Давр нафаси      Бош саҳифа

ЯХШИ ОДАМЛАР КЎПАЯВЕРСИН

Кимки бир кўнгли бузуқнинг хотирин шод айлагай,

Онча борким, Каъба вайрон бўлса обод айлагай.

Алишер Навоий

Тўрақўрғон тумани Қирғизқўрғон қишлоғининг Баҳор боғи маҳалласида истиқомат қилувчи Моҳира Тошпўлатовага вилоят кўп тармоқли тиббиёт марказида жарроҳлик амалиёти ўтказишда моддий ёрдам кўрсатилди.

ЯХШИ ОДАМЛАР КЎПАЯВЕРСИН

— 2002 йилдан буён буйрагим безовта қилади, — дейди М.Тошпўлатова. — 2008 йилда операция қилишди. Бироқ бутунлай соғайиб кетганим йўқ. Мунтазам даволаниб юриш, зарур дори-дармонлар сотиб олиш эса қийин. Куни кеча иккинчи бор жарроҳлик амалиётида бўлдим. Аммо бу сафар барча харажатлар давлатимиз томонидан тўлаб бериладиган бўлди. Ҳозир ўзимни анча яхши ҳис қиляпман. Албатта, бунда муолажалар билан бирга, Президентимиз раҳнамолигида кўрсатилаётган ғамхўрлик, яқинларимнинг меҳр-оқибати ҳам менга куч-қувват, шифо бағишлаётир.

Маиший шароити оғир, боқувчисини йўқотган ва ногирон оила аъзоларини парваришлаш, касалмандлар саломатлигини тиклаш бўйича кўрсатилаётган амалий ёрдам халқимизга хос бағрикенглик, меҳр-мурувват ва саховатнинг амалдаги ифодасидир.

Президентимизнинг 2017 йил 12 сентябрдаги «Аҳолининг кам таъминланган қатламларини қўллаб-қувватлашга оид қўшимча чора-тадбирлар тўғрисида»ги қарори бу борада муҳим дастуриламал бўлиб хизмат қилмоқда. Мазкур ҳужжат ижроси доирасида Ўзбекистон Касаба уюшмалари федерацияси томонидан ишчи гуруҳи тузилиб, юртимизнинг барча ҳудудларида кам таъминланган оилаларнинг ижтимоий-маиший аҳволи ўрганилди, уй-жой ва маиший техника билан таъминлаш, яшаш жойини таъмирлаш, тиббий хизмат борасида амалий ёрдамга муҳтож оилалар аниқланди. Ушбу тоифадаги оилалар рўйхати вилоятлар ҳокимликлари, Қорақалпоғистон Республикаси Жўқорғи Кенгеси томонидан тасдиқланиб, 2017-2018 йилларда аҳолининг ночор тоифаларига беғараз ёрдам кўрсатиш бўйича ҳудудий манзилли дастурлар ишлаб чиқилди.

Наманган вилоятида ҳам мазкур дастур асосида кам таъминланган оилаларнинг бемор аъзолари, жисмоний имконияти чекланган юртдошларимизни даволаш, дори-дармон билан таъминлаш ва ижтимоий қўллаб-қувватлашга алоҳида эътибор қаратилмоқда.

Қўшқайрағоч маҳалласида яшовчи Ўктамхон Эргашеванинг ўғлининг ток уриши натижасида куйган икки қўли бармоқлари кесиб ташланган. Бироқ икки йилдан буён боланинг жароҳати тузалмаган. Унга Тошкентдаги клиникада даволаниш учун давлат ҳисобидан пул ўтказиб бериладиган бўлди.

— Биз сингари эҳтиёжманд оилаларга, беморларга ғамхўрлик кўрсатаётган давлатимизга барча оналар номидан миннатдорлик билдираман, — дейди Ўктамхон Эргашева. — Илоҳим, юртимиз ҳамиша тинч бўлсин, яхши одамлар кўпаяверсин.

— Президентимиз ташаббуси билан ўтказилаётган мазкур ижтимоий тадбирда Наманган вилояти бўйича жами 72 нафар кам таъминланган ва малакали тиббий хизматга муҳтож юртдошимизга ихтисослаштирилган тиббиёт марказлари, клиникаларда даволаниши, дори-дармон билан таъминланиши учун давлат бюджетидан жами 288 миллион сўм маблағ ажратилган, — дейди Ўзбекистон Республикаси Соғлиқни сақлаш ходимлари касаба уюшмаси кенгашининг Наманган вилояти бўйича масъул ташкилотчиси Аббос Мамадалиев. — Уларга даволовчи шифокор хулосаси, рецепти, поликлиника йўлланмаси асосида даволаниши ёки дори-дармон сотиб олиши учун тегишли тиббиёт муассасаси ёхуд дорихона ҳисоб рақамига шартнома асосида пул ўтказиб берилади. Ишчи гуруҳи томонидан аниқланган шундай беморларнинг 40 нафари республика миқёсидаги шифо масканларида даволаниш бўйича ўзаро шартнома тузган.

Аҳоли, айниқса, унинг эҳтиёжманд қатламини ижтимоий муҳофаза қилиш борасида амалга оширилаётган бундай тадбирлар одамларда бугунидан шукроналик, эртанги кунга ишонч туйғусини мустаҳкамламоқда.

 

Акром САТТОРОВ,

ЎзА мухбири




Ўхшаш мақолалар

Ҳамиша ҳимояда эканингизни ҳис қиласизми?

Ҳамиша ҳимояда эканингизни ҳис қиласизми?

🕔18:06, 06.12.2018 ✔26

«Хорижда қийин аҳволда қолган 71 нафар фуқаро Тошкент халқаро аэропортида Бандлик ва меҳнат муносабатлари вазирлиги вакиллари ҳамда меҳнат мигрантларининг қариндошлари томонидан кутиб олинди.

Батафсил
Бемор бола юзидаги қувонч

Бемор бола юзидаги қувонч

🕔18:06, 06.12.2018 ✔21

Дунёда инсон учун фарзандининг соғлиғидан ортиқ бахт бўлмаса керак. Ҳар биримиз зурриёдимизнинг, аввало, соғлом дунёга келишини истаймиз.

Батафсил
Мен нима учун  «Оила даврасида»ни  ўқийман?..

Мен нима учун «Оила даврасида»ни ўқийман?..

🕔17:37, 06.12.2018 ✔30

«Ўзбектелеком» АКнинг Сирдарё филиали жамоаси

«Ассалому алайкум «Оила даврасида» газетаси таҳририяти жамоаси.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Ҳамиша ҳимояда эканингизни ҳис қиласизми?

    Ҳамиша ҳимояда эканингизни ҳис қиласизми?

    «Хорижда қийин аҳволда қолган 71 нафар фуқаро Тошкент халқаро аэропортида Бандлик ва меҳнат муносабатлари вазирлиги вакиллари ҳамда меҳнат мигрантларининг қариндошлари томонидан кутиб олинди.

    ✔ 26    🕔 18:06, 06.12.2018
  • Бемор бола юзидаги қувонч

    Бемор бола юзидаги қувонч

    Дунёда инсон учун фарзандининг соғлиғидан ортиқ бахт бўлмаса керак. Ҳар биримиз зурриёдимизнинг, аввало, соғлом дунёга келишини истаймиз.

    ✔ 21    🕔 18:06, 06.12.2018
  • Мен нима учун  «Оила даврасида»ни  ўқийман?..

    Мен нима учун «Оила даврасида»ни ўқийман?..

    «Ўзбектелеком» АКнинг Сирдарё филиали жамоаси

    «Ассалому алайкум «Оила даврасида» газетаси таҳририяти жамоаси.

    ✔ 30    🕔 17:37, 06.12.2018
  • У бизга нондай зарур

    У бизга нондай зарур

    Газета учун муқобил қоғоз яратиш вақти етмадимикан?

    ✔ 55    🕔 16:19, 29.11.2018
  • Сув учун тўлов янги тартибда

    Сув учун тўлов янги тартибда

    Мажбурий ижро бюроси ходимлари келиб, эндиликда ичимлик сув истеъмоли учун ҳам олдиндан 100 фоиз тўлов тўланиши шартлиги тўғрисида огоҳлантиришди. Бу тўғрими?

    Карим БОЗОРОВ, 

    Сергели тумани

    ✔ 45    🕔 16:19, 29.11.2018
Ҳаммасини кўриш 

Фойдали манбаалар