Инсон ўзинг      Бош саҳифа

БЕГОНА ШАМОЛ

Бир куни мактабимизга чиройли ва дид билан кийинган янги муаллим келди. Айтишларича, чет элдаги нуфузли университетларнинг бирида ўқиган экан.

БЕГОНА ШАМОЛ

У бизга ҳам инглиз тилидан дарс бера бошлади. Билими кучлилиги бутун дарс давомида инглиз тилида гапиришидан ҳам сезилиб турарди. Аммо синфдагилар учун унинг дарси эмас, бошқа ўқитувчиларга ўхшамайдиган томонлари қизиқ эди.

Айрим қизлар мода деб атайдиган калта юбка, елкаси очиқ кийиму антиқа соч турмаги кўпчиликнинг эътиборини тортар, синфга кирди дегунча ўқувчилар дарсни тинглаш ўрнига унинг кийими-ю пардозини томоша қилиб ўтиришарди. Айниқса, дугоналарим унга маҳлиё бўлиб, хаёлда ўзларини мана шу қиёфада тасаввур қилишарди.

Бу енгил-елпи ҳавас уларда ҳам худди шундай кўриниш ясади, Гулноза опага тақлид қилиш авжга чиқди. Бири уникига ўхшаш сумка кўтарса, яна бири баланд пошнали туфлида келадиган бўлди. Раъно тирноқларини ўстириб, турли рангга бўяса, Наргиза сочини сариқ қиламан, деб онаси билан жанжаллашиб қолди. Ўғил болалар ҳам дарс давомида устозни таърифу мақтовлар билан сийлаб, берган топшириқларини бажариш ўрнига ҳазил-мутойиба қилиб ўтирадиган бўлишди. Шундай қилиб, янги ўқитувчимиз олиб келган шамол барчамизга қўниб, турли манзилларга йўналтира бошлади. Синфдаги муҳит тамомила ўзгарди. Бироқ бу узоққа чўзилмади.

Боласидаги салбий ўзгаришларни сезган ота-оналар мактабимизга арз қилиб келди. Директор ҳам бунинг сабабини тезда аниқлаб, улардан узр сўради ва бошқа бу ҳол қайтарилмаслигига сўз берди. У Гулоноза опани хонасига чақириб, услубини ўзгартириб, болаларга дарс ўтиш ёки бошқа жойдан иш излаш шартини қўйди. Ўқитувчи шахсиятини эмас, балки билимини болаларга сингдириши кераклигини тушунтирди...

Барча эртанги дарсни кута бошлади. Ҳаммамиз устоз иккинчи усулни маъқул кўради, бошқа мактабга кетиб қолади, деб ўйлагандик. Аммо…

Ўқитувчимиз умуман ўзгариб дарсга келди… У болаларга билим беришни ҳар қандай орзу-ҳавасдан устун қўйганди.

 

Дурдона САФАРОВА




Ўхшаш мақолалар

Ростгўйлар

Ростгўйлар

🕔17:38, 11.10.2018 ✔113

Раҳбар деганлари бу даражада ростгўй бўлмаслиги керак-да. Эса ходимларининг ҳолига вой деяверинг.

Батафсил
Почта мудири билан суҳбатим

Почта мудири билан суҳбатим

🕔11:18, 04.10.2018 ✔41

Антон ЧЕХОВ

Почтмейстердан бир сўм солинган пакетни олатуриб:

Батафсил
Бир бурда нон

Бир бурда нон

🕔11:17, 04.10.2018 ✔39

Умрининг сўнгги куни қазоси кўзига қир бўлиб кўринган дам кекса генерал ўғлини ёнига чақирди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Ростгўйлар

    Ростгўйлар

    Раҳбар деганлари бу даражада ростгўй бўлмаслиги керак-да. Эса ходимларининг ҳолига вой деяверинг.

    ✔ 113    🕔 17:38, 11.10.2018
  • Почта мудири билан суҳбатим

    Почта мудири билан суҳбатим

    Антон ЧЕХОВ

    Почтмейстердан бир сўм солинган пакетни олатуриб:

    ✔ 41    🕔 11:18, 04.10.2018
  • Бир бурда нон

    Бир бурда нон

    Умрининг сўнгги куни қазоси кўзига қир бўлиб кўринган дам кекса генерал ўғлини ёнига чақирди.

    ✔ 39    🕔 11:17, 04.10.2018
  • Олча гуллаган кун

    Олча гуллаган кун

    Қобил ота бомдод намозини ўқиб бўлгач, аёлининг ҳаққига узоқ дуо қилди. Жойнамоздан оҳиста қўзғалар экан, деразадан ҳовлига мўралади.

    ✔ 67    🕔 11:38, 20.09.2018
  • Ҳаёт бу — саёҳат

    Ҳаёт бу — саёҳат

    «Кутиш хонасида ўтирганимда шифокорнинг онамга секин пичирлаётганини кўрдим. Тахминимча, у қон таҳлилимнинг натижалари ҳақида сўзлаётган эди. Бир ҳафта ичида бу ерга учинчи марта келишим эди ва мен ҳам асабийлашар, ҳам қўрқардим. Мен ўйлаган нарса содир бўлгандек эди...»

    ✔ 67    🕔 11:37, 20.09.2018
Ҳаммасини кўриш 

Фойдали манбаалар