Давр нафаси      Бош саҳифа

ТАБИАТ МУВОЗАНАТИНИ САҚЛАШ

асосий инсоний бурчимиздир

Аҳолига янада қулайлик яратиш мақсадида пойтахтимизда амалга оширилаётган бунёдкорлик ишлари кишини хурсанд қилиши аниқ. Аммо яқинда Тузель мавзесида метро қурилиши жараёнидаги бир жиҳат эътиборимни тортди.

Кўприк қуриш мақсадида қазилган чуқурлар атрофига ҳеч қандай тўсиқлар қўйилмаган. Агар уларнинг шундоққина ёнида серқатнов автомобиль йўли жойлашганини инобатга олсак, хавфсизлик масаласи бироз назардан четда қолмадимикан?..

Шу билан бирга, айрим қурилиш майдонлари атрофидаги чиқиндилар уюмини, кўчаларнинг ифлосланиши бироз дилни хира қилади. Шундай вақтда Ўзбекистон Республикаси Кон­ституциясининг 50-моддасидаги «Фуқаролар атроф табиий муҳитга эҳтиёткорона муносабатда бўлишга мажбурдирлар», деган таъкидни ёдга олиш ўринли бўларди.

Давлатимизнинг бош қомусида бу масалага алоҳида эътибор қаратилишининг замирида биринчи навбатда аҳоли хавфсизлиги ва табиатга соғлом муносабатни шакллантириш масаласи турибди.

Қадимдан ота-боболаримиз қуриган бир дарахтнинг ўрнига бошқасини қадашган. Шу йўл билан табиатнинг мувозанатини сақлашга ҳаракат қилишган. Аслида биз нафас олаётган ҳаво, мазали мевалар етиштириб бераётган тупроқ, чанқоғимизни қондираётган сув табиатнинг омонати эмасми? Унга тўғри муносабатнинг шаклланиши эса, аввало, оиладан бошланади. Болага кичиклигиданоқ сувга чиқинди ташламасликни, ерга ниҳол қадашни ўргатиб борсак, унинг онгида ўз-ўзидан бунёдкорлик, атроф-муҳитга эҳтиёткорона муносабат шаклланади. Бу ўгитларнинг ўз вақтида берилиши, ҳаттоки, оилавий қадриятга айланиши эса жамият ҳаётидаги кўплаб муаммоларга ечим дегани. Ҳар бир инсоннинг беминнат фойдаланаётган табиий бойликларни қадрлаши, эҳтиёт қилиши унинг касбида ҳам ўз аксини топади.

Шу нуқтаи назардан олиб қараганда, юртимизда жадаллик билан қурилаётган йўл ва кўприклар, хиёбонлар, истироҳат боғлари ва тураржой бинолари ҳудудларида табиатга нисбатан тўғри муносабатда бўлиш зарур. Бунда чиқиндиларнинг ўз вақтида махсус жойларга элтиш тупроқ зарарланишининг олдини олса, чанг-тўзон кўтарилмаслиги ҳаво мусаффолигини сақлаш демакдир. Тошкент шаҳар ҳокимлигида бўлиб ўтган брифингда муҳокама қилинган айни масалаларга фақат мутасаддиларнинг эмас, ҳар биримиз бурчли эканимиз таъкидланди.  

 

Шаҳноза РАҲИМХЎЖАЕВА




Ўхшаш мақолалар

Газетанинг «ўлими»ни «башорат» қилаётганлар эсли-ҳушли одамлар эмас!

Газетанинг «ўлими»ни «башорат» қилаётганлар эсли-ҳушли одамлар эмас!

🕔13:44, 16.11.2018 ✔27

Яхши биласиз, севимли шоиримиз Рауф Парфи бирор киши билан кўришиб қолса, «Дунёқарашингиз яхшими?», деб сўрашар эди. Ҳозир газета ва журналларда ишлайдиган журналистлар бир-бири билан «Обунангиз яхшими?» деб омонлашадиган бўлган.

Батафсил
Мен нима учун  «Оила даврасида»ни  ўқийман?..

Мен нима учун «Оила даврасида»ни ўқийман?..

🕔13:00, 16.11.2018 ✔15

Мунаввар БИБАЕВА,

Бекобод тумани 46-умумий таълим мактаби ўқитувчиси, халқ таълими аълочиси

Батафсил
Пулни қалбакилаштириб, бойиб кетмади

Пулни қалбакилаштириб, бойиб кетмади

🕔16:44, 08.11.2018 ✔44

Эндигина 22 ёшга кирган Зиёвуддин Илҳомиддинов ҳали оила қуриб, рўзғор ташвиши гарданига тушмасидан енгил пул топиш пайини кўзлаб, энг қабиҳ йўллардан бирини танлади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар