Ёшлар      Бош саҳифа

87 КИШИНИ ИШ БИЛАН ТАЪМИНЛАГАН ТАЛАБА

Ал-Хоразмий номидаги Тошкент ахборот технологиялари университети тўртинчи босқич талабаси Фаррух Болтаев ўзи ташкил этган «Marcos Soft» IT фирмаси раҳбари. Фирма ходимлари шу университетнинг талабалари. Улар 2,5-3 миллион сўмгача маош олишяпти. Шогирдликка олинган ёшлар ҳам кўрсатган хизматлари бесамар кетмай, молиявий ва маънавий қўллаб-қувватланмоқда.

Фаррухнинг айтишича, унда ахборот-технологиялари соҳасида мустақил дастурлар яратиш ғояси илк бор 2015 йилда туғилган. Ўша йилнинг май ойида университетда бўлиб ўтган халқаро конференцияда Фаррухнинг «Digital library» («Рақамли кутубхоналар») мавзуида инглиз тилида қилган маърузаси дунёнинг донгдор университетлари профессор-олимларда катта қизиқиш уйғотди. Бу унинг ўзига ишончини янада оширди. Шундан сўнг у салоҳиятини янада ошириш, ишлаб чиққан дастурини такомиллаштиришга интилди. Ҳозир Фаррух ва унинг ходимлари ишлаб чиқаётган дастурий маҳсулотлардан мамлакатимизнинг олтита вилоятида фойдаланилмоқда.  

— Аввал-бошда фирма очиш мақсадим бўлса-да, қандайир бир ҳадик мени чўчитарди, — дейди Фаррух. — Бир куни телевизор орқали Президентимизнинг бир гапларини эшитиб қолдиму, ўзимда катта далда ва ишонч сездим: «Мен бир нафар одамни иш билан таъминлаган кишини бошимга кўтараман!» Бу сўзлар мени муваффақиятга бошлади. Олдига аниқ мақсад қўйиб, унга интилишдан қўрқмаган киши албатта, ютуққа эришишини мен ўз тажрибамда кўрдим. Кимдандир кўмак кутиб ўтирмасдан мустақил ҳаракат қилиб ҳам маррага етиш мумкин. Президентимизнинг биз ёшларга катта ишонч билдираётгани бежиз эмас. Биз бу ишончни амалий ишларимиз билан оқлашимиз керак.

Ҳозирда ўн икки нафар тенгдошимни иш билан таъминлашга муваффақ бўлдим. Яна етмиш беш талабани шогирдликка олиб, касбим сирларини ўргатяпман. Ўзим Самарқанднинг чекка ҳудудидаги оддий оилада  туғилиб ўсганман. Университетга энди келганимда қисқа даврда бундай натижага эришишим хаёлимга ҳам келмаган эди.

Бугун ахборот катта кучга айланган замонда яшаяпмиз. «Ўргимчак тўри»нинг кенгайиб бориши, ҳеч қандай ҳаракатсиз тўппа-тўғри инсон онгига таъсир кўрсатяпти. Содда қилиб айтганда, яхшилик кўрсак ҳам, ёмонлик кўрсак ҳам бунга айнан ахборот сабаб бўляпти. Инсон онгини заҳарлаш мақсадида яратилаётган ахборот дастурларидан ёшларимизни ҳимоялаш учун бизда шу соҳани мукаммал билувчи, унга муносиб қарши тура олувчи ахборот-технологиялари билимдонлари зарур.

Шерзод ШЕРМАТОВ, Ўзбекистон Ахборот технологиялари ва коммуникацияларини ривожлантириш вазири вазифасини бажарувчи:

— Ёшларнинг ўзаро мулоқоти, бу уларнинг бирлашиб ҳаракат қилишининг асосий омилидир. Юртнинг фаровон келажаги учун биргаликда ҳаракат қилишимиз зарур. Талабалар бир-бирига шунчаки курсдош ёки ҳамкасб эмас, балки бир оиладаги оға-инилардек қараши, билганини бирга баҳам кўриб, мақсад сари елкадош бўлиши керак.

Камолиддин БЕКНАЗАРОВ, Ёшлар иттифоқи Марказий Кенгаши раиси ўринбосари:

 — Биз ёшларнинг ҳар бир интилиш ва ташаббусларини қўллаб-қувватлашга тайёрмиз. Эътибор қилсангиз, бугунги кунда Ахборот технологиялари ва коммуникацияларини ривожлантириш вазирлиги тизимида 30 минг ходим фаолият олиб бораётган бўлса, уларнинг 70 фоизини ёшлар ташкил қилади. Уларнинг ўртача ёши 27 да. Ўзбекистон ёшлар иттифоқи билан ушбу соҳа ёшларининг ҳуқуқий ва моддий-маънавий манфаатларини ҳимоя қилиш, уларнинг илғор ғояларини амалга оширишга кўмаклашиш, салоҳиятли раҳбар кадрлар захирасини тайёрлаш юзасидан лойиҳалар амалга оширилмоқда.

Зилола ХУДОЙБЕРДИЕВА




Ўхшаш мақолалар

Ўсмирнинг энг яқин сирдоши ким?

Ўсмирнинг энг яқин сирдоши ким?

🕔13:30, 16.11.2018 ✔15

Ўсмир ўзини ўйлантирган нозикроқ саволларга кимдан жавоб олади?

Батафсил
«Ёшлар ҳунар ўрганиб, ишли бўлсин, деймиз»

«Ёшлар ҳунар ўрганиб, ишли бўлсин, деймиз»

🕔13:28, 16.11.2018 ✔13

Зумрад опа Абитова ўзига хос характерли аёл. Унинг фаолияти «саҳна ортида» бажарилади. Опа билан танишиш мақсадида уларнинг ўқув марказига бордим.

​​​​​​​

Батафсил
ТАТУга кириб  Беларусда тугатасиз

ТАТУга кириб Беларусда тугатасиз

🕔13:25, 16.11.2018 ✔30

Тошкент ахборот технологиялари университетида таълимни хорижда давом эттириш имкониятини берувчи янги факультет очилгани тўғрисида эшитдим. Ушбу факультет ва унга кириш тартиби тўғрисида маълумот берсангиз.

Саидазим РАСУЛОВ,

Гулистон шаҳри

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Ўсмирнинг энг яқин сирдоши ким?

    Ўсмирнинг энг яқин сирдоши ким?

    Ўсмир ўзини ўйлантирган нозикроқ саволларга кимдан жавоб олади?

    ✔ 15    🕔 13:30, 16.11.2018
  • «Ёшлар ҳунар ўрганиб, ишли бўлсин, деймиз»

    «Ёшлар ҳунар ўрганиб, ишли бўлсин, деймиз»

    Зумрад опа Абитова ўзига хос характерли аёл. Унинг фаолияти «саҳна ортида» бажарилади. Опа билан танишиш мақсадида уларнинг ўқув марказига бордим.

    ​​​​​​​

    ✔ 13    🕔 13:28, 16.11.2018
  • ТАТУга кириб  Беларусда тугатасиз

    ТАТУга кириб Беларусда тугатасиз

    Тошкент ахборот технологиялари университетида таълимни хорижда давом эттириш имкониятини берувчи янги факультет очилгани тўғрисида эшитдим. Ушбу факультет ва унга кириш тартиби тўғрисида маълумот берсангиз.

    Саидазим РАСУЛОВ,

    Гулистон шаҳри

    ✔ 30    🕔 13:25, 16.11.2018
  • Рус ёшларини нима билан мафтун этдик?

    Рус ёшларини нима билан мафтун этдик?

    Ўзбекистон — Россия ёшлари ҳамкорлигининг янги босқичи бошланди.

    ✔ 45    🕔 18:55, 01.11.2018
  • Ниҳоят, адолат қарор топди

    Ниҳоят, адолат қарор топди

    Телефон ва «шпаргалка»дан фойдаланмай, тўртинчи йили талаба бўлдим.

    ✔ 87    🕔 17:45, 11.10.2018
Ҳаммасини кўриш 

Фойдали манбаалар