Аниқ саволга аниқ жавоб      Бош саҳифа

ШАҲАРЛАРДА ЯНА 335 ТА КЎП ҚАВАТЛИ УЙ ҚУРИЛАДИ

Шаҳарларада арзон ва кўп қаватли уйларни қуриш ва реконструкция қилиш Дастури уй-жойга муҳтож бўлган минглаб оилаларга қувонч ҳадя этди. Пойтахтимизнинг Сергели туманида қурилиши бошланган кўп қаватли уйлардан бирига эга бўлиш истагида уй-жойга муҳтож бўлган оилалар ҳужжатларини топшириб, кўплари бошланғич тўловларни ҳам амалга оширди.

Хўш, бу уйлар қачон ўз эгаларига топширилади? Қурилиш ишлари айрим уйларда нега кечикмоқда?

Яқинда ўтказилган матбуот анжуманида АТИБ «Ипотека банк» ҳамда Тошкент шаҳар ҳокимлиги мутасаддилари ушбу саволларга атрофлича жавоб берди.

— Ёш оилаларни, эскирган уй-жойларда яшаётганларни, уй-жой шароитларини яхшилашга муҳтож фуқораларнинг бошқа тоифаларини арзон, қулай, замонавий уй-жой билан таъминлаш мақсадида республикамиз шаҳарларида арзон, кўп квартирали уйлар қурилиши жадал суръатларда олиб борилмоқда,— дейди АТИБ «Ипотека банк» Қурилиш ташкилотларини молиялаштириш бошқармаси бошлиғи Шуҳрат ­ТОШПЎЛАТОВ. — Тошкент шаҳри ва республикамизнинг бошқа шаҳарларида жорий йилда 191 та кўп қаватли уйлар қурилиб, 7919 та оилага топширилиши кўзда тутилган. Бундай катта ҳажмдаги қурилишга биринчи бор қўл урилгани, цемент, бетон сингари маҳсулотларнинг тақчиллиги, беш, етти қаватли уйларга мос келадиган техника, кўтарма кранларнинг озлиги ҳамда бошқа сабабларга кўра, Сергелидаги 66 та уйни топшириш муддати бироз кечикди. Бу уйлар яқин кунларда ўз эгаларига топширилади.

— 2018 йилда республика шаҳарларида яна қанча миқдорда кўп қаватли уйлар барпо этиш кўзда тутилган?

— Келгуси йил давомида юртимиз шаҳарларида 335 кўп қаватли уйлар қурилади. Шунинг 150 таси Тошкент шаҳрида барпо этилади, 120 таси Сергелида, ҳарбийлар учун 30 уй Яшнобод туманида, яна 6 та кўп қаватли уй Олмазор туманида қад ростлайди.

— Мазкур уйлар учун тўланадиган дастлабки бадал қанча?

— Дастлабки тўлов масаласида аҳолидан кўплаб таклиф ва эътирозлар келиб тушяпти. Аҳолининг ушбу мулоҳазалари инобатга олиниб, дастлабки бадал 10 фоиздан 40 фоизгачани ташкил этади. Аҳолининг кам таъминланган тоифасига бу миқдор 10 фоиз этиб белгиланади. Уйга маблағ йигирма йил давомида тўланади.

— Квартирага муҳтож оила қаерга мурожаат этиши керак?

— Яқиндан бошлаб туман ҳокимлиги қошида уй-жой масаласи билан бевосита шуғулланадиган комиссия фаолият бошлади. Мазкур комиссия энг биринчи навбатда квартира калитини уй-жойга муҳтож оилага тутқазиши керак. Биргина 2017 йилнинг ўзида фуқаролардан 20 мингта ариза келиб тушган. Аризалар кўриб чиқилиб, шундан энг зарурларига уй берилди.

— Шаҳарлардаги кўп қаватли уйларни қуриш жараёнида ишчи кучига эҳтиёж сезилаётган экан?

— Тўғри, малакали, ўз ишини пухта бажарадиган қурувчиларга эҳтиёж сезилди. Бу бўшлиқ хорижда ишлаб, юртимизга қайтиб келган фуқаро ва коллежни битирган ёшлар ҳисобига тўлдириб борилади.

— Ўзимизда ишлаб чиқарилаётган қурилиш материаллари жаҳон стандарти талабига тўлиқ жавоб берадими?

— Албатта, кўп қаватли уйлар учун зарур қурилиш материалларининг 95 фоизи Ўзбекистонда тайёрланади. Фақат ёғоч, тунука сингари маҳсулотлар хориждан келтирилади. Яқиндан бошлаб Бекободда қурилиш учун зарур бўладиган тунука ишлаб чиқариш йўлга қўйилади. Маҳсулотлар жаҳон андозаларига тўла мос, сифатли.

Улуғбек ЖУМАЕВ,

«Оила даврасида» мухбири




Ўхшаш мақолалар

АФВ ЭТИШ

АФВ ЭТИШ

🕔16:23, 17.05.2018 ✔41

энди қандай амалга оширилади?

Ўтган йили Ўзбекистон Республикаси Президенти Шавкат Мирзиёевнинг мамлакатимиз тарихида илк маротаба «Ўзбекистон Республикасининг Конституцияси қабул қилинганлигининг йигирма беш йиллиги муносабати билан афв этиш тўғрисида»ги фармони қабул қилинган эди. Халқимиз кўп йиллар мобайнида афв этиш қўлланганининг деярли гувоҳи бўлмаган.

Батафсил
ОМОНАТНИ ҚАНЧА  ФОИЗГА ҚЎЙСА БЎЛАДИ?

ОМОНАТНИ ҚАНЧА ФОИЗГА ҚЎЙСА БЎЛАДИ?

🕔16:22, 17.05.2018 ✔31

Кўпчилик эҳтиёжидан ошиқ маблағни банкка қўйиб, фоиз олишни истайди. Қолаверса, бу ҳар икки томон учун ҳам манфаатли

Батафсил
ДИҚҚАТ, ПИЁДА!

ДИҚҚАТ, ПИЁДА!

🕔16:20, 17.05.2018 ✔29

Жарима тўламайин, десангиз...

Кундалик ҳаётда қулоғида «наушник» билан йўлдан бамайлихотир ўтаётганлардан тортиб, чорраҳаларда машина оралаб ручка, байроқча,  тақвим ва шу каби майда-чуйдаларни сотаётганларгача кўп дуч келамиз. Бу авария келтириб чиқариши мумкинлигини англасак-да, кўзимиз ўрганиб қолгани учун оддий ҳолдек қабул қиламиз. Аммо бунга чек қўйиш вақти ҳам етди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • АФВ ЭТИШ

    АФВ ЭТИШ

    энди қандай амалга оширилади?

    Ўтган йили Ўзбекистон Республикаси Президенти Шавкат Мирзиёевнинг мамлакатимиз тарихида илк маротаба «Ўзбекистон Республикасининг Конституцияси қабул қилинганлигининг йигирма беш йиллиги муносабати билан афв этиш тўғрисида»ги фармони қабул қилинган эди. Халқимиз кўп йиллар мобайнида афв этиш қўлланганининг деярли гувоҳи бўлмаган.

    ✔ 41    🕔 16:23, 17.05.2018
  • ОМОНАТНИ ҚАНЧА  ФОИЗГА ҚЎЙСА БЎЛАДИ?

    ОМОНАТНИ ҚАНЧА ФОИЗГА ҚЎЙСА БЎЛАДИ?

    Кўпчилик эҳтиёжидан ошиқ маблағни банкка қўйиб, фоиз олишни истайди. Қолаверса, бу ҳар икки томон учун ҳам манфаатли

    ✔ 31    🕔 16:22, 17.05.2018
  • ДИҚҚАТ, ПИЁДА!

    ДИҚҚАТ, ПИЁДА!

    Жарима тўламайин, десангиз...

    Кундалик ҳаётда қулоғида «наушник» билан йўлдан бамайлихотир ўтаётганлардан тортиб, чорраҳаларда машина оралаб ручка, байроқча,  тақвим ва шу каби майда-чуйдаларни сотаётганларгача кўп дуч келамиз. Бу авария келтириб чиқариши мумкинлигини англасак-да, кўзимиз ўрганиб қолгани учун оддий ҳолдек қабул қиламиз. Аммо бунга чек қўйиш вақти ҳам етди.

    ✔ 29    🕔 16:20, 17.05.2018
  • АРЗОН УЙ-ЖОЙЛАРНИНГ ЖОРИЙ ЙИЛГИ НАРХИ ҚАНЧА?

    АРЗОН УЙ-ЖОЙЛАРНИНГ ЖОРИЙ ЙИЛГИ НАРХИ ҚАНЧА?

    Ҳар бир инсон ўз уй-жойига эга бўлишга ҳақли, айниқса, ёш ва тураржойга муҳтож оилалар. Ушбу масала бугун ғоят долзарб. Давлатимиз бугун ана шундай оилаларни бошпана билан таъминлашга жиддий аҳамият қаратмоқда.

    ✔ 96    🕔 19:18, 10.05.2018
  • «ХОНАДОНИМГА ГАЗ УЛАМОҚЧИМАН...»

    «ХОНАДОНИМГА ГАЗ УЛАМОҚЧИМАН...»

    — Янги уй-жойга чиққанман. Газ тармоғига уланишим учун қаерга мурожаат қилишим керак ва бунга қанча вақт кетади?

    Санжар БОЛТАЕВ,

    Юқоричирчиқ тумани

    ✔ 38    🕔 19:18, 10.05.2018
Ҳаммасини кўриш 

Фойдали манбаалар