Ёшлар      Бош саҳифа

БОЛАМ БАХТЛИ  БЎЛСИН, ДЕСАНГИЗ...

Муҳаммаджон ҚУРОНОВ

Гиёҳвандлик

Гиёҳвандлик сигаретнинг биринчи тортимидан бошланади. Ундан аста-секин ичкиликбозлик, ундан сўнг эса ахлоқий бузуқлик оқибатида наша чекишга ўтилади. Нашага кучли тобелик юзага келади. Аста-секин одам хуморини наша билан қондиролмай қолади. Оқибатда қўлига шприц олади, гиёҳванд моддани томирига уради.

Гиёҳвандлик таҳдиди четдан туриб, онгли равишда ўзига ёшларни тортишга ҳаракат қилмоқда. Чунки ёшлар қизиқувчан, ҳаёт неъматларини татиб кўришга интилувчан, аммо оқибатларини ўйлашга киришмаган бўлишади. 

Гиёҳвандликнинг шакллари:

1. Кашандалик. Дастлаб сигаретга ўргатиш ва унинг воситасида гиёҳванд модда чекишга кўниктириш.

2. Ичкиликбозлик. Дастлаб спиртли ичимликларга, кейин эса унинг воситасида гиёҳванд модданинг суюлтирилган кўринишига ўргатиш.

3. Таксикомания. Кашандалик ва ичкиликбозлик босқичидаги ўсмирларни суюлтирилган шаклдаги заҳарли (бензин, керосин, дихлофос, бўёқлар ва ҳ.к.) ва гиёҳванд моддаларни ҳидлаш воситасида сархуш бўлишга ўргатиш.

4. Наркомания. Гиёҳвандлик таҳдидининг энг хатарли кўриниши, махсус даволаш йўли билангина бартараф қилиниши мумкин бўлган иллат. Аммо бу одамдан жуда катта куч ва иродани талаб қилади.

Гиёҳвандликка қарши курашиш ҳар бир ота-онанинг маънавий бурчи бўлиши лозим.

Гиёҳвандликни болангизга кимлар, нега ўргатишади?

Айрим жиноятчи шахслар олдиндан режа тузиб,  ўзига тўқ оилаларнинг пулларини шилиш учун уларнинг мафкуравий иммунитети паст бўлган болаларини нишонга олади. Аста-секин, алдов йўли билан уларни гиёҳвандлик комига торта бошлайди. Бунинг оқибатида:

1. Лоқайд ота-онанинг боласи гиёҳвандлар таъсир доирасига тушиб қолади. 

2. Оила бахтсиз бўлади.

3. Жамиятда жиноятчилик кўпаяди.

4. Миллатнинг генофонди бузилади.

5. Давлатнинг иқтисодий қудратига катта зарар етади.

Болангизни қандай аврашади?

 1. «Мана бу(наркотик модда)ни бир татиб кўр. Қўрқма. Ҳеч нарса бўлмайди. Ёқмаса, хоҳлаган вақтда ташлайсан», деб ишонтиришади.

2. Болангизни: «Агар мана буни бир татиб кўрсанг, шунақа маза қиласанки...»,  деб аврашади.

3. Аввало, болангизни ўз тузоғига илинтиргунча қасддан гиёҳвандликка ўргатиш учун турли ўйин-кулги, маишатли давраларга (ўзининг ҳисобидан) таклиф этади.

Оқибат: 

1. Гиёҳванд модда бола организмини заҳарлайди. Тана ва бош мия фаолиятини бузиб, қайта тикланмайдиган ўзгаришларни юзага келтиради.

2. Боланинг ақли заифлашади, хотираси саёзлашиб, билим ва маълумотлар қабул қилиш қобилияти пасаяди.

3. Боланинг ҳаётга қизиқиши сусаяди. Бирон касб эгаллаш лаёқати йўқолади.  

4. Руҳий-маънавий ва жисмоний жиҳатдан емирилади.

5. Иродасиз, ўзини бошқара олмай, наркотик сотувчиларга тобе бўлиб қолади.

6. Ахлоқ, меҳнатсеварлик, дахлдорлик ва ижтимоий фаолиятдан, одамгарчиликдан чиқиб қолади.

7. Бор будини сотиб, қашшоқ бўлган одамни ўғирлик, талончилик, босқинчилик каби жиноятларга бошлайди.

8. Гиёҳванд одамдан ақли заиф, майиб ва мажруҳ болалар туғилади.

Оилада гиёҳвандликка қарши маънавий-мафкуравий курашнинг турли шакл ва воситалари:

1. Гиёҳвандликнинг аянчли оқибатлари ҳақида ҳар бир оила аъзосини, қўшниларни огоҳлантириш.

2. Гиёҳвандликка қарши буклет, видео-роликларни кўриб, болаларга кўрсатиб, тушунтириб бориш.

3. Гиёҳвандларнинг пушаймонли сўзлари ёзилган видеофильмларни оила аъзолари билан бирга кўриш, муҳокама қилиш.

4. Ўсмирларни мактабдан ташқари таълим муассасалари, тўгарак, спорт клубларига кенг жалб қилиш.

5. Ҳар бир фарзанднинг бўш вақтини тўғри ташкил қилиш, токи ёшларимизнинг бўш вақти душманларнинг иш вақтига айланиб қолмасин.




Ўхшаш мақолалар

«ЭЛЛИКТА ИШ ЎРНИНИ ҚАНДАЙ ЯРАТДИМ?»

«ЭЛЛИКТА ИШ ЎРНИНИ ҚАНДАЙ ЯРАТДИМ?»

🕔12:12, 11.01.2018 ✔50

Ёш фермерлар ишни нимадан бошлаши керак?

Бирор янги иш бошлаш остонасида турган киши, аввалига иккиланади, баъзан ўзини қийнаётган саволларга жавоб тополмай, ҳаммасига қўл силтаб кетиши ҳам мумкин.

Батафсил
БОЛАМ БАХТЛИ БЎЛСИН, ДЕСАНГИЗ...

БОЛАМ БАХТЛИ БЎЛСИН, ДЕСАНГИЗ...

🕔12:11, 11.01.2018 ✔21

Муҳаммаджон ҚУРОНОВ

Космополитизм, ватансизлик

«Яшаш қаерда яхши бўлса, шу ер мен учун Ватан» деб юрганлар топилади.

Батафсил
МИЛЛИОНЕРГА АЙЛАНГАН ҚИЗ

МИЛЛИОНЕРГА АЙЛАНГАН ҚИЗ

🕔14:02, 05.01.2018 ✔53

Бошланғич маблағсиз ҳам катта иш бошлаш мумкинми? 

Аввалига унга «сенинг қўлингдан нима ҳам келарди? Ўшандай даражага эришиш осон эканми? Яхшиси, аравангни судраб, тинчгина юравер», қабилида насиҳат қилганлар ҳам бўлди. Ишончсизлик, таъна-дашномлар билан агар суянган тоғи ёки пули бўлмаса, катта ишни бошлаш мушкул эканини айтишди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • «ЭЛЛИКТА ИШ ЎРНИНИ ҚАНДАЙ ЯРАТДИМ?»

    «ЭЛЛИКТА ИШ ЎРНИНИ ҚАНДАЙ ЯРАТДИМ?»

    Ёш фермерлар ишни нимадан бошлаши керак?

    Бирор янги иш бошлаш остонасида турган киши, аввалига иккиланади, баъзан ўзини қийнаётган саволларга жавоб тополмай, ҳаммасига қўл силтаб кетиши ҳам мумкин.

    ✔ 50    🕔 12:12, 11.01.2018
  • БОЛАМ БАХТЛИ БЎЛСИН, ДЕСАНГИЗ...

    БОЛАМ БАХТЛИ БЎЛСИН, ДЕСАНГИЗ...

    Муҳаммаджон ҚУРОНОВ

    Космополитизм, ватансизлик

    «Яшаш қаерда яхши бўлса, шу ер мен учун Ватан» деб юрганлар топилади.

    ✔ 21    🕔 12:11, 11.01.2018
  • МИЛЛИОНЕРГА АЙЛАНГАН ҚИЗ

    МИЛЛИОНЕРГА АЙЛАНГАН ҚИЗ

    Бошланғич маблағсиз ҳам катта иш бошлаш мумкинми? 

    Аввалига унга «сенинг қўлингдан нима ҳам келарди? Ўшандай даражага эришиш осон эканми? Яхшиси, аравангни судраб, тинчгина юравер», қабилида насиҳат қилганлар ҳам бўлди. Ишончсизлик, таъна-дашномлар билан агар суянган тоғи ёки пули бўлмаса, катта ишни бошлаш мушкул эканини айтишди.

    ✔ 53    🕔 14:02, 05.01.2018
  • ФОЙДАЛИ ЎЙИН

    ФОЙДАЛИ ЎЙИН

    Интернет сайтларини кузатсангиз, бефойда ўйинлару лойиҳаларнинг кўплигидан таъбингиз хира тортади. Лекин улар орасида ўқувчи-ёшларни фикрлашга, бирор бир соҳада илм ўрганишга чорловчи ўйинлар ҳам йўқ эмас. Шулардан бири бу — «Mylab.uz» лойиҳасидир.

    ✔ 35    🕔 14:01, 05.01.2018
  • БОЛАМ БАХТЛИ БЎЛСИН, ДЕСАНГИЗ...

    БОЛАМ БАХТЛИ БЎЛСИН, ДЕСАНГИЗ...

    Муҳаммаджон ҚУРОНОВ

    Атоқли олим Нажмиддин ­Комилов шундай ёзган эди: «Маънавий тарбия деганда инсон иродаси, маънавий олами, тафаккури ва ­дунёқарашининг замон талаблари даражасида шаклланишини тушунамиз». 

    ✔ 38    🕔 14:01, 05.01.2018
Ҳаммасини кўриш 

Фойдали манбаалар