлакатимиз ривожи йўлида жонбозлик кўрсатаётган чет эл фуқароларига берилади.

— Танловга қандай ҳужжатларни тақдим этиш керак?

— Мукофотга номзодларни вазирликлар, идоралар, маҳаллий давлат ҳокимияти органлари, корхоналар, муассасалар ва ташкилотлар, жамоат бирлашмалари кўрсатади, тавсияномалар ҳамда номзод фаолиятига оид ҳужжатлар тақдим этилади.

Мукофотга талабгорлар бўйича тавсияномалар қабул қилиш бошланиши тўғрисидаги билдириш мукофотлар бериладиган муддатдан икки ой олдин республика оммавий ахборот воситаларида эълон қилинади ҳамда ҳужжатлар Ўзбекистон ёшлар иттифоқи Марказий Кенгаши томонидан бир ой давомида қабул қилинади.

— Ғолиблар қай тарзда тақдирланади?

— Мукофот совриндорларига энг кам иш ҳақининг ўттиз баравари миқдорида пул мукофоти, статуэтка ва махсус диплом топширилади.

Мукофот совриндорлари ҳар йили декабрь ойида тантанали равишда тақдирланади.

Шаҳноза РАҲИМХЎЖАЕВА

ёзиб олди.




Ўхшаш мақолалар

Болани боғчадан ким олади?

Болани боғчадан ким олади?

🕔11:40, 09.08.2018 ✔22

Боғчада болани ота-онадан ташқари яна кимлар олиб кетиши мумкин? Боғча ходими ўзини қариндоши сифатида таништирган ва аввал кўрмаган фуқарога тарбияланувчини олиб кетишига рухсат бериши мумкинми?

Батафсил
Ер майдонининг геопортали яратилади

Ер майдонининг геопортали яратилади

🕔11:38, 09.08.2018 ✔24

Аҳоли кўпайгани сари уй-жой, озиқ-овқат, ер масаласи долзарб муаммога айланади. Бу эса, ўз навбатида, бўш ерлардан самарали ва оқилона фойдаланишни талаб этади. Хўш, бу борада бугун мамлакатимизда қандай муаммолар мавжуд? Уларни бартараф этиш учун зарур чоралар кўриляптими?

Батафсил
Тест натижасидан норозимисиз?

Тест натижасидан норозимисиз?

🕔11:33, 09.08.2018 ✔22

Ўғлим 4 балл етмасдан Жаҳон иқтисодиёти ва дипломатия университетига  ўқишга кира олмади. У ечган жавобларининг тўғрилигига ишонмоқда. Бунга қандай ишонч ҳосил қилиш мумкин? Апелляция масаласида қаерга ва қандай мурожаат қилинади?

Барно РАВШАНОВА, 

Бахмал тумани

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Болани боғчадан ким олади?

    Болани боғчадан ким олади?

    Боғчада болани ота-онадан ташқари яна кимлар олиб кетиши мумкин? Боғча ходими ўзини қариндоши сифатида таништирган ва аввал кўрмаган фуқарога тарбияланувчини олиб кетишига рухсат бериши мумкинми?

    ✔ 22    🕔 11:40, 09.08.2018
  • Ер майдонининг геопортали яратилади

    Ер майдонининг геопортали яратилади

    Аҳоли кўпайгани сари уй-жой, озиқ-овқат, ер масаласи долзарб муаммога айланади. Бу эса, ўз навбатида, бўш ерлардан самарали ва оқилона фойдаланишни талаб этади. Хўш, бу борада бугун мамлакатимизда қандай муаммолар мавжуд? Уларни бартараф этиш учун зарур чоралар кўриляптими?

    ✔ 24    🕔 11:38, 09.08.2018
  • Тест натижасидан норозимисиз?

    Тест натижасидан норозимисиз?

    Ўғлим 4 балл етмасдан Жаҳон иқтисодиёти ва дипломатия университетига  ўқишга кира олмади. У ечган жавобларининг тўғрилигига ишонмоқда. Бунга қандай ишонч ҳосил қилиш мумкин? Апелляция масаласида қаерга ва қандай мурожаат қилинади?

    Барно РАВШАНОВА, 

    Бахмал тумани

    ✔ 22    🕔 11:33, 09.08.2018
  • Хорижда ўқишни хоҳлайсизми?

    Хорижда ўқишни хоҳлайсизми?

    Тошкент ирригация ва қишлоқ хўжалигини механизациялаш муҳандислари институти ҳамда Тошкент давлат аграр университетига 2018/2019 ўқув йили учун магистратурага қўшимча квоталар ажратилди.

    ✔ 20    🕔 11:32, 09.08.2018
  • Абитуриентларга яна бир имконият

    Абитуриентларга яна бир имконият

    Биринчи хусусий ОТМ ҳужжатлар қабул қилишни бошлади.

    ✔ 22    🕔 11:32, 09.08.2018
Ҳаммасини кўриш 

Фойдали манбаалар