Ёшлар      Бош саҳифа

«АҚЛЛИ ҚАНДИЛЛАР»

кексаларга қулайлик яратмоқда

Фаолиятида инновацион технологияларни қўллаётган ишбилармоннинг бугун ошиғи олчи. Бундайлар сафида хотин-қизларнинг ҳам кўп эканини биласизми? Чирчиқлик Насиба Исломбоева замонамизнинг ана шундай иқтидорли ихтирочи қизларидан бири. 

«АҚЛЛИ ҚАНДИЛЛАР»

Болаликда қизлар, асосан, қўғирчоқ ўйнайди. Турли либослар тикиб, уни ясантиради. Бироқ Насиба бу машғулот ўрнига техникани танлади. Турли буюмлар ясашга қизиқди.

— Ота-онам қизиқишимни кўриб, менга йўл кўрсатди, — дейди Насиба ИСЛОМБОЕВА. — Бир куни телевизорда Турин политехника университети ҳақида кўрсатув бўлди. Ўшанда онам талабаларини кўриб, роса ҳавас қилган. «Менинг фарзандларимга ҳам шундай жойда таълим олиш насиб қилсин» деган ниятни дилига тугди. Бу гап менга янада куч бағишлади. Шундай қилиб, ана шу олийгоҳга ўқишга кирдим. 

Айни пайтда Насиба мазкур олий таълим муассасасининг машинасозлик технологияси факультетида таҳсил олмоқда. Эътиборлиси, изланувчан, илмли ёшлар учун етарлича шароит, имконият яратилган ушбу таълим даргоҳида махсус танловлар тез-тез ўтказилади. Насиба уларда фаол иштирок этиб, ўз иқтидорини кўрсатишга улгурди,  устозлар эътиборига тушди.

Ёш талабанинг инновацион ғояси «Экологик ақлли қандиллар» деб номланади. Ихтирочи қиз уни кераксиз буюмлардан ясашга қарор қилди. Бунда хомашё сифатида тетрапак қутилари, бир марта ишлатишга мўлжалланган ошхона анжомлари ва кераксиз бўлиб қолган дисклардан фойдаланди. Махсус формула ишлаб чиқиб, шу асосда уларни бирлаштирди. Дизайнини ўзига хос ижодкорлик билан чиройли кўринишга келтирди. Замон талабига жавоб бериши учун махсус дастур ҳам яратди ва уни «қарсак» деб атади. Бунда икки марта қарсак чалинса, қандиллар автоматик тарзда ёнади ва худди шу тарзда ўчади.

Таъкидлаш керакки, бу инсонга анча-мунча қулайлик яратади. Масалан, кексалар чироқни ўчириш учун ўрнидан туришига эҳтиёж сезмайди…

Бугун техника махсус курсида таҳсилни давом эттираётган қаҳрамонимиз устози билан бирга янги ғоялар устида ишламоқда. У ақлли қандилларга қатор ўзгартиришлар киритиш устида иш олиб бормоқда. Насиба ўз ихтиросини янада такомиллаштиришига шубҳа йўқ. Зеро, бугун замонавий технологиялар асри.      

 

Сурайё РАҲМАТУЛЛАЕВА




Ўхшаш мақолалар

Кулдан ғишт қуйиш…

Кулдан ғишт қуйиш…

🕔11:02, 19.07.2018 ✔5

Иссиқлик ва шовқинни ўтказмайдиган арзон қурилиш материали.

Батафсил
Ибо ва назокат тасвири

Ибо ва назокат тасвири

🕔11:01, 19.07.2018 ✔4

Шарқ миниатюрасининг бош мезони.

Батафсил
Дунё ёшлари куни

Дунё ёшлари куни

🕔11:01, 19.07.2018 ✔4

Дунё ёшлари куни илк бор 1986 йилда нишонланган. Шу кундан бошлаб бу байрам ҳар 2 ёки 3 йилда дунёнинг турли жойида тантана қилинади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Кулдан ғишт қуйиш…

    Кулдан ғишт қуйиш…

    Иссиқлик ва шовқинни ўтказмайдиган арзон қурилиш материали.

    ✔ 5    🕔 11:02, 19.07.2018
  • Ибо ва назокат тасвири

    Ибо ва назокат тасвири

    Шарқ миниатюрасининг бош мезони.

    ✔ 4    🕔 11:01, 19.07.2018
  • Дунё ёшлари куни

    Дунё ёшлари куни

    Дунё ёшлари куни илк бор 1986 йилда нишонланган. Шу кундан бошлаб бу байрам ҳар 2 ёки 3 йилда дунёнинг турли жойида тантана қилинади.

    ✔ 4    🕔 11:01, 19.07.2018
  • Қуллик азоби тўхтатилди

    Қуллик азоби тўхтатилди

    Ҳозир кўпчилик хорижга бориб, осонгина кўп пул ишлаб топиш ҳақида ўйлайди. Ниятнинг катта бўлгани яхши, албатта. Бироқ ўзга юртда уларнинг тақдири нима бўлиши, қандай ҳаёт кечириши ҳақида ҳеч ўйлаб кўришганмикан?

    ✔ 4    🕔 11:00, 19.07.2018
  • Гиламдаги аламли 7 сония

    Гиламдаги аламли 7 сония

    Рақибни 5:4 ҳисобида ютиб турганди...

    ✔ 35    🕔 10:40, 12.07.2018
Ҳаммасини кўриш 

Фойдали манбаалар