Давр нафаси      Бош саҳифа

ҲАММАСИ ИНСОН УЧУН

Биз бунга қўшиламиз

«Биз қатъий ишонамиз, Бирлашган Миллатлар Ташкилоти бундан кейин ҳам халқаро муносабатларда ҳал қилувчи ўрин тутади».

Шавкат МИРЗИЁЕВ,

Ўзбекистон Республикаси Президенти

(БМТ Бош Ассамблеясининг 72-сессиясидаги нутқидан)

ҲАММАСИ ИНСОН УЧУН

 

1992 йил 2 март.

Бу сана мустақил Ўзбекистон тарихига ўзига хос ва ҳал қилувчи тарихий воқеа тарзида муҳрланди. Юртимиз эркин ва бошқалар билан тенг ҳуқуқли давлат сифатида эътироф этилиб, Бирлашган Миллатлар Ташкилотига аъзо бўлди.

Ўтган йигирма олти йил давомида ҳар томонлама манфаатли ҳамкорликнинг ижобий самараси ҳар бир юртдошимизнинг ҳаётида ўз аксини топмоқда. БМТ минбарида янграган ҳар бир нутқ,  аввало, инсоннинг тўлақонли ҳаёт кечириши учун қулай шароитлар яратиш, ҳуқуқ ва эркинликларини муҳофаза қилиш, манфаатларини ҳимоя этишга қаратилган. Мазкур ташкилотга аъзо давлатларнинг барчаси шу ягона ва умумбашарий мақсад йўлида ҳаммаслак бўлиб, ҳамкорликда фаолият юритмоқда.

Бугун Ўзбекистонда БМТнинг бир қанча нуфузли органлари — Тараққиёт дастури, Таълим, фан ва маданият масалалари бўйича ташкилоти, Аҳолишунослик жамғармаси, Болалар жамғармаси, Жаҳон соғлиқни сақлаш ташкилоти, Озиқ-овқат ва қишлоқ хўжалиги ташкилоти, Гиёҳванд моддалар ва жиноятчиликка қарши курашиш бўйича бошқармаси, ОИВ/ОИТС бўйича бирлашган дастури ва бошқа тузилмалари ваколатхоналари фаолият олиб боряпти. Бу эса ўзаро яқин ҳамкорлик самарадорлигини оширишда муҳим аҳамият касб этмоқда.

Халқаро кузатувчиларнинг эътироф этишича, охирги бир йил ичида БМТ ва Ўзбекистон муносабатлари янги босқичга қадам қўйди. Буни ўтган йил давомида Бирлашган Миллатлар Ташкилоти Инсон ҳуқуқлари бўйича Олий комиссари бошқармаси делегацияси ҳамда ташкилотнинг дин ва эътиқод эркинлиги масаласи бўйича махсус маърузачисининг ташрифи, Самарқанд шаҳрида БМТ шафелигида ўтказилган «Марказий Осиё: ягона тарих ва умумий келажак, барқарор ривожланиш ва тараққиёт йўлидаги ҳамкорлик» мавзуидаги халқаро анжуман, шунингдек, ташкилот Бош котиби Антониу Гутерришнинг мамлакатимизга тарихий ташрифи мисолида ҳам кўриш мумкин.

Ўзбекистон Президенти Шавкат Мирзиёевнинг ўтган йил сентябрь ойида БМТ Бош Ассамблеяси 72-сессиясида иштироки ва нутқи ўзаро ҳамкорликнинг янги босқичига яна бир мустаҳкам асос бўлди. Президентимизнинг мазкур нутқидаги «Сайёрамизнинг эртанги куни, фаровонлиги фарзандларимиз қандай инсон бўлиб камолга етиши билан боғлиқ. Бизнинг асосий вазифамиз — ёшларнинг ўз салоҳиятини намоён қилиши учун зарур шароитлар яратиш, зўравонлик ғояси «вируси» тарқалишининг олдини олишдир», деган жумлалар дунёдаги кўпгина давлатлар БМТ каби нуфузли халқаро ташкилот негизида олиб бораётган ҳамкорликнинг асл мақсадларидан бирини яққол ифода этди. Шунингдек, «Биз Марказий Осиё мамлакатлари билан ҳеч истисносиз барча масалалар бўйича оқилона муроса асосида ҳамкорлик қилишга тайёрмиз. Биргаликдаги саъй-ҳаракатларимиз туфайли кейинги ойларда минтақамизда сиёсий ишонч даражаси сезиларли даражада ошди. Кўплаб масалалар бўйича принципиал жиҳатдан муҳим ечимлар топишга эришилди. Тинч-осойишта, иқтисодий жиҳатдан тараққий этган Марказий Осиё — биз интиладиган энг муҳим мақсад ва асосий вазифадир», дея Ўзбекистоннинг нафақат минтақа, балки жаҳон ҳамжамияти олдидаги мустаҳкам позициясини ифода қилди давлатимиз раҳбари.

Бугун юртимизда ҳаммамиз гувоҳи бўлиб турган ўзгаришлар, янгиланишлар БМТга аъзо бўлган бошқа давлатлар қаторидан кам бўлмай, энг эзгу умумбашарий ғоя ва қадриятларни қўллаб-қувватлаётганимизнинг кичик бир кўриниши. Йиллар давомида тараққиётимизга тўғаноқ бўлиб келаётган баъзи бир иллатларнинг туб илдизига нисбатан муросасиз курашга киришганимиз ҳам БМТ минбарида илгари сурилаётган ҳар бир инсонпарварлик ғоясининг биз учун муҳим ва қадрли эканидан далолатдир. 

 

Дилмурод СОБИРОВ,

Андижон давлат университети ўқитувчиси




Ўхшаш мақолалар

Япон олимининг ўзбекларга совғаси

Япон олимининг ўзбекларга совғаси

🕔11:57, 07.03.2019 ✔57

Бирон юртдошимиз бошқа бир давлатга меҳмон бўлиб борса, мезбонга муносиб совға сифатида нима олиб боради?
Албатта, ўзбекча тўн билан дўппи. Аёл кишига Марғилон атласи ёки юртимизнинг тарихий рамзи туширилган бирон эсдалик буюм бўлиши ҳам мумкин. Жиллақурса, мозорбости қилиб иккита Самарқанд нони кўтариб боради.

Батафсил
«Сирдарё тажрибаси»:  МУҲИМ ЖИҲАТ НИМАДА?

«Сирдарё тажрибаси»: МУҲИМ ЖИҲАТ НИМАДА?

🕔16:20, 22.02.2019 ✔81

Президент Шавкат Мирзиёев 19 февраль куни Сирдарё вилоятига ташрифи давомида Гулистон шаҳрининг «Буюк келажак» мавзесида қурилган уйлар, янги қурилиш жараёни билан танишди, дея хабар берди ЎзА.
 

Батафсил
«Уйингиз бузиляпти экан... Нима муаммо?»

«Уйингиз бузиляпти экан... Нима муаммо?»

🕔21:17, 13.02.2019 ✔121

Зарқайнар 7-берк кўчаси 4-А уйда истиқомат қилаётган Дилмурод Мансуров муаммоси ҳал бўлмаётган кишилардан. 

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Япон олимининг ўзбекларга совғаси

    Япон олимининг ўзбекларга совғаси

    Бирон юртдошимиз бошқа бир давлатга меҳмон бўлиб борса, мезбонга муносиб совға сифатида нима олиб боради?
    Албатта, ўзбекча тўн билан дўппи. Аёл кишига Марғилон атласи ёки юртимизнинг тарихий рамзи туширилган бирон эсдалик буюм бўлиши ҳам мумкин. Жиллақурса, мозорбости қилиб иккита Самарқанд нони кўтариб боради.

    ✔ 57    🕔 11:57, 07.03.2019
  • «Сирдарё тажрибаси»:  МУҲИМ ЖИҲАТ НИМАДА?

    «Сирдарё тажрибаси»: МУҲИМ ЖИҲАТ НИМАДА?

    Президент Шавкат Мирзиёев 19 февраль куни Сирдарё вилоятига ташрифи давомида Гулистон шаҳрининг «Буюк келажак» мавзесида қурилган уйлар, янги қурилиш жараёни билан танишди, дея хабар берди ЎзА.
     

    ✔ 81    🕔 16:20, 22.02.2019
  • «Уйингиз бузиляпти экан... Нима муаммо?»

    «Уйингиз бузиляпти экан... Нима муаммо?»

    Зарқайнар 7-берк кўчаси 4-А уйда истиқомат қилаётган Дилмурод Мансуров муаммоси ҳал бўлмаётган кишилардан. 

    ✔ 121    🕔 21:17, 13.02.2019
  • Биз нимани озиқлантиряпмиз?

    Биз нимани озиқлантиряпмиз?

    Бемор бўлишнинг бир яхши томони бор — ўйлашга, мушоҳада қилишга вақтингиз бемалол бўлар экан. Маълумки, одамзод тана ва руҳ (жон)дан иборат бўлади. 

    ✔ 135    🕔 23:30, 06.02.2019
  • Бир дақиқадан бир соат афзал, нега?

    Бир дақиқадан бир соат афзал, нега?

    Ҳар гал коммунал хизматлар учун тўлов қилгани кассага борганимда бир хил манзарага дуч келаман: одам кўп бўлади. 

     

    ✔ 119    🕔 11:30, 31.01.2019
Ҳаммасини кўриш 

Фойдали манбаалар