Бугуннинг гапи      Бош саҳифа

ЎЧИРИШДАН ОЛДИНИ ОЛИШ ОСОН

Ёнғин хавфсизлиги қоидаларини нега кўпчилик билмайди?

Тошкент шаҳар Ички ишлар бош бошқармаси Ёнғин хавфсизлиги бўлими Марказий диспетчерлик хизматига ярим тунда ёнғин ҳақида хабар келиб тушди. Ёнғинни ўчириш хизмати Юнусобод тумани 10-даҳасидаги хонадонга тезкор етиб борган пайтда хонадон ётоқхонасидан чиққан ёнғинни қўниўшнилар ўчириб бўлганди. Аммо...

Тилсиз ёвнинг асоратини бартараф этишга кеч қолинди. Ўт ўчирувчилар ёнган хонадондан унинг соҳиби, 1955 йилда туғилган фуқаро Р.Мурсяевнинг куйган жасадини топишди. Фалокат сабаби ўрганилганда ёнғин оддий тамаки чўғидан келиб чиққани аниқланди.

Бу каби аянчли мисолларни, афсуски, яна кўп келтириш мумкин. Ҳалокат оқибатлари қанчалар оғир бўлса, келиб чиқиш сабаблари шунчалар оддий: хонадонда дазмол ўчирилмаган, носоз электр симларида қисқа туташув бўлган, газ ёқилган хонага кийимлар қуритишга илинган ёки болалар назоратсиз қолдирилган ва ҳоказо. Хонадон эгасинг ёнғин келиб чиққанида биринчи тезкор чоралар ҳақида билимга эга эмаслиги эса бундан-да ёмон.

Ўтган йилнинг 11 ойи давомида Юнусобод туманида 219 та ёнғин келиб чиқди. Улар электр ускуналаридан нотўғри фойдаланиш (39 та ҳолат), печларни қуриш ҳамда ишлатиш (20 та), транспорт воситаларидан нотўғри фойдаланиш (7 та) ни ўз ичига олади. Энг кўп ёнғин очиқ ҳудудларда келиб чиққан бўлиб, улар сони 128 тани ташкил этади. Ёнғинларга хазонлар устига тамаки ташлаш, тез ёнувчан маҳсулотлар сақланадиган ҳудудлардан эҳтиётсизлик билан фойдаланиш каби ҳолатлар ҳам сабаб бўлган. Масалан, Ғайратий, Учқаҳрамон, Отчопар-2 ва Исломобод маҳаллаларида қуриган ўт-ўланлар ва хазонлардан ёнғин келиб чиққан. Маҳалла, кўча ва кўп қаватли уйлар олдида йиғилиб қолган турли чиқинди, шох-шабба, қуриган ўт ва хазонларни ўз вақтида олиб чиқиб кетмагани учун Юнусобод тумани Ободонлаштириш бошқармасига жиддий огоҳлантириш берилди.

Ходимларимиз ҳар бир маҳалладаги участка инспектори билан бирга уйма-уй юриб хонадонларнинг ёнғин хавфсизлиги ҳолати ва аҳолининг ёнғин чиққанда тезкор тадбир кўриш қоидалари билан танишлигини назорат қилмоқда.

Ҳафтанинг ҳар чоршанба куни «Ёнғинлар профилактикаси куни» деб белгиланган ҳолда Юнусобод туманидаги хонадонларни ўргандик. Аҳолининг бу борадаги тайёргарлигини қониқарли деб бўлмайди. Усти очиқ электр симлари, ностандарт ва хавфли иситиш плиталари, газ печидан нотўғри фойдаланиш каби ҳолатлар кўп учрамоқда. Тахминан етмиш фоиз одам оддий қоидаларни, масалан, бирламчи ёнғин ўчириш воситаларини сақлаш ва ундан қандай фойдаланишни билмайди.

Шу боис Ёнғин хавфсизлиги ходимлари ҳар бир хонадон, ташкилотга кириб, хавфсизлик ҳолатини текширяпти, қоидалар тушунтириляпти.

 

Шавкат ИБРАГИМОВ,

Юнусобод туман ИИБ Ёнғин хавфсизлиги бўлими бошлиғи, подполковник




Ўхшаш мақолалар

Оқибат

Оқибат

🕔17:46, 11.10.2018 ✔36

«Бошлиқ ҳозир сиз билан боғлана олмас экан, гапингиз бўлса ўринбосарига мурожаат қилишингиз мумкин...»

Батафсил
«Телевизорни ишхонангизга опкетинг!»

«Телевизорни ишхонангизга опкетинг!»

🕔17:46, 11.10.2018 ✔34

Шом вақти. Эндигина беш ёшга тўлган Лола онаси билан ўйнагиси келиб қолди.

Батафсил
Биздан нима қолади?

Биздан нима қолади?

🕔11:33, 04.10.2018 ✔58

Кўчага ўрнатилган жўмраклар ёхуд дуога олиб келинган сув қадри.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар