Халқ виждони      Бош саҳифа

ҚЎҚОН ШАМОЛИ

симёғочларни ағдармоқда

17 апрелда эсган қаттиқ шамол туфайли Қўқон шаҳри «Артизан бўйи» МФЙ ҳудудидаги Раис кўчасидаги электр симлари узилиб тушди.

Аҳолининг айтишича, муаммони ҳал қилиш учун шаҳар электр тармоқлари корхонасига бир неча маротаба қўнғироқ қилинганига қарамай, у ердан ҳеч ким гўшакни кўтармаган ва муддаолари ҳосил бўлмаган.

— Оқибатда электр симлари фуқароларга жиддий хавф солди, бир неча хонадон чироқсиз қолди, — дейди шу кўчада яшовчи Раҳмонжон Қўзибоев. — Қайта-қайта мурожаат қилишимизга қарамай, эски симёғочлар янгиси билан алмаштирилмаяпти.

— Ёзда электр қуввати бутунлай пасайиб кетади, — дейди фуқаро Рустам Маҳмудов. — Ўзим ногиронман. Чироқ йўқлигидан кўп азият чекамиз. Шамол қаттиқроқ бўлса, симлар узилиб тушаверади. Кимга мурожаат қилишни ҳам билмайсан киши. Чироқ ўчганда шаҳар электр таъминотининг диспетчерлари телефонига умуман тушиб бўлмайди, доим банд бўлаверади ёки атайлаб кўтармайди.

Маҳаллаларда ва оилаларда ижтимоий-маънавий муҳитни ўрганиш ҳамда аниқланган муаммоларни бартараф этишга кўмаклашиш бўйича Республика ишчи гуруҳи талаби билан воқеа жойига етиб борган шаҳар электр тармоқлари корхонаси мутасаддилари муаммони зудлик билан бартараф этишди, узилган симлар қайта тортилди.

Қўқон шаҳар электр таъминоти корхонаси раҳбари Азизхон Сулаймоновнинг айтишича, ҳақиқатан, 17 апрелдаги қаттиқ шамол оқибатида тармоқларда техник талофат катта бўлган. Шу сабабли бу ердаги ҳодисага тезкор жавоб қайтаришнинг имкони чекланган.

Тармоқни янгилаш ва сифатли хизмат кўрсатиш учун маҳалла ҳудудидаги Мактаб, Тошкент, Мисгарлик ва Шаҳрисабз кўчаларида йил бошидан буён 122 та темир-бетон симёғочлар ўрнатилган, 250 киловатт амперли янги трансформаторлар ўрнатилган. Натижада 500 та хонадоннинг қўшимча юкламаси мос равишда тақсимланди.

Электр тармоқлари корхонаси мутасаддиларининг ваъда беришича, жорий йил охирига қадар Қўқон шаҳрида эски ва қўлбола симёғочлар ўрнига икки минг дона ўн бир метрлик темир-бетон устунлар ўрнатилади. 104 километрлик электр линияси қайта таъмирланади ва замонавийсига алмаштирилади. 28 та янги трансформаторлар шароити оғир маҳаллаларга ўрнатилади.

 

Лазиз РАҲМАТОВ,

Журналист




Ўхшаш мақолалар

Қоғозда «бўлди-бўлди», амалда…

Қоғозда «бўлди-бўлди», амалда…

🕔11:15, 31.01.2019 ✔102

Бу мавзу маҳалла мутасаддисини қизиқтирадими ёки фақат юқори ташкилотларнинг ташвишими?

Батафсил
Тўйдан қолмас, жанозага бормас оқсоқоллар

Тўйдан қолмас, жанозага бормас оқсоқоллар

🕔17:36, 24.01.2019 ✔133

Вақти-соати келиб, яқин кишимиз ёки маҳалладошимиз бандаликни бажо келтирса, ич-ичимиздан қайғурамиз. Марҳумнинг оила аъзоларига  ҳамдардлик билдириб, уни сўнгги манзилига иззат-икром билан кузатиб борамиз. Сўнг, давраларда эл-юрт равнақи учун қилган эзгу амалларини ҳурмат ила ёд этиб, ёшларимизга хотиралар сўзлаймиз. Хайрли ишларини давом эттиришга даъват этамиз.

Батафсил
Дунёдаги учинчи энг бузрук маскан шу ерда

Дунёдаги учинчи энг бузрук маскан шу ерда

🕔17:16, 27.12.2018 ✔180

Самарқанд шаҳридаги Шарқ маҳалласи ўтмиш ва келажакни акс эттираётган кўзгуга ўхшайди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Қоғозда «бўлди-бўлди», амалда…

    Қоғозда «бўлди-бўлди», амалда…

    Бу мавзу маҳалла мутасаддисини қизиқтирадими ёки фақат юқори ташкилотларнинг ташвишими?

    ✔ 102    🕔 11:15, 31.01.2019
  • Тўйдан қолмас, жанозага бормас оқсоқоллар

    Тўйдан қолмас, жанозага бормас оқсоқоллар

    Вақти-соати келиб, яқин кишимиз ёки маҳалладошимиз бандаликни бажо келтирса, ич-ичимиздан қайғурамиз. Марҳумнинг оила аъзоларига  ҳамдардлик билдириб, уни сўнгги манзилига иззат-икром билан кузатиб борамиз. Сўнг, давраларда эл-юрт равнақи учун қилган эзгу амалларини ҳурмат ила ёд этиб, ёшларимизга хотиралар сўзлаймиз. Хайрли ишларини давом эттиришга даъват этамиз.

    ✔ 133    🕔 17:36, 24.01.2019
  • Дунёдаги учинчи энг бузрук маскан шу ерда

    Дунёдаги учинчи энг бузрук маскан шу ерда

    Самарқанд шаҳридаги Шарқ маҳалласи ўтмиш ва келажакни акс эттираётган кўзгуга ўхшайди.

    ✔ 180    🕔 17:16, 27.12.2018
  • Юртободни обод қилаётганлар

    Юртободни обод қилаётганлар

    Маҳалланинг равнақ топиши раиснинг билими ва тажрибасига боғлиқ.

    ✔ 180    🕔 17:32, 13.12.2018
  • Аслида кимлар кўмакка муҳтож?

    Аслида кимлар кўмакка муҳтож?

    Яхшиликнинг катта-кичиги бўлмайди, энг муҳими, у инсонлар қалбида қувонч уйғотсин.

    ✔ 329    🕔 16:58, 18.10.2018
Ҳаммасини кўриш 

Фойдали манбаалар