Спорт      Бош саҳифа

ДАВОЛОВЧИ «ШИФОКОР», ГЎЗАЛЛИК КАЛИТИ

Қад-қомати келишган, соғлом ва гўзал. Бундай сифатларга эга бўлишни қайси қиз истамайди, дейсиз. Аммо ҳозир қоматни тўғрилайман, деб парҳез тутиб соғлиғини йўқотаётган ёки чиройли бўлиш мақсадида кимёвий усуллардан фойдаланиб, ортиқча вазндан қийналаётганлар йўқ эмас. Аслида ҳам соғломлик, ҳам латофатга эришишнинг сири оддий. Бунинг учун бадиий гимнастика билан шуғулланиш кифоя.

ДАВОЛОВЧИ «ШИФОКОР», ГЎЗАЛЛИК КАЛИТИ

Бадиий гимнастика спорт турлари орасида энг мафтункоридир. Бу спорт билан шуғулланадиган қизларда ўзига хос қайишқоқлик, нафислик, нозик ҳаракатлар ва ритмни ҳис қила олиш хусусияти шаклланади. Қоидага биноан, бадиий гимнастика тўгаракларига қизалоқлар 4-5 ёшдан қабул қилинади. Чунки бола қанча ёш бўлса, у шунча букилувчан, ҳаракатлари чаққон чиқади. Бўлғуси гимнастикачи билан машғулотлар танани тортиб чўзишдан бошланади. Илк машқларда оғриқ ҳис қилмаслик учун чўзилиб тортишиш секин-аста бажарилади. 

Бадиий гимнастикани фақат спорт тури, деб қабул қилиш тўғри эмас. Аслида бадиий гимнастика гўзал қад-қомат, нафис, назокатли, сержило ҳаракатларга эга бўлиш билан бир қаторда, қизларда соғлом ахлоқ ва кенг дунёқарашни шакллантиришда ҳам беқиёс аҳамият касб этади. Шу боис бугун спортнинг ушбу нафис ва жозибали, ҳар бир ҳаракатида ажиб гўзаллик яширинган тури — бадиий гимнастика билан қизлар мамлакатимизнинг барча ҳудудларида, ҳатто, энг чекка қишлоқларда ҳам шуғулланмоқда.

Ушбу спортнинг даволовчи хусусиятлари ҳақида кейинги пайтларда кўп гапирилаётгани бежиз эмас. У билан шуғулланиб сколиоз, остеохондроз, юрак-қон томир касалликларидан бутунлай фориғ бўлаётганлар кўп. Мазкур спорт тури қизларни чаққон бўлишга ҳамда фикрни бир жойга жамлашга ўргатади. У қизлар организми учун жуда фойдали: букилувчанлик, эпчиллик каби жисмоний сифатларни тарбиялайди.

Тайёргарлик жараёни

Машғулот пайтида мураббия спортчининг эгилувчанлик даражасига қараб машқ усулларини танлайди. Қиз бола машққа киришиши ҳамон ундан муайян куч талаб этилади. Бусиз мазкур спортда яхши натижаларга эришиш амримаҳол. Демак, асосий машқларга жиддий ва узоқ тайёргарлик кўриш зарур. 

Ким қанча шуғулланиши керак?

4-5 ёшдаги бола ҳафтасига аввал бир соат шуғулланади. Кейинчалик меъёрни ҳафтасига уч соатга кўпайтириш лозим. Шу тариқа, машғулотлар даврийлиги қўшилиб, охири, 8-9 ёшда болани ҳафтасига беш кун уч соатдан шуғуллантириш яхши самара беради. Спорт устаси талабини бажариш истагида бўлган гимнастикачилар эса кунига беш соат машқ қилгани дуруст.

Мусиқа ва жисмлар уйғунлашса…

Таъкидлаш жоизки, қиз бола бадиий гимнастика билан чин маънода машғул бўлаётганини мактаб ёшида англайди. Чунки айнан шу ёшда қизалоқ спортни онгида идрок этади. Шунда машқларни мураббиянинг талаби даражасида бажара олади. Бундан шу нарса англашиладики, ота-она қизини гарчи тўрт ёшида бадиий гимнастика тўгарагига берса-да, уни бу спорт билан бутунлай ошно тутинди, деб ўйлашига бироз эрта. Боланинг қизиқиши вақти-вақти билан ўзгариб туришини унутмаслик лозим.           

Ҳақиқий бадиий гимнастика спортчи ўзининг хатти-ҳаракатларини тўла-тўкис ҳис этганда, англаганда, улар орқали мусиқани ифода эта олганда бошланади. Буни одатда 13-14 ёшга тўлганда уддасидан чиқиш мумкин.  Қолган вақт таълим ҳисобланади. Шу маънода, бадиий гимнастика бу авваламбор, мусиқа жўрлигида жисмлар билан ишлашдир. Бу спортга ҳам хореография, ҳам акробатика киради. Арғамчи, тасма, тўп, чўқмор ва булава сингари жисмларни юксак маҳорат билан ишлатиш тушунилади.            

Иқтидор бор деса…

Фарзандингизни бадиий гимнастика тўгарагига бермоқчи бўлсангиз, бу спортни аввал ўзингиз севишингиз, у билан «яшашингиз» керак. Дастлаб, боланинг қизиқишини янада мустаҳкамлаш зарур. Айниқса, иқтидори бор қиз катта марраларни ният қилиб, унга гимнастикага кенг йўл очиб берилса, нур устига нур.

 

Юля СЕРИКОВА,

Мураббия




Ўхшаш мақолалар

КАРАТЭ — КУЧНИ КЎРСАТИШ ЭМАС

КАРАТЭ — КУЧНИ КЎРСАТИШ ЭМАС

🕔16:18, 17.05.2018 ✔80

Мағлубиятни ҳис этмасдан ғалаба қилиб бўлмайди

Татами устида туриб, рақибига дўстона таъзим билан бошланувчи каратэ рақибларнинг бир-бирига ўзаро ҳурматда бўлиши билан бошқа спорт турларидан ажралиб туради.

Батафсил
СУЗИШ: КИМГА ФОЙДА, КИМГА ЗАРАР

СУЗИШ: КИМГА ФОЙДА, КИМГА ЗАРАР

🕔14:49, 19.04.2018 ✔146

Сузиш — инсонга завқ бағишлаши билан бирга, саломатликка фойдаси бемисл бўлган машғулот ва спорт туридир. Бироқ у билан шуғулланишнинг ўзига яраша қоидалари ҳам бор.

Батафсил
ОИЛАВИЙ МУСОБАҚА: ШАРТЛАРИ ҚИЗИҚ

ОИЛАВИЙ МУСОБАҚА: ШАРТЛАРИ ҚИЗИҚ

🕔17:17, 15.03.2018 ✔245

Муҳташам спорт залидаги мусобақани кузатиб, аввалига ҳайрон бўлдик. Сабаби, мусобақалашаётганлар орасида қирқ ёшли эркак ва аёлдан тортиб, етти ёшли болаларгача бор. Энг қизиғи, уларнинг биронтаси спортчига ўхшамайди. Лекин бир-бирини қўллаб-қувватламоқда, ғалаба сари ишонч билан бирга ҳаракат қилмоқда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • КАРАТЭ — КУЧНИ КЎРСАТИШ ЭМАС

    КАРАТЭ — КУЧНИ КЎРСАТИШ ЭМАС

    Мағлубиятни ҳис этмасдан ғалаба қилиб бўлмайди

    Татами устида туриб, рақибига дўстона таъзим билан бошланувчи каратэ рақибларнинг бир-бирига ўзаро ҳурматда бўлиши билан бошқа спорт турларидан ажралиб туради.

    ✔ 80    🕔 16:18, 17.05.2018
  • СУЗИШ: КИМГА ФОЙДА, КИМГА ЗАРАР

    СУЗИШ: КИМГА ФОЙДА, КИМГА ЗАРАР

    Сузиш — инсонга завқ бағишлаши билан бирга, саломатликка фойдаси бемисл бўлган машғулот ва спорт туридир. Бироқ у билан шуғулланишнинг ўзига яраша қоидалари ҳам бор.

    ✔ 146    🕔 14:49, 19.04.2018
  • ОИЛАВИЙ МУСОБАҚА: ШАРТЛАРИ ҚИЗИҚ

    ОИЛАВИЙ МУСОБАҚА: ШАРТЛАРИ ҚИЗИҚ

    Муҳташам спорт залидаги мусобақани кузатиб, аввалига ҳайрон бўлдик. Сабаби, мусобақалашаётганлар орасида қирқ ёшли эркак ва аёлдан тортиб, етти ёшли болаларгача бор. Энг қизиғи, уларнинг биронтаси спортчига ўхшамайди. Лекин бир-бирини қўллаб-қувватламоқда, ғалаба сари ишонч билан бирга ҳаракат қилмоқда.

    ✔ 245    🕔 17:17, 15.03.2018
  • Магнус КАРЛСЕН:  «МЕН ҲЕЧ КИМГА ТАН БЕРМАГАНМАН»

    Магнус КАРЛСЕН:  «МЕН ҲЕЧ КИМГА ТАН БЕРМАГАНМАН»

    Шахмат бўйича ўн олтинчи, ушбу ўйин тарихида эса учта йўналиш (классик, рапид ва блиц)да биринчи жаҳон чемпиони ҳисобланган норвегиялик 27 ёшли Магнус Карлсен мана, тўрт йилдирки, ақл муҳорабасида ўзига тенг келадиган рақиб йўқлигини исботлаб келмоқда.

    ✔ 320    🕔 17:46, 01.03.2018
  • ЖАМОАВИЙ СПОРТ ТУРЛАРИДАН ОЛИМПИАДАГА БОРАМИЗ…МИ?

    ЖАМОАВИЙ СПОРТ ТУРЛАРИДАН ОЛИМПИАДАГА БОРАМИЗ…МИ?

    2016 йилги Рио олимпиадасида спортчиларимиз қандай ютуқларга эришгани ҳамманинг ёдида бўлса керак. Айниқса, боксчиларимизнинг мисли кўрилмаган натижасидан дунё ҳамжамияти ҳам лол қолди.

    ✔ 307    🕔 10:43, 09.02.2018
Ҳаммасини кўриш 

Фойдали манбаалар