Даромад манбаи      Бош саҳифа

«ДАРОМАДИ БИЗГА, НАТИЖАСИ ТОМОРҚАЧИГА»

Томорқадан даромад олишда зараркунанда ҳашаротлар деҳқонларга катта муаммо туғдиради. Шу боис уруғ ерга қадалгандан то униб чиқиб, ҳосилга киргунга қадар ҳам кимёвий ўғитларга эҳтиёж сезилади.

«ДАРОМАДИ БИЗГА, НАТИЖАСИ ТОМОРҚАЧИГА»

Бугун ана шу эҳтиёжни қондириш ва бу турдаги маҳсулотларни ўзимизда ишлаб чиқаришга алоҳида эътибор қаратиляпти. Тадбиркорлар эса ишлаб чиқариш кўламини кенгайтирмоқда. Паркентлик Алишер Исматов деҳқонлар мушкулини осон қилишга бел боғлаган ишбилармонлардан бири.

— Жорий йилнинг баҳор ойларида Польша ва Украинадаги корхоналар билан шартнома туздик, — дейди тадбиркор Алишер ИСМАТОВ. — Бир ой мобайнида мазкур замонавий ускуналардан фойдаланиш, уларни ишлатиш бўйича ўқиб, ўрганиб қайтдим.  Хуллас, қишлоқ хўжалигида зарур бўлган ампулаларни ишлаб чиқариш ва қадоқлаш ускуналарини юртимизга олиб келдик. Бу ёғига ҳал қилиниши керак бўлган иш-жой масаласи эди. Паркент тумани ҳокимлиги томонидан бизнинг бизнес-лойиҳамизга Номданак қишлоғидан ўн тўққиз йилдан буён қаровсиз ётган бино ажратилди. Дарҳол капитал таъмирлаш ишларини бошлаб юбордик. Октябрь ойида ускуналар ўрнатилди. Шу тариқа илк маҳсулотимиз бозорга чиқа бошлади.

— Бу йирик лойиҳа учун, албатта, малакали ходимлар ҳам зарур бўлади, шундайми?

— Корхонамизда жами 20 нафар ходим ишлайди. Улардан 15 нафари тиббиёт коллежини битирган номданаклик қизлар. Ишчиларга барча шароит яратилган. Бу қишлоқ ёшларига ҳам, бизга ҳам фойдали. Ишчини узоқдан ахтариб ўтирмаймиз. Тўғри, аввалига қизлар ускуналардан қандай фойдаланишни билишмасди. Аммо турли видеосабоқлар ва тушунтиришлардан сўнг тезда ўзлаштириб олишди.

— Бир кунда қанча ампула ишлаб чиқарилмоқда?

— Қишлоқ хўжалиги, хусусан, полиз экинлари, иссиқхоналарда етиштириладиган маҳсулотларга мўлжалланган 20 турдаги ампула тайёрлаш ва қадоқлашни йўлга қўйганмиз. Цехда кунига 8 минг дона ампула қадоқланиб, ички бозорга чиқарилмоқда. Бу кўрсатгич бир ойда 200 минггача етади.

— Маҳсулотингиз фақат ички бозор учунми?

—  Қишлоқ хўжалиги маҳсулотлари учун ампулалар ўзимизнинг ички бозор учун мўлжалланган. Шу кунларда чорва моллари, паррандалар ҳамда балиқлар учун гранулаланган омихта ем тайёрлайдиган цехни ҳам ишга тушириш ниятидамиз. Керакли ускуналар олиб келиб, ўрнатилган. Синов амалиёти ҳам мувафаққиятли ўтди. Ускуна соатига 350 килограммдан 500 килограммгача маҳсулот ишлаб чиқариши мумкин. Омихта емни қўшни давлатлар Тожикистон ҳамда Қирғизистонга экспорт қилиш мўлжалланмоқда. Бироқ балиқлар учун омихта емни ўзимизда ҳам сотиш ниятидамиз.

— Даромад қандай?

— «Нурелл-Д»нинг битта ампуласи 1200 сўмдан бозорга чиқарилмоқда. 200 минг ампула 240 миллион сўм бўлади. Агар балиқ учун омихта емни ҳам сотувга чиқарсак, бир килограмми 2500 сўмдан баҳоланади. Уни бир ойда 28 тонна ишлаб чиқариш имкониятига эгамиз. Энди даромадни ўзингиз ҳисоблаб олаверинг.

— Келгуси режалар қандай?

— Ҳозирда Германия билан ҳам шартнома қилиш арафасидамиз. Режамиз амалга ошса, меваларни қуритадиган ускуна олиб келамиз. Ишни 2018 йилнинг январь ойидан бошлашни мўлжаллаяпмиз. Натижада яна 13 та янги иш ўрни яратилади. Режалар кўп, фақат ҳаракат қилиш талаб этилади.

 

Ноилахон АҲАДОВА

ёзиб олди.




Ўхшаш мақолалар

«ДАРОМАДИ БИЗГА, НАТИЖАСИ ТОМОРҚАЧИГА»

«ДАРОМАДИ БИЗГА, НАТИЖАСИ ТОМОРҚАЧИГА»

🕔12:53, 30.11.2017 ✔53

Томорқадан даромад олишда зараркунанда ҳашаротлар деҳқонларга катта муаммо туғдиради. Шу боис уруғ ерга қадалгандан то униб чиқиб, ҳосилга киргунга қадар ҳам кимёвий ўғитларга эҳтиёж сезилади.

Батафсил
ОНЛАЙН НАЗОРАТ-КАССА МАШИНАСИ

ОНЛАЙН НАЗОРАТ-КАССА МАШИНАСИ

🕔12:53, 30.11.2017 ✔40

маълумотларнинг ишончлилигини таъминлайди, аҳоли манфаатини ҳимоя қилади

Назорат-касса машиналари савдо ва барча тоифадаги хизматлар кўрсатувчи тадбиркорлик субъектларининг қонуний фаолият юритишида муҳим восита саналади.

Батафсил
ГУЛ БИР ЁН, АҚЧА БИР ЁН

ГУЛ БИР ЁН, АҚЧА БИР ЁН

🕔12:34, 23.11.2017 ✔84

Байрамлар, муҳим саналарда бирор кишига нафис гулдаста ҳадя этилса, унинг кўзлари бахтдан, мамнунликдан чарақлаб кетади. Буни кўришнинг, ҳис этишнинг эса, гашти ўзгача. Гашт ўз йўлига, албатта, бироқ кўзларни ана шундай чарақлатувчи гулларни етиштириш ҳам машаққатли иш, аслида.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «ДАРОМАДИ БИЗГА, НАТИЖАСИ ТОМОРҚАЧИГА»

    «ДАРОМАДИ БИЗГА, НАТИЖАСИ ТОМОРҚАЧИГА»

    Томорқадан даромад олишда зараркунанда ҳашаротлар деҳқонларга катта муаммо туғдиради. Шу боис уруғ ерга қадалгандан то униб чиқиб, ҳосилга киргунга қадар ҳам кимёвий ўғитларга эҳтиёж сезилади.

    ✔ 53    🕔 12:53, 30.11.2017
  • ОНЛАЙН НАЗОРАТ-КАССА МАШИНАСИ

    ОНЛАЙН НАЗОРАТ-КАССА МАШИНАСИ

    маълумотларнинг ишончлилигини таъминлайди, аҳоли манфаатини ҳимоя қилади

    Назорат-касса машиналари савдо ва барча тоифадаги хизматлар кўрсатувчи тадбиркорлик субъектларининг қонуний фаолият юритишида муҳим восита саналади.

    ✔ 40    🕔 12:53, 30.11.2017
  • ГУЛ БИР ЁН, АҚЧА БИР ЁН

    ГУЛ БИР ЁН, АҚЧА БИР ЁН

    Байрамлар, муҳим саналарда бирор кишига нафис гулдаста ҳадя этилса, унинг кўзлари бахтдан, мамнунликдан чарақлаб кетади. Буни кўришнинг, ҳис этишнинг эса, гашти ўзгача. Гашт ўз йўлига, албатта, бироқ кўзларни ана шундай чарақлатувчи гулларни етиштириш ҳам машаққатли иш, аслида.

    ✔ 84    🕔 12:34, 23.11.2017
  • КЕНГ ИМКОНИЯТЛАР  ВА НАТИЖАЛАР

    КЕНГ ИМКОНИЯТЛАР  ВА НАТИЖАЛАР

    Фориш туманида ўтган йили 7 минг 725 тонна балиқ овланган эди. Жорий йилда бу кўрсаткични 8 минг тоннадан ошириш режалаштирилган.

    ✔ 67    🕔 12:34, 23.11.2017
  • ЕР ТАНЛАМАС ЎСИМЛИК

    ЕР ТАНЛАМАС ЎСИМЛИК

    Юртимизнинг қулай табиий-иқлим шароитидан омилкорлик билан фойдаланувчи сабзавоткорлар хусусий томорқасидан йилига бир неча марта ҳосил олиши мумкин. Хусусан, кашнич ҳам йил бўйи экса бўладиган сабзавотлардан бири ҳисобланади.

    ✔ 146    🕔 11:52, 16.11.2017
Ҳаммасини кўриш 

Фойдали манбаалар