Саломатлик      Бош саҳифа

Янги йил дастурхонида

бўкиб қолмаслик учун нималарни унутмаслик керак?

Янги йил байрами. Дастурхон тансиқ ноз-неъматларга лиқ тўла. Пиёла қўйгулик жой йўқ. Бундай тўкин дастурхон атрофида кўп еб қўйиб, бўкиб қолиш ҳеч гап эмас.

Хўш, Янги йил байрами зиёфатида овқатланиш меъёрига қандай амал қилиш керак? ªуйида мутахассисларнинг тавсияларини келтирамиз.

Янги йил дастурхонида

Татиб кўринг

Дастурхондаги ноз-неъматларнинг ҳаммасидан ошқозонга пала-партиш ва кўп-кўпдан «тиқавермай», балки ҳар биридан оз-оздан татиб кўрган маъқул. Ҳатто, «Оливье» салатининг ҳам калорияси жуда юқори. Шу боис салатларнинг ҳар биридан бир қошиқдан истеъмол қилиш тавсия этилади.

Сабзавотлару ёғсиз оқсил

Дастурхонда карам салатига кўзингиз тушдими, уни ўзингизга яқинроқ суриб қўяверинг. Маринадланган балиқ гўштими, жуда соз. Апельсин, олма, мандарину хурмо ҳам чакки танлов эмас. Тўғри, уларни кўп ейиш ёки ошқозонида муаммо бор кишига тавсия этилмайди. Аммо тўкин дастурхонда сабзавоту мевалар торт ёки қозон кабобдан яхшироқ.

Оч қорин билан ўтирманг

Агар бирор зиёфатга оч ҳолда бориб қолган бўлсангиз ҳам, дастурхон атрофида кўйлагингиз тугмаси чирт узилгудай бўлиб тўйиб еманг. Яхшиси, бундай пайтда сал олдинроқ ёғсизлантирилган кефир истеъмол қилган маъқул. Аввало, ярим коса суюқ овқат ичиб олишни тавсия этамиз. Бундай ёндашув қорин тўқлиги ҳиссини уйғотади ва бўкиб ейишнинг олдини олади.

Эртасига-чи?

Қайси маъданли сув ёки ичимликлардан ичишни маъқул кўрасиз? Шарбат, компот, коктейль ёки турли газланган сувларми? Бутун меҳмондорчилик давомида уларнинг ичилган жами миқдори калорияси каттагина торт бўлагиникига етиб қолади. Энг яхшиси, хона ҳароратидаги газланмаган маъданли ёки оддий сув ичган маъқул. Гап шундаки, сув овқат тановули чоғида ошқозонни тузуккина кенгайтира олади. Бу ошқозонни турли кучли ва ёғли овқатлару салатлардан оз бўлса-да, ҳимоялайди. Буни қандай қилиш мумкин? Жуда осон. Озгина ейсиз, сув ичасиз, озгина ейсиз, сув ичасиз. Бу ишни кўпи билан 3-4 марта такрорлай оласиз, негаки, шу билан ошқозон «тўлади». Аммо эртасига қийналмайсиз.

«Аввал — таом» эмас

Байрамдан сўнг бўкиб қолишдан азият чекмаслик учун Янги йил дастурхони атрофида егуликларни тўғри истеъмол қилиш талаб этилади. Бу қийин эмас.

 Салатларга ишлатилган майонез истеъмолини ошириб юбориш ярамайди. Унинг ўрнига кефир, ёғи кам сметана ёки ўсимлик ёғидан фойдаланган маъқул.

 Қовурилган овқатлардан кўра, димланган ва қайнатилганлари маъқулроқ.

 Дастурхонга гўштли ва сабзавотли салатлардан тенг миқдорда қўйинг.

 Тўйиб кетган бўлсангиз-у, аммо олдингизга сиз яхши кўрган тансиқроқ таомни қўйишса, қийин бўлса-да, истеъмол қилманг, бу сизга зарар келтиради.

 Қорин дам бўлиб кетмаслиги учун газланмаган сув истеъмол қилинг.

 Дастурхон атрофида истеъмол борасида тез-тез танаффус қилинг ва жисмоний ҳаракатлар қилиб туришни унутманг.

Интернет манбалари асосида

Тоштемир ҚОРАБОЕВ

тайёрлади.




Ўхшаш мақолалар

Замонавийлик ортидан қувиш

Замонавийлик ортидан қувиш

🕔10:37, 14.06.2018 ✔36

Тор шим болада оёқ қийшиқлигига олиб келади(ми)?

Батафсил
Аёллар 2 кг. кимёвий модда «ютишади»

Аёллар 2 кг. кимёвий модда «ютишади»

🕔10:35, 14.06.2018 ✔35

Статистика маълумотларига қараганда, ҳар куни пардоз воситаларидан фойдаланадиган аёл организмига бир йилда 2 килограмм кимёвий модда тушар экан. Энг ачинарлиси, бундай воситаларнинг муддати ўтган бўлса-чи? Бу, албатта, инсон саломатлигига салбий таъсир ўтказиши мумкин. Шундай вазиятнинг олдини олиш мақсадида баъзи косметик воситаларнинг яроқлилик муддати ва уларнинг муддатидан сўнг ишлатганда қандай оқибатларга олиб келиши мумкинлигини эслатиб ўтамиз.

Батафсил
Вазн етишмаслигининг боиси нима?

Вазн етишмаслигининг боиси нима?

🕔13:48, 07.06.2018 ✔74

Хасталик сабаблари турлича, даволашни бошлашдан олдин эса…

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Замонавийлик ортидан қувиш

    Замонавийлик ортидан қувиш

    Тор шим болада оёқ қийшиқлигига олиб келади(ми)?

    ✔ 36    🕔 10:37, 14.06.2018
  • Аёллар 2 кг. кимёвий модда «ютишади»

    Аёллар 2 кг. кимёвий модда «ютишади»

    Статистика маълумотларига қараганда, ҳар куни пардоз воситаларидан фойдаланадиган аёл организмига бир йилда 2 килограмм кимёвий модда тушар экан. Энг ачинарлиси, бундай воситаларнинг муддати ўтган бўлса-чи? Бу, албатта, инсон саломатлигига салбий таъсир ўтказиши мумкин. Шундай вазиятнинг олдини олиш мақсадида баъзи косметик воситаларнинг яроқлилик муддати ва уларнинг муддатидан сўнг ишлатганда қандай оқибатларга олиб келиши мумкинлигини эслатиб ўтамиз.

    ✔ 35    🕔 10:35, 14.06.2018
  • Вазн етишмаслигининг боиси нима?

    Вазн етишмаслигининг боиси нима?

    Хасталик сабаблари турлича, даволашни бошлашдан олдин эса…

    ✔ 74    🕔 13:48, 07.06.2018
  • Тарвузнинг шифоси

    Тарвузнинг шифоси

    Буйракларни ювади,  майда тошларни эритади.

    ✔ 62    🕔 13:47, 07.06.2018
  • Ташхисни шифокор қўяди

    Ташхисни шифокор қўяди

    Ўсмирликда тошадиган ҳуснбузар кўп ёшларни хавотирга солса керак. Бу ҳол уларга ноқулайлик туғдирибгина қолмасдан, юз чиройига ҳам зарар етказиши мумкин. Уни даволаш учун эса алоҳида эътибор талаб қилинади. Аммо кўпчилик бунга балоғат ёшгача ўтиб кетадиган ҳолат сифатида қарашади.

    ✔ 50    🕔 13:46, 07.06.2018
Ҳаммасини кўриш 

Фойдали манбаалар