Халқ виждони      Бош саҳифа

ИЖТИМОИЙ КЎМАКЛАШУВ

кучимизга куч қўшади

Бахт сари интилаётган инсон ҳаётда турли қийинчиликларни ҳам енгиб ўтишга тайёр туриши зарур. Бундай вақтда бизни тинглайдиган, муаммоларимизга ечим топишда кўмаклашадиган кишиларнинг ёнимизда бўлиши катта куч ва далда беради.

 

Бугун хонадонларга кириб, фуқаролар билан юзма-юз гаплашиб, уларга ҳар жиҳатдан ёрдамлашиш масаласига алоҳида эътибор қаратилмоқда. Бу жараёнда нафақат давлат органлари, шу билан бирга нодавлат-нотижорат ташкилотларининг ҳам етарлича ҳиссаси мавжуд.

Мамлакатимиздаги нодавлат-нотижорат ташкилотлари давлат органлари билан бир қаторда жамият ҳаётидаги ҳар қандай соҳада фаол иштирок этиб келмоқда. Ҳозирда уларнинг сони 9 минг 100 дан ортиқни ташкил этмоқда. Ушбу ташкилотларнинг 300 дан ортиғи аёллар ва болалар масалалари билан шуғулланади. Ўзбекистон Хотин-қизлар қўмитаси мазкур ташкилотлар билан мустаҳкам ҳамкорлик тизимини амалга оширяпти. Хусусан, таълим, оналик ва болалик, эрта туғуруқларнинг олдини олиш йўналишларида электрон мониторинг базаси шакллантирилиб, уларга янги таклиф ва тавсиялар бериб бориляпти. Шунингдек, хорижий ташкилотлар билан ҳамкорлик ўрнатилиб, самарали натижаларга эришилмоқда.

— Марказимиз 2008 йилда Ўзбекистон Хотин-қизлар қўмитасининг ташаббуси билан ташкил этилган, — дейди Жиззах вилояти «Қалб нури» аёллар ва уларнинг оилаларини ижтимоий-ҳуқуқий қўллаб-қувватлаш маркази раҳбари Нодира АЛИМОВА. — Фаолиятимиздан кўзланган асосий мақсад  аҳолининг ижтимоий ҳимояга муҳтож қатламига кўмак бериш. Коллеж битирувчиларининг бандлигини таъминлаш масаласи ҳам эътиборимиз марказида. Ижтимоий ҳимояга муҳтож оила фарзандларини қўшимча касб-ҳунарга ўргатиб, уларнинг бандлигини таъминлашга ёрдамлашяпмиз.

Жорий йилнинг ўн ойи давомида марказимизга 168 та мурожаат келиб тушди. Уларнинг 51 нафари психологик кўмак сўраган, 42 нафари эса ҳуқуқий маслаҳатлар олишди.

Шу йили Ўзбекистон Республикаси Олий Мажлиси ҳузуридаги нодавлат-нотижорат ташкилотлари ва фуқаролик жамиятининг бошқа институтларини қўллаб-қувватлаш жамоат фонди эълон қилган грант асосида «Инсон ҳуқуқи ва қадр-қиммати олий қадрият» лойиҳамиз ғолиб бўлди. Унинг доирасида Жиззах вилоятидаги битта шаҳар ва 12 та тумандан икки нафардан жами 26 нафар ижтимоий ҳимояга муҳтож коллеж битирувчи қизлари танлаб олинди. Улар қатор ташкилотлар билан ҳамкорликда тадбиркорлик асослари бўйича ўқитилди.

Муаммолар ечим топгани сари инсонларнинг ҳаётга қараши ҳам ўзгариб боради. Ўтган ҳар кунидан шукроналик туйиш, кўрсатилган ёрдамга муносиб жавоб қайтариш кайфияти уларга куч бағишлайди. Бундай кишиларнинг орамизда кўпайиб бораётгани эса энг катта ютуқ демакдир. 

 

Шаҳноза РАҲИМХЎЖАЕВА

«Оила даврасида» мухбири




Ўхшаш мақолалар

Чевар қизнинг ғайрати

Чевар қизнинг ғайрати

🕔11:48, 28.06.2018 ✔150

У ишсиз юрган кўплаб қизларнинг бандлигини таъминлашни ният қилган.

Батафсил
Чаққон келин ҳаммасига улгуради

Чаққон келин ҳаммасига улгуради

🕔11:48, 28.06.2018 ✔161

Камини яшириб, кўпини оширадиган қайноналар шунчалик ноёбми?

Батафсил
Жиноятларга қандай барҳам берилди?

Жиноятларга қандай барҳам берилди?

🕔10:13, 21.06.2018 ✔172

Ўтган йили 9 та жиноят содир этилган маҳаллада бугун жиноятчиликка чек қўйилди. Бунга қандай эришилди?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар