Аниқ саволга аниқ жавоб      Бош саҳифа

ҚАЛБАКИ ПОЛИС, ТЎЛАНМАЙДИГАН СУҒУРТА

Маълумки, давлат йўл ҳаракати хавфсизлиги хизмати республикамизнинг барча ҳудудлари, манзилларида ҳаракат хавфсизлигини таъминлаш, турли нохуш ҳодиса ва фалокатларнинг олдини олиш ҳамда ҳайдовчиларнинг қоидаларга амал қилишини мунтазам назорат қилади. Аммо бирор бахтсизлик юз берса-чи, унда нима қиламиз? Кўпчилик суғурта компаниясига мурожаат қилади, албатта.

ҚАЛБАКИ ПОЛИС, ТЎЛАНМАЙДИГАН СУҒУРТА

— Ҳар бир ҳайдовчи транспорт воситасига етказилган зарарни тўла ундириш ҳуқуқига эга, — дейди Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармаси директори Латиф ­ЗОКИРОВ. — Масалан, 2008 йил 21 апрелда «Транспорт воситалари эгаларининг фуқаролик жавобгарлигини мажбурий суғурта қилиш тўғрисида»ги қонунга асосан республикамиз суғурта бозорида 2017 йилда йиғилган жами суғурта мукофотларининг 74,8 фоизи суғуртанинг ихтиёрий турларига ва 25,2 фоизи эса мажбурий суғурта турларига тўғри келди.

— Йўл-транспорт ҳодисаси содир бўлганда кимларга зарар қоплаб берилади?

— Транспорт воситаси эгасининг (ҳайдовчининг) йўл-транспорт ҳодисаси натижасида учинчи шахсларга етказган зарари учун жавобгарликни суғурта компанияси ўз зиммасига олади. Бунда мазкур суғурта компанияси йўл-транспорт ҳодисасида жабрланган шахсларга уларнинг ҳаёти, соғлиғи ёки мол-мулкига етказилган зарар учун суғурта қопламасини тўлаш орқали автотранспорт воситалари эгаларининг мулкий манфаатларини ҳимоя қилади.

— Агар суғурта компанияси суғурта тўловини амалга оширмаса-чи?

— Суғурта компанияси суғурта тўловини амалга оширмайдиган баъзи ҳолларда Тўловларни кафолатлаш жамғармаси компенсация тўловларини ҳеч бир монеликсиз амалга оширади.

— Компенсация тўловлари қандай ҳолларда амалга оширилади?

— Компенсация тўловлари қуйидаги ҳолларда амалга оширилади: суғурталовчига нисбатан банкротлик тартиби қўлланилганда, жабрланувчига етказилган зарар учун жавобгар шахс номаълум бўлганда, фойдаланилаётганда зарар етказган транспорт воситасининг эгаси ўз фуқаролик жавобгарлигини суғурта қилиш бўйича мажбуриятини бажармаганда, транспорт воситаси уни ғайриқонуний йўл билан эгаллаб олган шахс томонидан фойдалангани натижасида зарар етказилганда компенсация тўлаб берилади.

Биргина 2017 йилнинг ўзида жамғармага йўл-ҳаракати ҳодисаси натижасида жабрланувчилар томонидан компенсация тўловини амалга ошириш тўғрисида  3 миллиард 338 миллион сўмлик 593 та илтимоснома келиб тушган. Шундан 493 та илтимоснома қаноатлантирилиб, 1 миллиард 462 миллион сўм компенсация тўлови амалга оширилди.

— Қалбаки суғурта полисларини сотиш ҳолатлари ҳам учраб тураркан?

— Бундай «учар»ларни давлат йўл ҳаракати хавфсизлиги хизматига яқин жойларда кўп учратиш мумкин. Негаки, улар айнан шу ерда ўлжа пойлайди. Баъзи ҳайдовчилар баҳоси 300 дан 500 минг сўмгача бўлган веб-суғурта полисини 150-200 минг сўмдан сотиб олишни афзал билади. Муаммо ана шундан кейин бошланади. Биринчидан, бир неча марта арзонга сотиб олинган веб-полис компьютер базасига киритилмайди, яъни рўйхатдан ўтказилмайди. Натижада ҳайдовчи сотиб олган маблағига куйиб қолади. Бундайларнинг айримлари аниқланган ва тегишли чоралар кўрилган.

— Йил давомида йўл ҳаракатини бузмай ҳаракатланган ҳайдовчининг суғурта полисига қанча миқдорда чегирма берилиши мумкин?

— Бир йилда ўн фоизгача чегирма тақдим этилади. Кейинчалик бу миқдор эллик фоизгача етказилади.

— Судда биргина машина иштирокида содир этилган фалокатни расмийлаштиришга уч ойгача вақт кетаркан?

— Бу ҳолга бундан кейин узил-кесил барҳам берилади. Қолаверса, машина ҳалокатга учраганда турли найранглар билан пул ишлаб олишга интиладиган баҳоловчилар билан ҳам асло муроса қилинмайди.

Улуғбек ЖУМАЕВ тайёрлади.




Ўхшаш мақолалар

Цементимиз сифати четникидан пастми?

Цементимиз сифати четникидан пастми?

🕔17:42, 06.12.2018 ✔12

Қурилиш соҳасида энг кўп ишлатиладиган маҳсулотлардан бири буцемент. ​​​​​​​

Батафсил
Уй-жой ширкатига нега  пул тўлаймиз?

Уй-жой ширкатига нега пул тўлаймиз?

🕔16:07, 29.11.2018 ✔38

Хусусий уй-жой мулкдорлари ширкатига (ХУЖМШ) тўланадиган ҳар ойлик мажбурий тўлов миқдори нималар асосида белгиланади? Бунда қандай харажатлар инобатга олинади?

Батафсил
Муаммолар ечимига  янгича ёндашув

Муаммолар ечимига янгича ёндашув

🕔16:07, 29.11.2018 ✔36

Қонунчиликда шундай бир атама бор: медиация. Бу сўзни кўпчилик эшитган бўлса керак, аммо унинг маъносини билмайди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Цементимиз сифати четникидан пастми?

    Цементимиз сифати четникидан пастми?

    Қурилиш соҳасида энг кўп ишлатиладиган маҳсулотлардан бири буцемент. ​​​​​​​

    ✔ 12    🕔 17:42, 06.12.2018
  • Уй-жой ширкатига нега  пул тўлаймиз?

    Уй-жой ширкатига нега пул тўлаймиз?

    Хусусий уй-жой мулкдорлари ширкатига (ХУЖМШ) тўланадиган ҳар ойлик мажбурий тўлов миқдори нималар асосида белгиланади? Бунда қандай харажатлар инобатга олинади?

    ✔ 38    🕔 16:07, 29.11.2018
  • Муаммолар ечимига  янгича ёндашув

    Муаммолар ечимига янгича ёндашув

    Қонунчиликда шундай бир атама бор: медиация. Бу сўзни кўпчилик эшитган бўлса керак, аммо унинг маъносини билмайди.

    ✔ 36    🕔 16:07, 29.11.2018
  • Хонадон йилига қанча энергия тежаши мумкин?

    Хонадон йилига қанча энергия тежаши мумкин?

    Электр қувватидан тежаб фойдаланиш тобора долзарб аҳамият касб этмоқда. Мазкур жараёнда, айниқса, светодиод лампаларининг ўрни беқиёс.

    ✔ 58    🕔 17:31, 22.11.2018
  • Газ ва «свет» Юнусободда экспериментдан ўтказилади

    Газ ва «свет» Юнусободда экспериментдан ўтказилади

    Республикамизда ёнилғи-энергетика ресурсларининг аҳоли учун нархи йилига камида икки марта ўсиши кузатилмоқда. Бу аҳолининг, айниқса, кам таъминланган фуқароларнинг асосли эътирозларига сабаб бўлмоқда.

    ✔ 46    🕔 17:31, 22.11.2018
Ҳаммасини кўриш 

Фойдали манбаалар