Долзарб мавзу      Бош саҳифа

Битта  «оқ»идан,  иккита  «қизил»идан берворгин,  болакай!

Бозор-ўчар қилиб юргандим, кўзим беихтиёр спиртли ичимликлар сотиладиган дўконга тушди. Қарасам, сотувчи аёл киши экан. Бироз ғалати туюлди бу менга. Ахир, ароқ савдоси билан аёл шуғулланса…

Бу  ҳам майли. Бояги аёл бу ишга чамаси 11-12 ёшли боласини ҳам жалб қилган. Фарзандининг устидаги кийим-бошидан у ё мактабдан келгани ё бироздан кейин таълим муассасасига бориши билиниб турарди. Аёл харидор буюртмасини ёзиб боряпти, ўғли эса онаси айтган спиртли ичимликларни адашмасдан бир зумда растага тахлаяпти.

Ёш болани бундай жойда ўралашиб юришини ўша она қандай ҳазм қиляпти? Бунинг оқибати ҳақида ҳеч ўйлаб кўрганмикан? Йигитча унча-мунча катталар номини эшитмаган «зорманда»ни бир зумда топиб беришига қараганда, у кўп вақтини илм олишга эмас, шу жойда онасига ёрдамлашишга сарфлаётгани аниққа ўхшайди. Боланинг айни ўқиб-ўрганадиган, ўртоқлари билан ўйнаб-куладиган пайтда бундай дўконда «хизмат» кўрсатиши аслида мудҳиш фожиа-ку!

Шуларни хаёлдан ўтказиб, аёлга эътирозларимни билдирдим. У эса турмуш ўртоғи гарчи тўрт мучаси соғ бўлишига қарамай, ҳеч қаерда ишламаслигини айтди. Шунинг учун шу жойда ишлаб фарзандларини «ҳалол» боқаётган эмиш. Боласининг унга қарашиб, ёрдамлашиб туришида ҳеч қандай салбий ҳолат кўрмаяпти. Аксинча, ҳозирдан пул топишга ўрганса, келажакда отасига ўхшаб боқиманда бўлмас экан.

Қизиқ, соппа-соғ бўла туриб, аёлини, фарзандини шундай жойга раво кўрган эркакни оила боши, ота, деб бўлармикан? У оталикка муносибми? Ёки бўлмаса, фарзандини боқиш учун спиртли ичимликлар сотиш билан шуғулланадиган аёлни оқлаб бўладими? Эти қотмаган мурғак бола оиладаги бундай носоғлом муҳитдан ўзига ўрнак бўладиган жиҳат топа оладими? Бундай фарзанднинг тақдири не кечади?

Бу хусусда ўзингиз бир мулоҳаза юритиб кўринг. Назаримда, бундай ота-оналар ўз илдизига болта ураётганини вақтида англаб етмаса, кейин кеч бўлади.

 

Ғуломжон АҲМАД




Ўхшаш мақолалар

Сув муаммоси ортидан келаётган дард

Сув муаммоси ортидан келаётган дард

🕔11:08, 19.07.2018 ✔23

Пойтахтнинг шундоқ биқинида тоза ичимлик сувнинг ҳар бир литри фалон сўмдан сотилаётганидан кимнинг хабари бор?

Батафсил
Шифокорга муҳтож поликлиникалар

Шифокорга муҳтож поликлиникалар

🕔10:45, 12.07.2018 ✔40

Поликлиника капитал таъмирга берилгани сабабли аҳоли шийпондан фарқи йўқ бинодан нажот излашга мажбур.

Батафсил
Сурат кимники?

Сурат кимники?

🕔10:45, 12.07.2018 ✔46

Янги паспорт учун суратга тушишнинг ўзига уч кун овора бўлдим. Қаққайганча айтилган нуқтага тикилиб турдим. Бўлди, паспорт тайёр бўлганда, ўзимиз қўнғироқ қиламиз, дейишди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Сув муаммоси ортидан келаётган дард

    Сув муаммоси ортидан келаётган дард

    Пойтахтнинг шундоқ биқинида тоза ичимлик сувнинг ҳар бир литри фалон сўмдан сотилаётганидан кимнинг хабари бор?

    ✔ 23    🕔 11:08, 19.07.2018
  • Шифокорга муҳтож поликлиникалар

    Шифокорга муҳтож поликлиникалар

    Поликлиника капитал таъмирга берилгани сабабли аҳоли шийпондан фарқи йўқ бинодан нажот излашга мажбур.

    ✔ 40    🕔 10:45, 12.07.2018
  • Сурат кимники?

    Сурат кимники?

    Янги паспорт учун суратга тушишнинг ўзига уч кун овора бўлдим. Қаққайганча айтилган нуқтага тикилиб турдим. Бўлди, паспорт тайёр бўлганда, ўзимиз қўнғироқ қиламиз, дейишди.

    ✔ 46    🕔 10:45, 12.07.2018
  • Товуқлар ўлди, аммо... 81 ёшли кампирда не айб?!

    Товуқлар ўлди, аммо... 81 ёшли кампирда не айб?!

    Банкдагиларга фарқи йўқ, суғуртачилар четда, агрофирма эса «ўйин»дан аллақачон чиққан...

    ✔ 114    🕔 12:50, 05.07.2018
  • Сифат, адолат ва шаффофлик

    Сифат, адолат ва шаффофлик

    Таълимнинг бош мезонига айланадиган уч тамойил.

    ✔ 61    🕔 12:42, 05.07.2018
Ҳаммасини кўриш 

Фойдали манбаалар