Давр нафаси      Бош саҳифа

КИЧИК МУДДАТДАГИ КАТТА ИШЛАР

халқ манфаатига хизмат қила бошлади

Президентимиз 2017 йил 27 апрель куни Жиззах вилоятига ташрифи чоғида ҳудудни ижтимоий-иқтисодий ривожлантириш, туман ва шаҳарларда кенг кўламли бунёдкорлик ва ободонлаштириш ишларини амалга ошириш бўйича вазифа ва топшириқлар берган эди. Бугунги кунда ишга туширилган корхоналар, янги ижтимоий иншоотлар, давом этаётган қурилишлар ана шу вазифалар ижроси доирасида амалга оширилмоқда.

Президентимиз вилоятга ташрифи чоғида тамал тошини қўйиб берган Зафаробод туманидаги нефтни қайта ишлаш мажмуаси қурилиши нафақат мамлакатимиз, балки Марказий Осиё минтақаси ҳаётида ҳам катта воқеа бўлди. Лойиҳа қиймати 2,2 миллиард доллар бўлган ушбу корхонада йилига 5 миллион тонна нефть қайта ишланиб, «Евро – 5» стандартидаги юқори сифатли мотор ва авиация ёнилғиси, бензол, мазут, битум ва бошқа бир неча турдаги маҳсулотлар олинади.

Айни пайтда янги нефтни қайта ишлаш мажмуаси ўзининг геосиёсий аҳамияти бўйича ўта муҳим қурилиш сифатида хорижий оммавий ахборот воситаларида ҳам эътироф этилмоқда.

Мутахассислар ҳисоб-китобига кўра, корхона саноат усулида ишга туширилгандан сўнг бу ерда 2 мингта иш ўрни яратилади. Маълумки, нефть-кимё тармоғидаги ҳар бир иш ўрни тармоқ билан боғлиқ бўлган бошқа соҳаларда ҳам яна бир неча янги иш жойларини яратади. Шу жиҳатлар ҳисобга олиниб, корхона ишга тушиши билан 16 мингдан ортиқ юқори даромадли янги иш ўрни пайдо бўлиши мўлжалланмоқда.

Айни пайтда корхонада қурилиш ишлари қизғин олиб борилаётир. Корхона асосини барпо этиш билан бир вақтда ишчилар учун уй-жой қурилиши ҳам бошланди. Чунки экологик талаблардан келиб чиқиб аҳоли манзилларидан олисда, чўл ҳудудида йирик иншоот бунёд этишда биринчи навбатда ишчилар учун турар жойлар зарур.

— Жиззах ахборот технологиялари касб-ҳунар коллежини битирганимдан сўнг ишсиз эдим, — дейди Бекзод Ашурматов. — Президентимизнинг ўтган йили вилоятимизда янги завод қурилишига биринчи ғишт қўйганини эшитиб, бу ерга келганман. Ҳозирча қурилишда ишлаяпман. Завод битса, биринчи навбатда, мутахассислар қабул қилинар экан. Мамлакатимизнинг шундай гигант корхонаси қурилиши бошланган кундан иштирок этаётганимдан мамнунман.

Ўтган йили қурилиши бошланган «Uzbekistan Peugeot Citroen Automotive» заводида умумий қиймати 133,3 миллион евро бўлган мазкур лойиҳа доирасида йилига 16 минг «Peugeot Expert» ва «Peugeot Boxer» русумидаги экспортбоп тижорат автомобиллари ишлаб чиқариш кўзда тутилган. Шу кунларда завод қурилиши учун «Жиззах» эркин иқтисодий зонаси ҳудудидан ажратилган 45 гектарли ерда иш қизғин. Инвестиция лойиҳаси доирасида корхонанинг қурилиш-монтаж ишлари жорий йил май ойига қадар амалга оширилади, 2019 йилда маҳсулот ишлаб чиқаришни бошлайди.

Бу заводнинг ишга туширилиши ҳам тармоқдаги бошқа корхоналарда иш ҳажмининг ошишига олиб келади. Корхона иш бошлаган биринчи йилдан бошлаб автомобиль бутловчи қисмлар ишлаб чиқарувчи «Ўзавтосаноат» акциядорлик жамияти тизимидаги 30 га яқин йирик ва 160 дан зиёд ўрта ва кичик корхоналарни жалб этиш йўли билан камида 50 фоиз маҳаллийлаштириш даражасини таъминлаш режалаштирилган. Янги корхонада 600 дан зиёд иш ўрни яратилади.

Фориш туманида амалга оширилган яна бир лойиҳа — «Farish agro valley» масъулияти чекланган жамиятида минг бош наслли эчки боқишга мўлжалланган замонавий ферма қурилиши ҳам ҳудуд учун ғоят муҳим аҳамиятга эга эканини таъкидлаш лозим. Лойиҳани амалга ошириш учун 11,5 миллиард сўм сарфланади.

— Мамлакатимизда ҳудуди жиҳатидан энг йирик туманлардан бири бўлган Форишда яқин йилларгача бирорта йирик корхона йўқлиги иқтисодиётни ривожлантириш, айниқса, аҳоли бандлигини таъминлашда жиддий муаммо бўлиб келаётган эди, — дейди меҳнат фахрийси Эркин Қозоқов. — Чекка туманда кейинги бир йилда 2 йирик, 10 дан зиёд ўрта ва кичик ишлаб чиқариш корхонаси қурилиб, ишга туширилди. Бу корхоналарда бизнинг ўғил-қизларимиз ишламоқда. Бир йилда ҳайратланарли ишлар амалга оширилди. Уларни бир айланиб кўриш у ёқда турсин, ҳатто шунчаки санаб чиқишнинг ўзига ҳам анча вақтингиз кетади. Президентимиз ташаббуси билан амалга оширилаётган бу каби ишлар халқимиз турмушини янада яхшилашга хизмат қилаётир.

Булар Президентимизнинг вилоятга ташрифи давомида берган кўрсатмалари асосида амалга оширилган йирик лойиҳалардан айримлари, холос.

 

Тошқул БЕКНАЗАРОВ,

ЎзА




Ўхшаш мақолалар

БИЗНЕСГА ХАЛАЛ БЕРМАСЛИК

БИЗНЕСГА ХАЛАЛ БЕРМАСЛИК

🕔15:22, 16.02.2018 ✔10

катта натижа кафолатидир

Президент Шавкат Мирзиёев юритаётган сиёсат Ўзбекистон иқтисодиётини либераллаштиришга қаратилган. Зеро, фақат эркин иқтисодиёт ва рақобат орқалигина товарлар сифати яхшиланади, нархлар арзонлашади ва халқнинг турмуш даражаси ошади.

Батафсил
АЁЛЛАРНИ БАХТЛИ,  ОИЛАЛАРНИ МУСТАҲКАМ ҚИЛИШДА МУҲИМ ҚАДАМ

АЁЛЛАРНИ БАХТЛИ, ОИЛАЛАРНИ МУСТАҲКАМ ҚИЛИШДА МУҲИМ ҚАДАМ

🕔11:04, 09.02.2018 ✔46

Мамлакатимизда хотин-қизларни ҳар томонлама қўллаб-қувватлаш, оилаларда маънавий-ахлоқий муҳитни мустаҳкамлаш ва соғломлаштиришнинг самарали механизмини яратиш ҳар доимгидан ҳам муҳимроқ аҳамият касб этяпти.

Батафсил
ЎЗИМИЗНИНГ «ХЎРОЗҚАНД»

ЎЗИМИЗНИНГ «ХЎРОЗҚАНД»

🕔11:04, 09.02.2018 ✔52

Фармацевтика соҳасида қачон қадоқлашдан ишлаб чиқаришга ўтамиз?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • БИЗНЕСГА ХАЛАЛ БЕРМАСЛИК

    БИЗНЕСГА ХАЛАЛ БЕРМАСЛИК

    катта натижа кафолатидир

    Президент Шавкат Мирзиёев юритаётган сиёсат Ўзбекистон иқтисодиётини либераллаштиришга қаратилган. Зеро, фақат эркин иқтисодиёт ва рақобат орқалигина товарлар сифати яхшиланади, нархлар арзонлашади ва халқнинг турмуш даражаси ошади.

    ✔ 10    🕔 15:22, 16.02.2018
  • АЁЛЛАРНИ БАХТЛИ,  ОИЛАЛАРНИ МУСТАҲКАМ ҚИЛИШДА МУҲИМ ҚАДАМ

    АЁЛЛАРНИ БАХТЛИ, ОИЛАЛАРНИ МУСТАҲКАМ ҚИЛИШДА МУҲИМ ҚАДАМ

    Мамлакатимизда хотин-қизларни ҳар томонлама қўллаб-қувватлаш, оилаларда маънавий-ахлоқий муҳитни мустаҳкамлаш ва соғломлаштиришнинг самарали механизмини яратиш ҳар доимгидан ҳам муҳимроқ аҳамият касб этяпти.

    ✔ 46    🕔 11:04, 09.02.2018
  • ЎЗИМИЗНИНГ «ХЎРОЗҚАНД»

    ЎЗИМИЗНИНГ «ХЎРОЗҚАНД»

    Фармацевтика соҳасида қачон қадоқлашдан ишлаб чиқаришга ўтамиз?

    ✔ 52    🕔 11:04, 09.02.2018
  • БУЮК ИНСОНГА БУЮК ЭҲТИРОМ

    БУЮК ИНСОНГА БУЮК ЭҲТИРОМ

    Мамлакатимизда Биринчи Президентимиз, давлат ва сиёсат арбоби, ўзбек халқининг атоқли фарзанди Ислом Каримов таваллудининг 80 йиллиги кенг нишонланди

    ✔ 79    🕔 14:45, 01.02.2018
  • СОЛИҚ ЮКИ ЕНГИЛЛАШЯПТИМИ?

    СОЛИҚ ЮКИ ЕНГИЛЛАШЯПТИМИ?

    Солиқ қонунчилигида қандай ўзгартириш ва янгиликлар бўлди? Тадбиркорларга қандай имтиёзлар берилмоқда? Молк-мулк солиғи ҳақиқатдан ҳам ошдими?

    ✔ 76    🕔 14:44, 01.02.2018
Ҳаммасини кўриш 

Фойдали манбаалар