Саломатлик      Бош саҳифа

ҚАЗҒОҚ БЎЛСА, ЁСТИҚНИ АЛМАШТИРИНГ...

Соғлом ва жилокор сочлар аёлга том маънода мафтункорлик бағишлайди. Шу сабаб аёлларнинг барчаси соч соғломлигига алоҳида эътибор қаратади. Аслида сочдаги муаммолар, жумладан, қазғоқ пайдо бўлиши ҳам унинг парваришидаги хатолар сабаб юзага келади.

ҚАЗҒОҚ БЎЛСА, ЁСТИҚНИ АЛМАШТИРИНГ...

— Одатда, қазғоқ икки хил: қуруқ ва ёғли бўлади, — дейди трихолог-шифокор Юлдуз ­РАҲМАТОВА. — Агар у кичик ҳажмли ва оқ тусда бўлса, нотўғри парвариш ёки бош терисининг қуруқлашиши туфайли юзага келган. Бундай қазғоқ қуруқ ҳисобланади. Борди-ю, у сарғиш тусли, катта ҳажмли бўлса, демак, замбуруғлар кўпайиб кетганидан далолат. Аслида замбуруғлар ҳар бир инсон организмида мавжуд. Фақат баъзи омиллар, масалан, иммунитетнинг пасайиши, сурункали асабийлашиш, ошқозон-ичак тизими фаолиятидаги бузилишлар (дисбактериоз), моддалар алмашинувининг бузилиши (эндокрин хасталиклар), нотўғри овқатланиш, турли парҳезлар сабаб улар кўпайиб кетади. Агар нохушлик бош терисининг қуруқлашиши натижасида келиб чиққан бўлса, парвариш воситаларини ўзгартириш орқали муаммони ҳал этиш мумкин. Қазғоқ ёғли, яъни замбуруғларнинг кўпайиб кетиши оқибатида юзага келгани аниқланса, шифокор билан маслаҳатлашиш керак.

— Қазғоқ пайдо бўлишига йўл қўймаслик учун бошни қандай ювиш керак?

— Ёғли бош териси замбуруғлар ривожланиши учун қулай муҳит ҳисобланади. Бироқ ҳар куни ювиш ёғ ишлаб чиқарилишини жадаллаштириб, вазиятни янада мураккаблаштиради. Шунинг учун бошни тўғри ювишга аҳамият қаратиш лозим. Яъни, шампунни бошга суртгандан сўнг, ёғ қатламини тозалаши учун 3-5 дақиқа уқалаш керак. Агар шампунь бундан кам ушланса, фақат чанг ва кирларни тозалайди, ёғ қатлами эса қолиб кетаверади. Бошни ҳафтада икки марта ювиш тавсия этилади.

— Сочни қандай восита билан ювган маъқул?

— Афсуски, кўп реклама қилинган шампунлар доим ҳам кутилган натижани беравермайди. Чунки улар таркибида рух моддаси мавжуд. Рух бош терисини қуруқлаштириб, тери тўкилишига, яъни қуруқ қазғоқланишига сабаб бўлиши мумкин. Натижада организм кўпроқ ёғ ишлаб чиқара бошлайди. Шунинг учун таркибида кетоконазол, октоперокс, пироктон оламин каби моддалар мавжуд ва дорихонада сотиладиган воситалардан фойдаланиш мақсадга мувофиқ. Уларни ҳам икки ҳафтадан ортиқ қўллаш тавсия этилмайди. Айнан қайси восита муаммони бартараф этишига эса трихолог-шифокор аниқлик киритади. Нохушлик чекина бошлагач, таркибида салицил кислотаси бўлган воситалардан фойдаланиш ёки шу кислотадан махсус ниқоблар тайёрлаш мумкин. Салонда амалга ошириладиган муолажалардан мезотерапия, озонотерапия, криоуқалаш, дарсонвал каби амалиётлар қазғоқдан халос этади.

— Қазғоқнинг олдини олиш учун нималар қилиш керак?

— Ёстиқ ҳам замбуруғлар ривожланиши учун қулай муҳит ҳисобланади. Агар даволаниб, ёстиқ ўзгартирилмаса, қазғоқ қайта пайдо бўлаверади. Шунинг учун қазғоқ безовта қилаётган кишиларга синтетик ёстиқдан фойдаланиш ёки уни тез-тез қуёш нурида тоблаш тавсия этилади. Чунки ультрабинафша нурлар замбуруғларни йўқотади. Бундан ташқари, бошни ювгандан кейин ўн дақиқадан ортиқ сочиққа ўраб қўймаслик керак. Илиқ ва нам муҳит ҳам замбуруғ кўпайишига олиб келиши мумкин.

 

Озода ВАЛИЕВА

ёзиб олди.




Ўхшаш мақолалар

Уйқуга тўймасликнинг хавфли оқибатлари

Уйқуга тўймасликнинг хавфли оқибатлари

🕔17:40, 11.10.2018 ✔40

Кимгадир бир-икки соат мизғиб олиш етарли, кимдир эса ўн соат ухламаса, ўзига келолмайди. Нега?

Батафсил
Қўлини чўзмаса, бошини бурмаса…

Қўлини чўзмаса, бошини бурмаса…

🕔11:19, 04.10.2018 ✔53

Болалар церебрал фалажи қандай касаллик? Бўлғуси оналар нималарни билиши керак?

Батафсил
Тоғда ўсган кайфият

Тоғда ўсган кайфият

🕔11:18, 04.10.2018 ✔74

Куз фаслини витаминлар фасли дейиш мумкин. Чунки кўплаб минералларга бой мева-ю сабзавотлар айнан куз фаслида пишиб етилади. Айниқса, ҳозир юртимизда етиштирилаётган энг шифобахш мева — дўлананинг мавсуми.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Уйқуга тўймасликнинг хавфли оқибатлари

    Уйқуга тўймасликнинг хавфли оқибатлари

    Кимгадир бир-икки соат мизғиб олиш етарли, кимдир эса ўн соат ухламаса, ўзига келолмайди. Нега?

    ✔ 40    🕔 17:40, 11.10.2018
  • Қўлини чўзмаса, бошини бурмаса…

    Қўлини чўзмаса, бошини бурмаса…

    Болалар церебрал фалажи қандай касаллик? Бўлғуси оналар нималарни билиши керак?

    ✔ 53    🕔 11:19, 04.10.2018
  • Тоғда ўсган кайфият

    Тоғда ўсган кайфият

    Куз фаслини витаминлар фасли дейиш мумкин. Чунки кўплаб минералларга бой мева-ю сабзавотлар айнан куз фаслида пишиб етилади. Айниқса, ҳозир юртимизда етиштирилаётган энг шифобахш мева — дўлананинг мавсуми.

    ✔ 74    🕔 11:18, 04.10.2018
  • Тирноқ синиши «ичкари»данми?

    Тирноқ синиши «ичкари»данми?

    Тирноқлар аёл гўзаллигининг бир қисмидир. Мутахассисларнинг фикрича, тирноқдаги муаммолар ички касалликлардан дарак берар экан. Масалан, тирноқ пластинаси жигар, буйраклар, ошқозон ости бези ёки ичаклардаги муаммолар туфайли заифлашиб, юмшаб кетиши мумкин. Шунингдек, бунга антибиотикларни қабул қилиш, стресс, асабий зўриқиш ҳам сабаб бўлади.

    ✔ 55    🕔 11:18, 04.10.2018
  • Таглик бола учун фойдами ё зарар?

    Таглик бола учун фойдами ё зарар?

    — Фарзандим бир ёшда. Яқиндан бери сон ва тос соҳасида майда тошмалар тошяпти.  Ҳар гал кийинтираётганимда йиғлайди. Шифокорга мурожаат қилганимда буни аллергик ҳолат деди. Тагликлардан фойдаланиш аллергия чиқариши мумкинми?

    Дилобар КАРИМОВА,

    Сурхондарё вилояти

    ✔ 72    🕔 09:54, 27.09.2018
Ҳаммасини кўриш 

Фойдали манбаалар