Оила хуржун      Бош саҳифа

ЧАРОҒОНОВГА МИННАТДОРЛИК МАКТУБИ

«Нурафшон» электр тармоқлари бошлиғи ҳурматли Ёруғбек Чароғоновга!

ЧАРОҒОНОВГА МИННАТДОРЛИК МАКТУБИ

Ушбу миннатдорлик хатини бозорда шам ва фонарь савдоси билан шуғулланувчи сотувчилардан деб билгайсиз. Сиздан бағоят миннатдормиз. Қозонимизнинг қайнашида бамисоли олов бўлиб хизмат қилмоқдасиз. Кечқурун хонадонлар жам бўлиб дастурхон атрофига ўтириб, энди овқатга қўл чўзганларида чироқни «лип» этиб ўчиришингиз бизни хурсанд қилади. Дарҳол биров шам ва гугуртга, яна бирлари фонарни излашга тушадилар.

Ҳурматли Чароғонов! Сизни бизга кўрсатаётган ғамхўрликларингиз туфайли қўлимизни қаёққа узатсак етадиган бўлди. Яқиндагина эди шалоғи чиққан «Жигули»да юрганимиз. Ҳозир «Lacetti», «Malibu» машиналари тагимизда гижинглаб турибди.

Биламиз, чироқни хоҳлаган пайтда ёқиб, хоҳлаган вақтда ўчира оласизлар. Аммо тўғриси, бизнинг бироз виждонимиз қийналяпти. Истеъмолчиларга ҳам озгина раҳм қилинг! Чироқни иложи бўлса, кечаси буткул ўчириб, фақат кундузи ёқинглар. Бундай деганимизнинг сабаби, кундуз куни фонарикларни зарядга қўйиб, тўлдириб оладилар.

Ҳурматли Ёруғбек Чароғонов! Фақат биз эмас, балки «газ сўргич» насос сотаётганлар ҳам сизни дуо қилиб турибди. Ахир, Сизнинг ҳимматингиз туфайли уларнинг ҳам қозонлари қайнаб турибди-да! Улар ҳам чироқни тез-тез ёқиб-ўчириб туришингизни илтимос қилмоқдалар. Ахир, «газ сўргич»лар куйиб, ёниб, ишдан чиқса, уларнинг ҳам ошиғи олчи-да!

Аслида истеъмолчиларга яхшилик ҳам қилаяпсизлар. Агар электр токи узилса, ҳисоблагич турган гапки, ишламайди. У ишламаса, пул тежалади. Демакки, сизлар ҳар бир оила пулини тежаб, иқтисодий қўллаб-қувватлаяпсизлар. Офарин, Сизларга! Тежалган шу пулларга қанча шам, фонарь сотиб олса бўлади, ахир.

Чироқни тез-тез ўчириб турилиши ўзларингиз учун ҳам фойдали. Ҳисоблагичлар доимо ишламай тургандан кейин назоратчиларни иши ҳам енгиллашади. Энди ҳар ойда эмас, тўрт-беш ойда бир марта ҳисоблагичларни кўздан кечириб турсалар, бас.

Ҳурматли Чароғонов! Биламиз, биз сизларни кўкларга кўтариб, қанча мақтасак, харидорлар шунча қарғайдилар. Аммо сизлар ҳечам хавотир олманг. Шу пайтгача кор қилмаган қарғиш, энди таъсир қилармиди?!

Миннатдорлик мактубини оққа кўчирувчи

Барди ЖУМАНИЁЗОВ

P.S.: Ушбу мактуб қайси туман электр тармоқларига йўлланганини билишга роса қизиқдик. Аммо айтишмади. «Ахир, бундай мактубни исталган туманга юборсангиз ҳам лоппа-лойиқ тушади-ку!» дейишди.

Фақат таҳририятимизга келган конверт устига «Хива туманидан» дейилганини кўриб, нимадир англагандек бўлдик.




Ўхшаш мақолалар

ПЛАСТИК  ОПЕРАЦИЯ

ПЛАСТИК ОПЕРАЦИЯ

🕔15:05, 17.09.2018 ✔56

  (ҳажвия)

Лўғимбек қишлоғидаги истироҳат боғида ижодий кечамиз белгиланган.

Батафсил
Отангга  раҳмат!..

Отангга  раҳмат!..

🕔11:22, 16.08.2018 ✔119

Нортўхта тоға тушга яқин Ғиждувон бозорида айланиб юрганди, телефони биғиллади. Олса, кампири: «Бир кило гўшт ола қайтинг, кўнглим баракни тусаяпти...»

Батафсил
Танқид  жамғармаси

Танқид жамғармаси

🕔11:58, 02.08.2018 ✔119

Г.КЕМОКЛИДЗЕ,

Россия

Яқинда Иван Петрович мени ҳузурига чорлаб, тилёғламалик билан шундай деди:

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ПЛАСТИК  ОПЕРАЦИЯ

    ПЛАСТИК ОПЕРАЦИЯ

      (ҳажвия)

    Лўғимбек қишлоғидаги истироҳат боғида ижодий кечамиз белгиланган.

    ✔ 56    🕔 15:05, 17.09.2018
  • Отангга  раҳмат!..

    Отангга  раҳмат!..

    Нортўхта тоға тушга яқин Ғиждувон бозорида айланиб юрганди, телефони биғиллади. Олса, кампири: «Бир кило гўшт ола қайтинг, кўнглим баракни тусаяпти...»

    ✔ 119    🕔 11:22, 16.08.2018
  • Танқид  жамғармаси

    Танқид жамғармаси

    Г.КЕМОКЛИДЗЕ,

    Россия

    Яқинда Иван Петрович мени ҳузурига чорлаб, тилёғламалик билан шундай деди:

    ✔ 119    🕔 11:58, 02.08.2018
  • Кар ва йўловчи

    Кар ва йўловчи

    Бир киши пахта териб юрган экан.  Узоқдан нотаниш йўловчи келаётганини кўрибдию унинг берадиган саволларини тахмин қилиб ўзича жавоб тайёрлаб қўйибди.

    ✔ 124    🕔 11:57, 02.08.2018
  • Қоч, асабий машина келяпти!

    Қоч, асабий машина келяпти!

    Ҳайдовчиларни танқид қилиш осон-да. Маданиятсиз, ҳовлиқма, бефаросат... Эҳтимол, шундайлари ҳам бордир. Лекин уларга ҳам осонмаслигини унутманг-да. Яхшиси, келинг, сизни бир хаёлий саёҳатга таклиф этаман. Уловга яхшилаб жойлашинг, хавфсизлик камарини тақинг, кетдик!

    ✔ 133    🕔 10:52, 19.07.2018
Ҳаммасини кўриш 

Фойдали манбаалар