Даромад манбаи      Бош саҳифа

ГУЛ БИР ЁН, АҚЧА БИР ЁН

Байрамлар, муҳим саналарда бирор кишига нафис гулдаста ҳадя этилса, унинг кўзлари бахтдан, мамнунликдан чарақлаб кетади. Буни кўришнинг, ҳис этишнинг эса, гашти ўзгача. Гашт ўз йўлига, албатта, бироқ кўзларни ана шундай чарақлатувчи гулларни етиштириш ҳам машаққатли иш, аслида.

ГУЛ БИР ЁН, АҚЧА БИР ЁН

Юртимизда хусусий томорқасида гул етиштириш билан шуғулланаётган тадбиркорларнинг айтишича, бу юмуш уруғни экиш, парваришидан тортиб, то очилгунига қадар катта меҳнат, қолаверса, меҳр ва эътиборни талаб этади. Пискентлик тадбиркор Дониёр Холжигитов гулга меҳри тушган ана шундай инсонлардан. У ўз қизиқишини даромад манбаига айлантира олган одам.

— Гулчилик сирларини отамдан ўрганганман, — дейди тардбиркор Дониёр ХОЛЖИГИТОВ. — У киши шахсий томорқамизда кичик гулхона ташкил этиб, турли гуллар экарди. Мен ҳам ёнида қарашиб юриб, гулчиликни ўргандим. Йиллар ўтиб, тадбиркорликни йўлга қўйдик ва фойда ола бошладик. Ҳозирда жами 12 сотих жойда гул етиштиряпмиз. Шундан 4 сотихига атиргул экилган.

— Четдан қараганда, гул етиштириб, даромад олиш осондай туюлади...

— Биласизми, гулчиликнинг ўзига яраша машаққати бор. Уни экиб, суғорган билан иш битмайди. Гулга аввало, меҳр, кейин яхши ўғит бериш, вақтида ва тўғри суғориш, турли зараркунандалардан сақлаш лозим. Қуёш нурининг тўғри тақсимланиши ҳам гулнинг, айниқса, атиргулнинг очилишида катта аҳамиятга эга. Шу боис ёз ойларида атиргул устидан қора тўр тортиб, қуёш нурини камайтирамиз. Кузда тўрларни олиб ташлаймиз. Шунингдек, гул устидан тўр тортилган вақтлари ҳаво яхши айланишини ҳам назорат қилиб туриш керак.

— Атиргулларни зараркунандалардан қандай ҳимоялайсиз?

— Баҳорда май қўнғизи ғунчага зарар етказади. Тўғри, турли ­кимёвий воситалардан фойдаланса бўлади, бироқ бу ҳам кўнгилдагидек наф бермаслиги мумкин. Ғунчани сақлашда бошқача йўл тутиш талаб этилади. Масалан, шахсий тажрибамдан келиб чиқиб айтсам, қоғоздан қалпоқча ясаб, ҳар бир ғунчага кийдириб чиқамиз. Бу унинг соғлом очилишига ёрдам беради.

— Даромадингиз-чи?

— Жорий йилда биргина атиргулнинг ўзидан 40 миллион сўм даромад олдик. Хуллас, ўтган йилга қараганда анча яхши, дейиш мумкин. Албатта, бунда об-ҳавонинг яхши келгани дуруст бўлди. 

— Куз-қиш мавсумида қайси гул кўпроқ фойда келтиради?

— Бу фаслда, асосан, картошкагул очилади. Аслида гулнинг бу тури май ойидан бошлаб очилади ва декабрга қадар давом этади. Картошкагул йилига уч мартагача ғунчалайди. Февраль ойида ерга экиладиган бу гулнинг ҳар бир картошкаси ўртасидаги масофа тахминан 20 сантиметрни ташкил этиши керак. Агар ораси яқин қилиб экилса, гули нимжон ва кичик бўлиб қолади.

— Шогирдларингиз ҳам борми?

— Очиғи, оилавий тадбиркорлик қиламиз ва касб сирини сақлаймиз. Шу сабаб шогирд олмаганман. Фақат фарзандларимга ўргатяпман.

Тадбиркорнинг шижоати баланд. Фаолиятини кенгайтириш, янги-янги гул уруғларидан олиб келиб, парваришлаш ниятида. Айниқса, атиргулнинг янги навларини етиштиришга иштиёқи баланд.

«Оила даврасида» мухбири

Ноилахон АҲАДОВА

ёзиб олди.




Ўхшаш мақолалар

ШИРИН ТАЪМ МАШАҚҚАТИ

ШИРИН ТАЪМ МАШАҚҚАТИ

🕔16:28, 17.05.2018 ✔34

Одамлар орасида: «Унинг таъми ширин, бироқ меҳнати жуда машаққатли», деган гап юради. Бу ўзимиз яхши билган қулупнайдир.

Батафсил
ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

🕔16:28, 17.05.2018 ✔27

Ғиждувон тумани Поскати қишлоғида яшовчи фуқаро ­Жамол Болтаевни ҳудудда қўли гул уста тадбиркор сифатида билишади. У металлдан тайёрлаган турли ҳажмдаги эшик-дарвозалар пишиқ ва чиройлилиги билан харидоргир.

Батафсил
ТОШЛОҚ, УНУМСИЗ ЕРДАН МИЛЛИАРД ДАРОМАД

ТОШЛОҚ, УНУМСИЗ ЕРДАН МИЛЛИАРД ДАРОМАД

🕔19:19, 10.05.2018 ✔84

Юртимизда тошлоқ, қурғоқчил ва унумсиз ердан қандай қилиб самарали фойдаланиш, мўл ҳосил олиш мумкинлигини биласизми? Бундай жойларда пистазорлар барпо этиб, улар ҳосилга киргунга қадар қатор ораларига доривор ўсимликлар экиб, қимматбаҳо хомашё етиштириш мумкин экан. Сурхондарё вилоятида ҳаётга татбиқ этилаётган лойиҳалар бунга мисол бўла олади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ШИРИН ТАЪМ МАШАҚҚАТИ

    ШИРИН ТАЪМ МАШАҚҚАТИ

    Одамлар орасида: «Унинг таъми ширин, бироқ меҳнати жуда машаққатли», деган гап юради. Бу ўзимиз яхши билган қулупнайдир.

    ✔ 34    🕔 16:28, 17.05.2018
  • ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

    ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

    Ғиждувон тумани Поскати қишлоғида яшовчи фуқаро ­Жамол Болтаевни ҳудудда қўли гул уста тадбиркор сифатида билишади. У металлдан тайёрлаган турли ҳажмдаги эшик-дарвозалар пишиқ ва чиройлилиги билан харидоргир.

    ✔ 27    🕔 16:28, 17.05.2018
  • ТОШЛОҚ, УНУМСИЗ ЕРДАН МИЛЛИАРД ДАРОМАД

    ТОШЛОҚ, УНУМСИЗ ЕРДАН МИЛЛИАРД ДАРОМАД

    Юртимизда тошлоқ, қурғоқчил ва унумсиз ердан қандай қилиб самарали фойдаланиш, мўл ҳосил олиш мумкинлигини биласизми? Бундай жойларда пистазорлар барпо этиб, улар ҳосилга киргунга қадар қатор ораларига доривор ўсимликлар экиб, қимматбаҳо хомашё етиштириш мумкин экан. Сурхондарё вилоятида ҳаётга татбиқ этилаётган лойиҳалар бунга мисол бўла олади.

    ✔ 84    🕔 19:19, 10.05.2018
  • «НООДАТИЙ ЕЧИМ»НИ СИНГДИРИШ ҚИЙИНРОҚ АСЛИДА

    «НООДАТИЙ ЕЧИМ»НИ СИНГДИРИШ ҚИЙИНРОҚ АСЛИДА

    Ғиждувонлик коллеж ўқувчиси мини-трактор ясади

    Инновацион ғоя атамаси тез-тез қўлланилмоқда. Хўш, тилимизда «но­одатий ечим» маъносини ҳам берадиган инновацион ғоя нима дегани? У ҳаётимизда қандай акс-садо беради, мамлакат тараққиётида қандай роль ўйнайди?

    ✔ 59    🕔 19:19, 10.05.2018
  • ФУНДУК БИЗДА ЎСАДИ, ФАҚАТ БИР НОЗИК ЖИҲАТИ БОР...

    ФУНДУК БИЗДА ЎСАДИ, ФАҚАТ БИР НОЗИК ЖИҲАТИ БОР...

    Сурхондарё вилоятининг тупроқ-иқлим шароитида аксарият қишлоқ хўжалик экинларидан йилига уч мартагача ҳосил олиш мумкинлигини биласизми? Яқиндан бошлаб тоғ ва тоғолди ҳудудлари, ҳосилдорлиги паст ерлар ўзлаштирилиб, янги интенсив технологиялар асосида ёнғоқзорлар ташкил этишга жиддий киришилди. Хўш, ёнғоқ, писта каби кўчатларни ўтқизиш қанчалик даромадли иш? Єилинган меҳнат ўзини оқлайдими?

    ✔ 91    🕔 15:12, 03.05.2018
Ҳаммасини кўриш 

Фойдали манбаалар