Даромад манбаи      Бош саҳифа

РЎЗҒОРНИНГ ДОИМИЙ ХАЗИНАСИ

Хонадонларимизда қадимдан қўй ва эчки боқилган. Уларни кўпайтириб, маҳсулот олиб ёки бозорга тирик ҳолда олиб чиқиб, даромад топаётганлар ҳозир ҳам кўплаб топилади. Бу ҳам рўзғорни бут, дастурхонини тўкин, турмушини фаровон қилишда оддий ва осон йўл.

— Эчки хонадонларда сут, гўшт, жун, тивит, териси учун боқилади, — дейди Чорвачилик ва паррандачилик илмий-тадқиқот институти директори, қишлоқ хўжалиги фанлари номзоди Аъзамжон НУРМАТОВ. — Эчкининг ажойиб бир хусусияти бор: жонивор ўзига ўлат, чечак ва сил каби касалликларни юқтирмайди. Сути оқсил ва енгил сингадиган ёққа бой. Унда фойдали моддалар нисбатан кўп.

Эчкиларнинг қайси зотларини боққан маъқул?

— Асосан, «Жайдари» (қора жунли), «Ангор эчкиси», «Заане», «Оренбург» зотлари боқилади. Улар ўртача 9-10 йил (баъзилари 17 йилгача) яшайди. Ундан хўжаликда 7-8 йил фойдаланиш мумкин. Урғочиси 14-18 ойлигида кўпайишга тайёр бўлади. Бўғозлик даври 5 ойга яқин.

Насл қолдириши қандай?

— Хонаки зотларининг аксарияти жуда серпушт бўлади ва жуда тез кўпаяди, ҳар 100 бош урғочи эчкидан 150 дан 250 тагача улоқча олиш мумкин. Агар яхши боқилса, йилига икки марта (айримлари иккитадан) болалайди. Такасининг тирик вазни 60-65 килограммдан 100 килограммгача, урғочилариники 40-60 килограммгача боради. Серсут зотларидан йилига ўртача 450-550 литргача сут соғиб олинади. Такалардан 4-6 килограмм, урғочилардан 3-5 кило­граммдан жун қирқиб олиш мумкин. Сертивит зотларидан ярим килограммдан икки килограммгача тивит тараб олинади. Яхши боқилган катта ёшли эчки 20-28 килограмм гўшт ва 4-6 килограмм ёғ беради.

Эчкилар озуқага талабчан эмас: экин қолдиқлари, сабзавот-полиз чиқиндилари, бута ва дарахт барглари билан ҳам озиқланаверади. Куз ва қиш фаслида ҳар бош эчкига ярим килограмм табиий ўт ва 300-400 грамм ем берилади. Ёз даврида қишлов учун ҳар бош эчки ҳисобига 150-200 килограмм дағал хашак ва 30-40 килограмм концентрат озуқа ғамлаш талаб этилади.

— Қўйлар-чи?

— Ҳозирда хонадонларда қўйларнинг «Жайдари», «Ҳисори», гўштдор-жундор, думбали зотлари ва уларнинг дурагайлари боқилади. Улар яйлов ҳамда қишлоқ шароитига тез мослашувчан. Унумдор яйловларга талабчан эмас, семизлигини тезда йўқотмайди. Урғочилари 15-18 ойлигида она бўлишга тайёр бўлади. Бўғозлик даври 145-155 кун. Улардан йилига битта ёки иккитадан қўзи олинади. Қўчқорларнинг оғирлиги 60-120, совлиқларники 35-90 килограмм атрофида. Жуни йилига икки марта — баҳорда ва кузда қирқилади. Улардан ўртача 1-4 килограмм жун олиш мумкин. Жуни қалин мовут, шолча, гилам тўқиш ва кигиз босишда ишлатилади.

— Парваришлаши қандай бўлади?

— Қўйлар ҳам парваришга инжиқ эмас. Бир бош қўй ҳар куни 200-300 грамм омихта ем, 1 килограмм майдаланган пичан ва сабзавот чиқиндиси, макка силоси, сенаж, сомон ва керагича туз билан боқилади.




Ўхшаш мақолалар

ШИРИН ТАЪМ МАШАҚҚАТИ

ШИРИН ТАЪМ МАШАҚҚАТИ

🕔16:28, 17.05.2018 ✔31

Одамлар орасида: «Унинг таъми ширин, бироқ меҳнати жуда машаққатли», деган гап юради. Бу ўзимиз яхши билган қулупнайдир.

Батафсил
ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

🕔16:28, 17.05.2018 ✔26

Ғиждувон тумани Поскати қишлоғида яшовчи фуқаро ­Жамол Болтаевни ҳудудда қўли гул уста тадбиркор сифатида билишади. У металлдан тайёрлаган турли ҳажмдаги эшик-дарвозалар пишиқ ва чиройлилиги билан харидоргир.

Батафсил
ТОШЛОҚ, УНУМСИЗ ЕРДАН МИЛЛИАРД ДАРОМАД

ТОШЛОҚ, УНУМСИЗ ЕРДАН МИЛЛИАРД ДАРОМАД

🕔19:19, 10.05.2018 ✔81

Юртимизда тошлоқ, қурғоқчил ва унумсиз ердан қандай қилиб самарали фойдаланиш, мўл ҳосил олиш мумкинлигини биласизми? Бундай жойларда пистазорлар барпо этиб, улар ҳосилга киргунга қадар қатор ораларига доривор ўсимликлар экиб, қимматбаҳо хомашё етиштириш мумкин экан. Сурхондарё вилоятида ҳаётга татбиқ этилаётган лойиҳалар бунга мисол бўла олади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • ШИРИН ТАЪМ МАШАҚҚАТИ

    ШИРИН ТАЪМ МАШАҚҚАТИ

    Одамлар орасида: «Унинг таъми ширин, бироқ меҳнати жуда машаққатли», деган гап юради. Бу ўзимиз яхши билган қулупнайдир.

    ✔ 31    🕔 16:28, 17.05.2018
  • ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

    ЖАЗОЛАШДАН ФИКРНИ ЎЗГАРТИРИШ САМАРАЛИРОҚ

    Ғиждувон тумани Поскати қишлоғида яшовчи фуқаро ­Жамол Болтаевни ҳудудда қўли гул уста тадбиркор сифатида билишади. У металлдан тайёрлаган турли ҳажмдаги эшик-дарвозалар пишиқ ва чиройлилиги билан харидоргир.

    ✔ 26    🕔 16:28, 17.05.2018
  • ТОШЛОҚ, УНУМСИЗ ЕРДАН МИЛЛИАРД ДАРОМАД

    ТОШЛОҚ, УНУМСИЗ ЕРДАН МИЛЛИАРД ДАРОМАД

    Юртимизда тошлоқ, қурғоқчил ва унумсиз ердан қандай қилиб самарали фойдаланиш, мўл ҳосил олиш мумкинлигини биласизми? Бундай жойларда пистазорлар барпо этиб, улар ҳосилга киргунга қадар қатор ораларига доривор ўсимликлар экиб, қимматбаҳо хомашё етиштириш мумкин экан. Сурхондарё вилоятида ҳаётга татбиқ этилаётган лойиҳалар бунга мисол бўла олади.

    ✔ 81    🕔 19:19, 10.05.2018
  • «НООДАТИЙ ЕЧИМ»НИ СИНГДИРИШ ҚИЙИНРОҚ АСЛИДА

    «НООДАТИЙ ЕЧИМ»НИ СИНГДИРИШ ҚИЙИНРОҚ АСЛИДА

    Ғиждувонлик коллеж ўқувчиси мини-трактор ясади

    Инновацион ғоя атамаси тез-тез қўлланилмоқда. Хўш, тилимизда «но­одатий ечим» маъносини ҳам берадиган инновацион ғоя нима дегани? У ҳаётимизда қандай акс-садо беради, мамлакат тараққиётида қандай роль ўйнайди?

    ✔ 57    🕔 19:19, 10.05.2018
  • ФУНДУК БИЗДА ЎСАДИ, ФАҚАТ БИР НОЗИК ЖИҲАТИ БОР...

    ФУНДУК БИЗДА ЎСАДИ, ФАҚАТ БИР НОЗИК ЖИҲАТИ БОР...

    Сурхондарё вилоятининг тупроқ-иқлим шароитида аксарият қишлоқ хўжалик экинларидан йилига уч мартагача ҳосил олиш мумкинлигини биласизми? Яқиндан бошлаб тоғ ва тоғолди ҳудудлари, ҳосилдорлиги паст ерлар ўзлаштирилиб, янги интенсив технологиялар асосида ёнғоқзорлар ташкил этишга жиддий киришилди. Хўш, ёнғоқ, писта каби кўчатларни ўтқизиш қанчалик даромадли иш? Єилинган меҳнат ўзини оқлайдими?

    ✔ 88    🕔 15:12, 03.05.2018
Ҳаммасини кўриш 

Фойдали манбаалар