Даромад манбаи      Бош саҳифа

«Етти жўжадан бошлаб етти мингга чиқардик»

Паррандачиликдан келган 63 миллион

Парҳезбоп товуқ гўшти — дастурхонимиздаги севимли маҳсулот. Бугун бозорларимизга ана шундай маҳсулот етказиб бераётган тадбиркорлар сафи кундан-кунга кўпаймоқда. Олтинсой туманида истиқомат қилувчи тадбиркор Ойжамол Ҳайитова ҳам паррандачилик билан шуғулланиб яхшигина даромад олмоқда.

«Етти жўжадан бошлаб етти мингга чиқардик»

— Қанийди, биз аёлларга ҳам имконият берилса, тадбиркорлик қилсак, қўлимиздан иш келишини кўрсата олсак, дея орзу қилардим, — дейди Ойжамол ҲАЙИТОВА. — Қарангки, 2011 йил банкдан 23 миллион сўм кредит олдим. Унинг бир қисмига 25х6 ҳажмли махсус товуқхона қурдик. Қолган қисмига эса Қашқадарёдан 700 та курка жўжаларини олиб келиб, боқа бошладик.

— Куркачилик ўзини қай даражада оқлади?

— Икки йил давомида курка жўжаларини боқиб, семиртирдик. Сотиб, даромади ҳисобидан кредитни ёпдик. Тўғри, биз кутганчалик катта фойда бўлмади-ю, лекин харажатларни қоплади. 2014 йилда банкдан яна 33 миллион сўм кредит олдик ва товуқхонамиз икки баробар кенгайди. 1500 та бройлер жўжаларни боқувга қўйдик.

— Даромади қандай бўлди?

— Бройлер жўжалари олиб келинганида бир кунлик эди. Табиий шароитда 40 кун боқилган жўжаларнинг ҳар бири ўртача 1,5 килограммдан тош босадиган бўлди ва уларни бозорга чиқардик. Яна фермер хўжаликларига шартнома асосида парранда етказиб бердик. Олинган даромад кредитни муддатидан олдин ёпишга, тадбиркорлик йўналишини ке­нгайтиришга, рўзғорни бутлашга ёрдам берди. Йил сайин товуқлар сонини кўпайтирдик. Масалан, 2015 йилда товуқлар сони 4000 га етган бўлса, 2016 йил 6000, 2017 йил 7000 гача ортди. Натижа ёмон эмас. Биргина 2016 йилнинг ўзида 50 миллион фойда олдик. 2017 йилнинг ўтган уч чорагида эса, 63 миллион сўм даромадга эришдик.

— Буларнинг ҳаммаси ўз-ўзидан бўлмаса керак?

— Тан олиш керак, бошида энг катта қийинчилик бу соҳада етарлича тажрибага эга эмаслигимизда бўлди. Паррандачиликни ўрганаман деб Шўрчи, Денов сингари туманларга бориб, боқиш усулларини кўрдим, бироқ бу етарли бўлмади. Боз устига, минг машаққат билан боққан товуқларга талаб ҳам йўқ эди. Бозорда харидорлар «Бунақа катта товуқлар фақат гормон билан боқилади», деган фикрга борди ва сотиб олишни кўпчилик истамади. Аҳоли ҳали бу турдаги товуқларга ўрганмаган эди-да. Вақт ўтиб, ҳаммаси изига тушди, тажрибамиз ҳам ошди. Секин-секин бозоримиз юришди. Товуқлар икки-уч килограммгача гўшт қила бошлади.

— Шогирдларингиз ҳам борми?

— Бройлер товуқ боқишни туманда биринчилардан бўлиб бошлаганмиз. Аҳоли орасида ҳам бройлер товуқларни маҳаллий усулда боқишни истовчилар сони ортди. Уларни имкон қадар жўжалар билан таъминлашга, керакли ёрдамни аямасликка ҳаракат қиламиз.

— Келгуси режалар қандай?

— Паррандачиликдан ташқари балиқчилик ва чорвачиликни ҳам йўлга қўйдик. Галдаги мақсад ўзимиз инкубаторда жўжа очиришни йўлга қўйиш. Сабаби, жўжаларни Самарқанддан келтирамиз, узоқ масофа, харажати кўп.

Дарвоқе, ишбилармон ­Ойжамол Ҳайитова яқинда Термизда ўтказилган «Тадбиркор аёл» кўрик-танловида иштирок этиб, «Илғор тадбиркор» йўналишида биринчи ўринни олди.

 

«Оила даврасида» мухбири

Ноилахон АҲАДОВА

ёзиб олди.




Ўхшаш мақолалар

Кунига 7 литр сут берадиган эчки

Кунига 7 литр сут берадиган эчки

🕔11:41, 20.09.2018 ✔48

Бугун жамғарманинг 200 миллард сўм маблағи бор. У кимларга , қанча муддатга ва фоизга берилади?

Батафсил
Биринчи экиндан 25 миллион

Биринчи экиндан 25 миллион

🕔11:40, 20.09.2018 ✔24

Чўп суқса, кўкарадиган заминимизнинг ҳар бир қаричидан унумли фойдаланмаслик нотўғри.

Батафсил
Тадбиркор бобо

Тадбиркор бобо

🕔11:18, 13.09.2018 ✔59

Саксон яшар бу инсон ёшларга ўрнак бўлиб, яхшигина даромад ҳам олмоқда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Кунига 7 литр сут берадиган эчки

    Кунига 7 литр сут берадиган эчки

    Бугун жамғарманинг 200 миллард сўм маблағи бор. У кимларга , қанча муддатга ва фоизга берилади?

    ✔ 48    🕔 11:41, 20.09.2018
  • Биринчи экиндан 25 миллион

    Биринчи экиндан 25 миллион

    Чўп суқса, кўкарадиган заминимизнинг ҳар бир қаричидан унумли фойдаланмаслик нотўғри.

    ✔ 24    🕔 11:40, 20.09.2018
  • Тадбиркор бобо

    Тадбиркор бобо

    Саксон яшар бу инсон ёшларга ўрнак бўлиб, яхшигина даромад ҳам олмоқда.

    ✔ 59    🕔 11:18, 13.09.2018
  • Фермерликдан экотуризмга

    Фермерликдан экотуризмга

    Мамлакатимизда туризмни изчил ривожлантиришга қаратилган кўплаб дастур ва лойиҳалар ишлаб чиқилиб, ҳаётга муваффақиятли татбиқ этилмоқда.

    ✔ 47    🕔 11:17, 13.09.2018
  • Майда ишдан катта фойда сари

    Майда ишдан катта фойда сари

    Меҳнатнинг машаққатсизи йўқ. Сабр қилиб чидаса, бир кун мевасини беради.

    ✔ 53    🕔 11:45, 06.09.2018
Ҳаммасини кўриш 

Фойдали манбаалар