Мустаҳкам оила      Бош саҳифа

БАХТЛИ БЎЛИШНИНГ СОДДА ФОРМУЛАСИ

ҳурмат ва муроса билан яшашда

Тинч-тотув, аҳил-иноқ ҳаёт кечираётган оилаларни кўрганда кимнинг ҳам ҳаваси келмайди дейсиз. Фарзанд тарбияси, рўзғор тутуми, эр-хотиннинг ўзаро ҳамфикрлиги бизга бахтли ҳаёт кечириш борасида сабоқ беради. Орамизда бундай оилалар кўп. Уларнинг ўз юмушларидан ортиб, маҳаллада ҳам муносиб ўрин эгаллаётганини эса жамиятимиз ҳаётига қўшаётган муносиб ҳиссаси дейиш мумкин. 

БАХТЛИ БЎЛИШНИНГ СОДДА ФОРМУЛАСИ

Баъзан бирор тушунмовчилик юзага келган оилаларга бу ҳаётнинг ғаниматлиги, инсонлар бир-бирининг қадрига етиб яшаши кераклигини тушунтириш анча мушкул кечади. Шундай вақтда ён қўшнисининг бахтли турмушини ўрнак қилиб кўрсатиш эса уларни бироз мушоҳада қилишга, хатоларини англаб етишга ундаши мумкин.

Бир неча йилдан буён ўтказиб келинаётган «Энг намунали оила» Республика кўрик-танлови ҳам шу вазифани ўз олдига асосий мақсад қилиб олган. Ҳаммага ўрнак бўлиб келаётган бундай оилалар эса муносиб рағбатлантириб келинмоқда. Бу йил ҳам кўрик-танловнинг ҳудудий саралаш босқичларида 15 минг 624 оила иштирок этди. 

— Бу йилги танловнинг Республика босқичи аввалгиларидан кўра анча жиддий ва муросасиз руҳда ўтди, — дейди «Оила» илмий-амалий маркази катта илмий ходими Муҳиба ҲАМИДОВА. — Иштирокчиларнинг барчаси пухта тайёргарлик кўрган. Ҳақиқатан ҳам, ҳаммага намуна қилиб кўрсатса арзийди. Менда, айниқса, Сурхондарё вилоятидан иштирок этган Назаровлар оиласи ўзгача таассурот қолдирди. Хонадоннинг каттаю кичиги рўзғорда ўз бажарадиган вазифасига эгалиги, ҳеч бирининг бу масъулиятга беэътибор қарамаслиги кўпчиликнинг диққатини тортди. Беш ўғилнинг ҳаммаси фермер, келинлари ҳам тадбиркорликнинг турли соҳаларида фаолият олиб боришади. Оила аъзолари ўзаро тотувлик ва ҳалол меҳнат билан элда ҳурмат қозонган.

Кўпинча оилалардаги муаммолар, қайнона-келин орасидаги келишмовчиликларни танқид қилиб ўрганиб қолганмиз. Аслида эса ён-атрофимизда намунали оилалар қанча. Назаримда, мана шу мавзуда кўпроқ тарғибот олиб боришимиз керак.

«Ҳамма бахтли оилалар бир-бирига ўхшайди», деб ёзган эди Лев Толстой «Анна Каренина» романида. Ҳақиқатда шундай. Яна ҳар бир бахтсиз оила ўзича бахтсиз экани ҳам рост. Бахтли оилаларни кўриб, уларнинг ўзаро муроса билан ҳаёт кечиришда, фарзандлар тарбиясида кўпроқ қайси жиҳатларга эътибор қаратгани кўпчилик учун қизиқ. Танлов ғолибларидан бири тошкентлик Қодировлар оиласи мисолида буни билгимиз келди.  

— Қачонки оилада эркак ва аёл бир-бирини қўллаб-қувватласа, тушунса, барака бўлади, — дейди оила бекаси ­Замира ҚОДИРОВА. — Тинчлик ҳукм суради.  Қолаверса, бу фарзандлар тарбиясида ҳам намоён бўлади. Биз ҳам турмуш ўртоғим билан беш фарзандни вояга етказиб, олий маълумотли қилдик. Турмуш ўртоғим қишлоқ хўжалиги соҳасида, мен таълим йўналишида анча йил фаолият юритдик. Мана, бугун набиралар тарбияси билан бандмиз. Ўзим ўқитувчи бўлганим учун уларни имкон қадар бўш қолдирмасликка ҳаракат қиламан. Набираларимни китобга ошно қилишга алоҳида эътибор қаратганман. Уйимизда мўъжаз кутубхона, спорт зали ташкил этганмиз. Мақсадимиз фарзандларимизни соғлом, юртимиз корига ярайдиган инсонлар қилиб тарбиялаш.  

Ҳа, хонадонимиздаги хотиржамлик ишимизда, кайфиятимизда, бутун умр йўлимизда ўзининг ижобий натижаларини кўрсатиши кундек равшан. Бунга эришишнинг формуласи эса жуда содда. Аёл ва эркакнинг оиладаги вазифаларига сидқидилдан ёндашиши, бир-бирига ҳурмат билан муомала қилиши юзага келиши мумкин бўлган ҳар қандай муаммонинг олдини олиши аниқ. Намунали оилаларнинг ҳаётини кенг тарғиб қилиш билан айни шу ҳақиқатларни ёшлар онгига чуқурроқ сингдиришга эришиш мумкин.

 

Шаҳноза РАҲИМХЎЖАЕВА




Ўхшаш мақолалар

Қизни ким тарбиялаши керак?

Қизни ким тарбиялаши керак?

🕔17:44, 06.12.2018 ✔24

Қайнота- қайнонанинг кўнглини озгина меҳр, бирозгина эътибор билан ҳам тоғдек кўтариш мумкин.

Батафсил
Сабаб ва сабоқ  

Сабаб ва сабоқ  

🕔17:44, 06.12.2018 ✔28

Ноиланинг янги хонадонга келин бўлиб тушганига бир ойдан ошди. Шу вақт ичида у келин деган номга муносиб бўлиш учун тинмай ҳаракат қилди. ​​​​​​​

Батафсил
Уч йиллик айрилиқдан сўнг

Уч йиллик айрилиқдан сўнг

🕔19:00, 22.11.2018 ✔80

Ёш оила ажрашиш ҳақидаги аризасини қайтариб олди. Нега?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Қизни ким тарбиялаши керак?

    Қизни ким тарбиялаши керак?

    Қайнота- қайнонанинг кўнглини озгина меҳр, бирозгина эътибор билан ҳам тоғдек кўтариш мумкин.

    ✔ 24    🕔 17:44, 06.12.2018
  • Сабаб ва сабоқ  

    Сабаб ва сабоқ  

    Ноиланинг янги хонадонга келин бўлиб тушганига бир ойдан ошди. Шу вақт ичида у келин деган номга муносиб бўлиш учун тинмай ҳаракат қилди. ​​​​​​​

    ✔ 28    🕔 17:44, 06.12.2018
  • Уч йиллик айрилиқдан сўнг

    Уч йиллик айрилиқдан сўнг

    Ёш оила ажрашиш ҳақидаги аризасини қайтариб олди. Нега?

    ✔ 80    🕔 19:00, 22.11.2018
  • «Қизим бегона йигит билан гаплашяпти...»

    «Қизим бегона йигит билан гаплашяпти...»

    Муштарий мактуби:

    Қизим 17 ёшда. Яқинда телефонда бир йигит билан гаплашаётганини эшитиб қолдим. Кечаси ҳам билдирмай ўша йигит билан телефонда ёзишиб ўтиради. Танбеҳ берай десам, яна ўзига бирон нарса қилиб қўймасмикан, деб қўрқаман. Гапирмай десам, ҳар хил йигитларга алданиб қоладими, дейман. Шундай пайтда нима қилсам бўлади? Менга бу борада малакали мутахассиснинг маслаҳати керак.

    Розияхон, Қашқадарё вилояти

    ✔ 62    🕔 18:59, 22.11.2018
  • Эрни боғлаб боқиш керак...ми?

    Эрни боғлаб боқиш керак...ми?

    Оиласини, фарзандларини ўйлаб, тоғни кемириб яшаётган бир аёл тақдири. Аммо ҳаммаси барбод бўлишга жуда яқин.

    ✔ 94    🕔 13:23, 16.11.2018
Ҳаммасини кўриш 

Фойдали манбаалар