Спорт      Бош саҳифа

ОИЛАВИЙ МУСОБАҚА: ШАРТЛАРИ ҚИЗИҚ

Муҳташам спорт залидаги мусобақани кузатиб, аввалига ҳайрон бўлдик. Сабаби, мусобақалашаётганлар орасида қирқ ёшли эркак ва аёлдан тортиб, етти ёшли болаларгача бор. Энг қизиғи, уларнинг биронтаси спортчига ўхшамайди. Лекин бир-бирини қўллаб-қувватламоқда, ғалаба сари ишонч билан бирга ҳаракат қилмоқда.

ОИЛАВИЙ МУСОБАҚА: ШАРТЛАРИ ҚИЗИҚ

Билдикки, улар бир оила. Мусобақани кузатиб, оилалар ўртасидаги беллашув ҳар қандай йирик спорт мусобақасидан шиддатли ва қизғин кечишига гувоҳ бўлдик.

Яқинда Ўзбекистон касаба уюшмалари Федерацияси Кенгаши томонидан пойтахтимизда ташкил этилган спорт мусобақаси аҳолини спортга оилавий жалб қилишда муҳим аҳамият касб этди. «Соғлом оила» шиори остида ўтказилган мусобақа меҳнаткашлар ва уларнинг оила аъзолари ўртасида соғлом турмуш тарзини тарғиб қилиш, оилавий спорт билан шуғулланишга чинакам рағбат уйғотиш мақсадида ташкил этилди.

Мусобақага турли соҳада меҳнат қилаётган меҳнаткашлар ўз оила аъзолари билан қатнашишди.

Иштирокчилар мусобақада «Югуриш, акробатика элементлари ва тўпни нишонга отиш», «Чаққонлик ва мерганлик эстафетаси», «Моҳир ҳужумчи», «Қаддимизни ростлаймиз, сакрашни боплаймиз», «Тезлик эстафетаси», «Эпчиллик эстафетаси», «Арқон тортиш» ва «Бир жамоа эстафетаси» шартлари бўйича беллашдилар.

— Мусобақада қатнашиш таклифини эшитганимда бошида бироз иккиландим, — дейди Яшнобод туманидаги 151-мактаб ўқитувчиси Абдурасул ­Назаров. — Лекин аёлим ва болаларим билан маслаҳатлашганимда, улардаги катта қизиқиш ва иштиёқни кўриб, оиламизни ҳам рўйхатга ёздирдим. Биринчи ва иккинчи босқичда бирдамликда тайёрланиб, ғолиб бўлишга муяссар бўлдик. Оила билан ҳамжиҳатликда тайёрланиш бутунлай бошқача кайфият бераркан одамга.

— Спорт ва жисмоний ҳаракат билан шу кунгача жиддий шуғулланмаганимиздан афсусландим, рости, — дейди Сергели туманидан қатнашаётган Улуғбек Хожиқулов. — Энди оиламиз билан ҳар куни шуғулланишга келишиб олдик. Рафиқам ва фарзандларим билан бирга, мана, энг сўнгги босқичгаям етиб келдик. Кейинги шартларда ҳам астойдил ҳаракат қиламиз.

«Соғлом оила» шиори остида ташкил этилган мусобақанинг сўнгги босқичида Яшнобод туманидан Назаровлар ва Хидировлар оиласи биринчи ўринни, Шайхонтоҳур туманидан Рустамбековлар ва Далмурзаевлар оиласи иккинчи ўринни қўлга киритди. Учинчи ўрин эса Яккасарой туманида истиқомат қилувчи Сафинлар оиласига насиб этди. Шунингдек, оилалар «Энг чаққон оила», «Ғалабага бўлган интилиши юксак оила», «Фаол иштирок этган оила» номинациялари бўйича ҳам тақдирланди.




Ўхшаш мақолалар

Уч қаҳрамондан уч ғалаба

Уч қаҳрамондан уч ғалаба

🕔16:05, 29.11.2018 ✔39

Ўтган якшанба тонгида ўзбекистонлик бокс мухлислари учун океан ортидан ажойиб хушхабар келди. ​​​​​​​

Батафсил
Вақтдан илгарилаган спортчи

Вақтдан илгарилаган спортчи

🕔16:05, 29.11.2018 ✔34

Унинг лақаби «чақмоқ одам». У — ўн бир карра жаҳон, саккиз карра олимпия чемпиони бўлган ямайкалик собиқ енгил атлетикачи Усейн Болт.

Батафсил
Узун оёқ «учиради»

Узун оёқ «учиради»

🕔16:04, 29.11.2018 ✔41

Қизиқ бир маълумот: 1968 йилдан буён 100 метрга югуриш бўйича мусобақаларда жаҳон рекордини асосан қора танли спортчилар ўрнатмоқда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Уч қаҳрамондан уч ғалаба

    Уч қаҳрамондан уч ғалаба

    Ўтган якшанба тонгида ўзбекистонлик бокс мухлислари учун океан ортидан ажойиб хушхабар келди. ​​​​​​​

    ✔ 39    🕔 16:05, 29.11.2018
  • Вақтдан илгарилаган спортчи

    Вақтдан илгарилаган спортчи

    Унинг лақаби «чақмоқ одам». У — ўн бир карра жаҳон, саккиз карра олимпия чемпиони бўлган ямайкалик собиқ енгил атлетикачи Усейн Болт.

    ✔ 34    🕔 16:05, 29.11.2018
  • Узун оёқ «учиради»

    Узун оёқ «учиради»

    Қизиқ бир маълумот: 1968 йилдан буён 100 метрга югуриш бўйича мусобақаларда жаҳон рекордини асосан қора танли спортчилар ўрнатмоқда.

    ✔ 41    🕔 16:04, 29.11.2018
  • «Кичкина» тенниснинг катта фойдаси

    «Кичкина» тенниснинг катта фойдаси

    Бир дақиқада  120 тагача зарба берилиши боис, стол тенниси инсонни чаққонликка ва абжирликка  ўргатади.

    ✔ 56    🕔 17:29, 22.11.2018
  • Иқтидор сараланса, натижа бўлади

    Иқтидор сараланса, натижа бўлади

    Келажакда профессионал футболчи бўлиш орзусида юрган бола борки, ўзининг маҳорати, иқтидорини намоён этгиси келади. Яратиб берилган ана шу имконият эса унга бу мақсадга эришишида муҳим аҳамият касб этмоқда.  

    ✔ 51    🕔 17:28, 22.11.2018
Ҳаммасини кўриш 

Фойдали манбаалар