Жиноят ва жазо      Бош саҳифа

ЖИНОЯТЧИЛАРНИНГ 75 ФОИЗИ

ишсизлар, ёшлар ва аёллар

Дарахтга урилган болтанинг бир зарби новдадан тортиб илдизгача зирқиратади. Қўлимизга кирган зирапчанинг оғриғи бутун танамизга азоб беради. Худди шундай биргина кишининг жиноятга қўл уриши жамият ҳаётида ҳам беиз кетмайди. Ён-атрофидаги қанча одамларга салбий таъсир кўрсатиши турган гап.

Табиатнинг бу азалий қонунияти ҳар жабҳада ўз аксини топади. Бир кишининг йўл қўйган кичик хатоси ортидан энг камида унинг оила аъзолари, ота-онаси ва фарзандлари жабр кўради. Агар жиноятга қўл урган шахс ҳали вояга етмаган, катта ҳаёт остонасида турган ёш ёки аёл киши бўлса, бунинг алами янада аччиқроқ туюлади.

Шу боис ҳам бугун юртимизда ҳуқуқбузарлик ва жиноятчиликнинг олдини олиш масаласига алоҳида эътибор қаратилмоқда. Агар рақамларга мурожаат қиладиган бўлсак, 2017 йилда содир этилган жиноятлар сони аввалги йилга нисбатан 14 фоизга камайишига эришилди. 

— 2017 йилда қирқ тўрт маротаба профилактика кунлари ўтказилиб, 6 миллондан ортиқ хонадон ўрганиб чиқилди, — дейди ­ИИВ ҲПББ ­бошлиғи­ Абдувоҳид ­ИСМОИЛОВ. — Улардаги мавжуд муаммолар жамоатчилик ташкилотлари билан биргаликда бартараф этилди. Шунингдек, 89 минг 243 та ҳуқуқбузарлик аниқланиб, қонунчиликда белгиланган тартибда тегишли чоралар кўрилди. 13 минг 945 нафар ҳуқуқбузар шахслар тузалиш йўлига қайтарилишига эришилди. 13 минг 200 тадан зиёд оилалар ажримининг олди олинди. 

Ички ишлар вазирлиги маълумотига кўра, жиноятчиларнинг 75 фоизи ишсизлар, ёшлар ва аёллар. Бундан кўриниб турибдики, муаммога ечим топиш учун ишсизларни ишга жойлаштириш, оғир турмуш тарзида ҳаёт кечираётган аёлларнинг муаммосини ҳал қилиш, уюшмаган йигит-қизларни Ёшлар иттифоқининг турли лойиҳаларига жалб қилиш зарур.

— Бир аёлнинг ортида оиласи, фарзандлари туради. Улар ўртасидаги жиноятчиликнинг олдини олиш мақсадида ички ишлар вазирлиги билан меморандум имзоладик, — дейди Ўзбекистон Хотин-қизлар қўмитаси раиси ўринбосари Гулнора ­Маърупова — 23 мингдан ортиқ оилаларга алимент тўловлари ундириб берилди. 22 минг 958 та оилавий ажрим ҳолатлари қайд этилди. Бу ўтган йилдагидан анча кам. Ҳозирда нотинч оилалар ва жиноятга мойиллиги бор аёллар муаммоларига ечим топишда манзилли ишлар олиб бориляпти. Оғир турмуш кечираётган аёллар бандлигини таъминлашга ҳаракат қиляпмиз.

Халқнинг турмуш шароитини янада яхшилаш, оилалар фаровонлигини таъминлаш юрт равнақининг энг бирламчи омили саналади. Бунга эришиш учун эса, аввало, хонадонларга кириб бориш, уларни қийнаётган муаммоларни ўрганиш ва унга ечим топиш зарур. Айниқса, аҳоли бандлигини таъминлаш ҳуқуқбузарлик ва жиноятчиликнинг олдини олишда жуда муҳим.

 

Шаҳноза ШОЖАЛИЛОВА




Ўхшаш мақолалар

Баднафслик тузоғи

Баднафслик тузоғи

🕔11:42, 06.09.2018 ✔62

Ўз нафсини Ватан мудофаасидан устун қўйганлар қилмиши.

Батафсил
Кечириляпти, аммо тузалмаяпти. Нега?

Кечириляпти, аммо тузалмаяпти. Нега?

🕔11:41, 06.09.2018 ✔48

Ҳатто аёли ва фарзандини ҳам ўйламайди...

Батафсил
Уйдирмаларни ким айтяптию ким тарқатяпти?

Уйдирмаларни ким айтяптию ким тарқатяпти?

🕔10:57, 24.08.2018 ✔83

Минг бир чиғириқдан ўтказилиб айтилган гап ҳақиқатми?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар