Долзарб мавзу      Бош саҳифа

«БИР УМР ХИЗМАТ ҚИЛИШГА ТАЙЁРМАН»

Ҳар ким билим олиш ҳуқуқига эга.

 Ўзбекистон Республикаси Конституциясининг 41-моддасидан

«БИР УМР ХИЗМАТ ҚИЛИШГА ТАЙЁРМАН»

Айни чоғда ёш авлод учун таълим, айниқса, олий таълимнинг ижтимоий аҳамияти ўсиб бормоқда. Бу «Ижтимоий фикр» жамоатчилик фикрини ўрганиш маркази томонидан 14-29 ёшли ўсмир-ёшлар ўртасида ўтказилган сўровдан ҳам маълум бўлди. Тадқиқот натижаларининг кўрсатишича, агар 2010/2011 йилларда ёшларнинг фақат учдан бир қисми олий маълумот олишни хоҳлаган бўлса, жорий йилга келиб, 76,5 фоиз йигит-қиз талабалик энг катта орзуси эканини билдирган.

Навқирон авлод вакилларининг фикрича, олий таълим ҳаётда маълум бир ютуқларга, ижтимоий мавқега эришиш, яхши даромад топиш ҳамда меҳнат бозорида ўз ўрнига эга бўлишнинг гарови ҳисобланади.

Аслида ҳам шу. Инсон яралибдики, илмга интилиб яшайди. Келажакда бирор бир касб-ҳунарни эгаллаб, танлаган соҳасининг етук мутахассиси бўлишни мақсад қилади. Шу орқали ўзидан яхши ном қолдиришни истайди…

Жиззахлик Азамат Раимқулов билимга чанқоқ ёшлардан. У ўсмирлигидан тиббиётга қизиқади. Орзуси — шифокор бўлиш. Жиззахдаги тиббиёт коллежини битиргач, ана шу иштиёқ уни пойтахтга етаклади. Тошкент давлат стоматология институтига ҳужжат топширди. Аммо бугун ёшларимиз ўртасида рақобат кучли: билимлилар жуда кўп. Шунинг учун кетма-кет икки йил «йиқилди». Олий билим даргоҳида ўқиш бахтига муяссар бўлмаганидан жуда тушкун кайфиятда юрди. Келаси йили бошқа соҳа бўйича ўқишга ҳужжат топширишни ният қилиб юрган бир маҳалда Президентимизнинг муҳим бир ҳужжати қабул қилинди. Азаматга ўхшаган вилоятдан келган абитуриентлар учун катта янгилик, енгиллик яратилиб, уларни мақсадига эришиш сари ундади.

Жорий йилда давлатимиз раҳбари тиббиёт ходимлари билан бўлган учрашувда бундан буён тиббий таълим тизимида жиддий ўзгаришлар бўлиши, хусусан, шу йилдан бошлаб ҳудудлар бўйича мақсадли қабул бошланиши ҳақида маълум қилган эди. Бундан кўзланган мақсад ҳудудлардаги кадрлар қўнимсизлигининг олдини олиш, чекка туманлардаги тиббиёт бирлашмаларини ҳам олий маълумотли малакали шифокорлар билан тўлдиришдир.

Шу тариқа, Президентимиз 2017 йил 5 май куни «2017/2018 ўқув йилида Ўзбекистон Республикасининг олий таълим муассасаларига ўқишга қабул қилиш тўғрисида»ги  қарорга имзо чекди. Мазкур қарорга кўра, 2017/2018 ўқув йилидан бошлаб Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари буюртмаларига биноан, юқори малакали тиббиёт кадрларига ўткир талаб мавжуд ҳудудлар учун мақсадли қабул бўйича квоталар ажратилди. Мақсадли қабул бу — абитуриент олийгоҳга ҳужжат топшириб, тест синовлари жараёнида фақат ўзининг ҳудудидагилар билан рақобатлашишини назарда тутади. Шундан сўнг, улар орасида энг юқори балл тўплаган муайян нафари ўқишга давлат гранти асосида киради.

Азамат Раимқулов бу йил Тошкент тиббиёт академиясини танлади. Даволаш иши факультетига Жиззах вилояти учун ажратилган 25 та грант ўриннинг биттаси унга насиб этди: 179 балл билан давлат гранти асосида биринчилардан бўлиб қабул қилинди.

— Президентимизга мен каби ёшлар номидан чексиз миннатдорлигимни билдираман, — дейди Азамат. — Бу давлатимиз раҳбарининг бизга кўрсатаётган юксак эътибори, ғамхўрлиги ифодасидир. Бундан ҳар қанча фахрлансак, ғурурлансак арзийди. Биласиз, мақсадли қабул асосида ўқишга кирган абитуриент олийгоҳни тугатгач, ўз ҳудудида маълум муддат ишлаб бериши керак. Лекин шуни айтмоқчиманки, мен ўз вилоятимиздаги ўша тиббиёт муассасасида муайян вақт эмас, бир умр хизмат қилишга тайёрман.

Ҳа, Азамат жуда тўғри айтди. Унинг бундай дейишига асослар кўп. Шу боис у бугун фақат пухта, чуқур билим олиш билан банд. Устозларидан олган сабоқларини келгусида ўзи туғилиб ўсган ҳудуд аҳолиси саломатлиги учун сарфлаш ниятида.          

Шаҳобиддин РАСУЛОВ,

«Оила даврасида» мухбири




Ўхшаш мақолалар

ЭНДИ ТАЪЛИМДА СОХТАЛИК БЎЛМАЙДИ

ЭНДИ ТАЪЛИМДА СОХТАЛИК БЎЛМАЙДИ

🕔15:21, 16.02.2018 ✔34

Касб-ҳунар коллежларида ўқитиш инновацион босқичга ўтмоқда

Шу кунларда одамлар орасида «Коллежлар бутунлай ёпилармиш» деган миш-мишлар юрибди. Касб-ҳунар коллежлари фаолияти ҳақида яна турли гап-сўзлар қулоққа чалинмоқда. Хўш, бунга мутасаддилар нима дейди?  

Батафсил
ҲАЙДАЛГАН ТАЛАБАГА КРЕДИТ КЕРАКМИ?

ҲАЙДАЛГАН ТАЛАБАГА КРЕДИТ КЕРАКМИ?

🕔15:20, 16.02.2018 ✔31

Ўзбекистон Республикаси Марказий банкидан жавоб келди

Батафсил
ТОЗАЛИККА РИОЯДА ТЕСКАРИ АКСИОМА

ТОЗАЛИККА РИОЯДА ТЕСКАРИ АКСИОМА

🕔11:03, 09.02.2018 ✔62

Атроф-муҳитни озода сақлаш халқимизга хос азалий қадрият. Яшаётган уйимиз, ишлаётган жойимиз, маҳалламиз, қишлоғимизни қанча озода тутсак, қут-барака ҳам шунга яраша бўлади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ЭНДИ ТАЪЛИМДА СОХТАЛИК БЎЛМАЙДИ

    ЭНДИ ТАЪЛИМДА СОХТАЛИК БЎЛМАЙДИ

    Касб-ҳунар коллежларида ўқитиш инновацион босқичга ўтмоқда

    Шу кунларда одамлар орасида «Коллежлар бутунлай ёпилармиш» деган миш-мишлар юрибди. Касб-ҳунар коллежлари фаолияти ҳақида яна турли гап-сўзлар қулоққа чалинмоқда. Хўш, бунга мутасаддилар нима дейди?  

    ✔ 34    🕔 15:21, 16.02.2018
  • ҲАЙДАЛГАН ТАЛАБАГА КРЕДИТ КЕРАКМИ?

    ҲАЙДАЛГАН ТАЛАБАГА КРЕДИТ КЕРАКМИ?

    Ўзбекистон Республикаси Марказий банкидан жавоб келди

    ✔ 31    🕔 15:20, 16.02.2018
  • ТОЗАЛИККА РИОЯДА ТЕСКАРИ АКСИОМА

    ТОЗАЛИККА РИОЯДА ТЕСКАРИ АКСИОМА

    Атроф-муҳитни озода сақлаш халқимизга хос азалий қадрият. Яшаётган уйимиз, ишлаётган жойимиз, маҳалламиз, қишлоғимизни қанча озода тутсак, қут-барака ҳам шунга яраша бўлади.

    ✔ 62    🕔 11:03, 09.02.2018
  • ТАЛАБАНИ ЎҚИШДАН «ЙИҚИТАЁТГАН» КИМ?

    ТАЛАБАНИ ЎҚИШДАН «ЙИҚИТАЁТГАН» КИМ?

    600 нафар йигит-қиз талабаликдан кетди. Сабаб... 

    Маҳалламиздаги бир йигит (исмини ёзишимизни истамади) олийгоҳга кириш учун йиллар давомида репетиторга қатнади.

    ✔ 517    🕔 14:44, 01.02.2018
  • ЙИЛНИНГ ЭНГ ЯХШИ ЯНГИЛИГИ!

    ЙИЛНИНГ ЭНГ ЯХШИ ЯНГИЛИГИ!

    Давлат дастури менга, оиламга, халқимга жуда катта имкониятларни ваъда қилмоқда

    Куни кеча Ўзбекистон Республикаси Президентининг «2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Фаол тадбиркорлик, инновацион ғоялар ва технологияларни қўллаб-қувватлаш йили»да амалга оширишга оид Давлат дастури тўғрисида»ги Фармони қабул қилинди.

    ✔ 133    🕔 11:22, 26.01.2018
Ҳаммасини кўриш 

Фойдали манбаалар