Аниқ саволга аниқ жавоб      Бош саҳифа

ҲАММА БОЛА  БОҒЧАГА БОРАДИ…МИ?

Маълумотларга кўра, бугунги кунда пойтахтимизда жами 632 та мактабгача таълим муассасаси фаолият юритади. Уларнинг 447 таси Тошкент шаҳар мактабгача таълим бош бошқармаси тасарруфида, 185 таси эса хусусийдир. Боғча ёшидаги болалар (3-6 ёш) сони 190 минг нафардан ортиқни ташкил этиб, шундан 69 мингга яқини боғчага қамраб олинмаган.

ҲАММА БОЛА  БОҒЧАГА БОРАДИ…МИ?

Нима учун деган саволга жавоб оддий: бунинг сабаби, биринчи навбатда, боғча етишмаслиги бўлса, иккинчидан, тарбия муассасаларининг ҳаммасида ҳам шароит яхши эмас. Хўш, Президентимиз ташаббуси билан ташкил этилган Мактабгача таълим вазирлиги соҳадаги мавжуд муаммо ва камчиликларни қай тарзда бартараф этади? Бундан буён боғча ёшидаги болаларнинг ҳаммаси ҳам мактабгача таълим муассасасига қамраб олинадими?

— Президентимизнинг вазирликка юклаган вазифаларидан келиб чиқиб, Тошкент шаҳар ҳокимининг пойтахтда «Мактабгача таълим муассасалари фаолиятини тубдан такомиллаштириш тўғрисида»ги қарори қабул қилинди, — дейди  Тошкент шаҳар Мактабгача таълим бош бошқармаси бошлиғи Насиба МАВЛОНОВА. — Унга кўра, жорий йилда пойтахтимизда 420 дан ортиқ кўп қаватли уй қурилади. Ушбу уйларнинг 220 таси тадбиркорлар томонидан, 200 таси эса Президентимизнинг тегишли қарори асосида янги қуриладиган кўп қаватли уйлар ҳисобланади. Тадбиркорлар қурадиган уйларнинг биринчи ва иккинчи қаватида 80 ўринли, кичик ҳажмдаги хусусий болалар боғчалари ташкил этилади.

Бундан ташқари, 447 та давлат боғчасининг 61 таси қайта таъмирланади. Бунинг ҳисобига қўшимча равишда 5,5 минг нафардан ортиқ бола боғчага жалб этилади. Натижада жорий йилда 53 мингта, 2019 йилга келиб 16 мингта, жами 69 минг нафар 3 ёшдан 6 ёшгача бўлган бола мактабгача таълим муассасаларига қамраб олинади.

— Пастки қаватда барпо этиладиган боғчалар шу уйда яшайдиган аҳолига ноқулайлик келтириб чиқармайдими?

— Кўп қаватли уйларнинг пастида ташкил этилаётган боғчаларнинг кириш йўлаклари аҳолиники билан кесишмайди, — дейди Тошкент шаҳар бош архитектори Асомиддин ТОЖИЕВ. — Уларга кириш эшиклари олд тарафда бўлади. Орқа тарафда эса махсус ўйингоҳ ташкил этилади. Бундай боғча ота-оналарга жуда қулай. Фарзанди ташқарида ўйнаётганда кузата олади, ичкарида бўлганда эса бемалол кириб кўриши мумкин.

— Шундай бўлса ҳам, боғча учун алоҳида бино қуриш мақсадга мувофиқ эмасми?

— Ҳозир Тошкент шаҳрида бўш ер кам. Қолаверса, очиқ ерда боғча қуриш учун жуда кўп вақт ва катта маблағ сарфланади. Шуларни инобатга олиб, шу йўналиш танланди. Бунинг энг асосий қулайликлари шундаки, алоҳида сув, газ, электр, ерости қувурлари кабилар бўйича муаммо бўлмайди.

Шу ўринда бир муҳим гапни ҳам айтиб ўтишим керак: аҳоли орасида қўшимча уйи бор одамлар кўп. Улар яшамаётган ҳовли уйларида агар истаса, хусусий боғча ташкил этиши мумкин. Фақат бунинг учун ўша уйни мактабгача таълим муассасаси талабларига жавоб берадиган даражада жиҳозласа кифоя. Бундан ташқари, эндиликда тегишли туман ҳокимлигининг қарори билан фақат боғча қуриш мақсадида ер олишга ҳам рухсат берилади.    

— Битта боғча неча нафар болага мўлжалланган? 

— Кўп қаватли уйларда барпо этиладиган боғчалар 50-80, тадбиркорларники эса 70-180 ўрингача бўлади.

— Ҳар бир ота-она фарзандини юқори малакали тарбиячилари бор боғчага беришни истайди. Шундай экан, янги ташкил этиладиган мактабгача таълим муассасаларида кадрлар масаласи қандай ҳал этилади?

— Кадрлар масаласи ҳам тизимли равишда ташкил этилади, — дейди              Н.Мавлонова. — Хусусан, Низомий номидаги Тошкент давлат педагогика университетининг битирувчи талабалари билан икки томонлама шартнома тузилади. Бундан ташқари, педагогика коллежларини тамомлаётган, ўрта-махсус маълумотга эга 400 дан ортиқ битирувчи ҳам ёрдамчи тарбиячиликка ишга олинади. Қисқаси, янги боғчаларни малакали кадрлар билан таъминлаш борасидаги ишлар ҳозирданоқ бошланган.

— Хусусий боғчалардаги ойлик тўлов давлатникидан фарқ қиладими?

— Албатта. Бунда боғчанинг шарт-шароити ва имкониятлари инобатга олинади. Бироқ бу — тадбиркор истаган нархни қўйиши мумкин дегани эмас. Хусусий боғча қураётган тадбиркорга  бир қатор имтиёзлар тақдим этаётгани боис, боғча пули аҳоли учун ҳамёнбоп этиб белгиланишини давлат ўз назоратига олади.    

 

Ғуломжон МИРАҲМЕДОВ,

«Оила даврасида» мухбири




Ўхшаш мақолалар

Болани боғчадан ким олади?

Болани боғчадан ким олади?

🕔11:40, 09.08.2018 ✔25

Боғчада болани ота-онадан ташқари яна кимлар олиб кетиши мумкин? Боғча ходими ўзини қариндоши сифатида таништирган ва аввал кўрмаган фуқарога тарбияланувчини олиб кетишига рухсат бериши мумкинми?

Батафсил
Ер майдонининг геопортали яратилади

Ер майдонининг геопортали яратилади

🕔11:38, 09.08.2018 ✔27

Аҳоли кўпайгани сари уй-жой, озиқ-овқат, ер масаласи долзарб муаммога айланади. Бу эса, ўз навбатида, бўш ерлардан самарали ва оқилона фойдаланишни талаб этади. Хўш, бу борада бугун мамлакатимизда қандай муаммолар мавжуд? Уларни бартараф этиш учун зарур чоралар кўриляптими?

Батафсил
Тест натижасидан норозимисиз?

Тест натижасидан норозимисиз?

🕔11:33, 09.08.2018 ✔29

Ўғлим 4 балл етмасдан Жаҳон иқтисодиёти ва дипломатия университетига  ўқишга кира олмади. У ечган жавобларининг тўғрилигига ишонмоқда. Бунга қандай ишонч ҳосил қилиш мумкин? Апелляция масаласида қаерга ва қандай мурожаат қилинади?

Барно РАВШАНОВА, 

Бахмал тумани

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Болани боғчадан ким олади?

    Болани боғчадан ким олади?

    Боғчада болани ота-онадан ташқари яна кимлар олиб кетиши мумкин? Боғча ходими ўзини қариндоши сифатида таништирган ва аввал кўрмаган фуқарога тарбияланувчини олиб кетишига рухсат бериши мумкинми?

    ✔ 25    🕔 11:40, 09.08.2018
  • Ер майдонининг геопортали яратилади

    Ер майдонининг геопортали яратилади

    Аҳоли кўпайгани сари уй-жой, озиқ-овқат, ер масаласи долзарб муаммога айланади. Бу эса, ўз навбатида, бўш ерлардан самарали ва оқилона фойдаланишни талаб этади. Хўш, бу борада бугун мамлакатимизда қандай муаммолар мавжуд? Уларни бартараф этиш учун зарур чоралар кўриляптими?

    ✔ 27    🕔 11:38, 09.08.2018
  • Тест натижасидан норозимисиз?

    Тест натижасидан норозимисиз?

    Ўғлим 4 балл етмасдан Жаҳон иқтисодиёти ва дипломатия университетига  ўқишга кира олмади. У ечган жавобларининг тўғрилигига ишонмоқда. Бунга қандай ишонч ҳосил қилиш мумкин? Апелляция масаласида қаерга ва қандай мурожаат қилинади?

    Барно РАВШАНОВА, 

    Бахмал тумани

    ✔ 29    🕔 11:33, 09.08.2018
  • Хорижда ўқишни хоҳлайсизми?

    Хорижда ўқишни хоҳлайсизми?

    Тошкент ирригация ва қишлоқ хўжалигини механизациялаш муҳандислари институти ҳамда Тошкент давлат аграр университетига 2018/2019 ўқув йили учун магистратурага қўшимча квоталар ажратилди.

    ✔ 23    🕔 11:32, 09.08.2018
  • Абитуриентларга яна бир имконият

    Абитуриентларга яна бир имконият

    Биринчи хусусий ОТМ ҳужжатлар қабул қилишни бошлади.

    ✔ 25    🕔 11:32, 09.08.2018
Ҳаммасини кўриш 

Фойдали манбаалар