Ёшлар      Бош саҳифа

ҲОЗИРГИ КЎРИНИШДАГИ БОҒЧАЛАР

нега болалар талабига жавоб бермайди?

Сарвиноз Раҳмонова Қизилтепа туманидаги 7-сонли мактабгача таълим муассасаси раҳбари. Болаларга бўлган меҳри, тадбиркорликка қизиқиши ва албатта, давлатимизнинг мактабгача таълим тизимига єаратаётган эътибори уни «Маликобод» МФЙ ҳудудида 75 ўринли мактабгача таълим муассасаси очишга ундади. 

ҲОЗИРГИ КЎРИНИШДАГИ БОҒЧАЛАР

— Ўзим ўқитувчиман. Мактабгача таълим менга бегона эмас. Олти йил давомида шу тумандаги 13-сонли болалар боғчасида тарбиячи бўлганман. Насиб қилса, янги қурилаётган муассасамиз икки қаватли, ўйин майдонлари, ички ва ташқи бассейнларга эга бўлади. Болаларни тарбиялаш, парваришлаш, соғломлаштириш, уларга таълим бериш ва назорат қилиш асосий вазифамизга айланади. Муассасамизда тарбияланадиган болажонларга инглиз ва рус тилини ҳам ўргатишни режалаштиряпмиз. Шунинг учун ҳам муассаса номини ноодатий шаклда, инглиз тилидаги сўздан фойдаланиб, Camomile (мойчечак) дея номлаяпмиз, — дейди тадбиркор Сарвиноз Раҳмонова.

Муассаса иш бошлаганидан сўнг яқин йиллар ичида фаолиятини кенгайтириб, «Маликобод» МФЙ ҳудудидаги 3-7 ёшдаги барча болаларни қамраб олиш кўзланган.

Назокат Ғаниева ҳам ёш тадбиркорлардан. У жорий ўқув йилидан бошлаб, Қизилтепа туманидаги 5-умумий ўрта таълим мактабида инглиз тили фанидан дарс бериб келмоқда. Ушбу қаҳрамонимиз «Узилишкент» МФЙда 100 ўринли мактабгача таълим муассасаси қуришни режалаштирган. 27 сотих майдонда қуриладиган бу муассаса 2019 йилнинг 1 январидан иш бошлаши кутилмоқда.

— Болаларни жуда ҳам яхши кўраман. Ушбу муассаса очилишидан асосий мақсадимиз — «Узилишкент»даги ширин-шакар болажонларга мактабга боргунга қадар инглиз ва рус тилларини, шунингдек, математика сирларини ўргатиш. Муассасамизда бу уч фанни чуқур ўргатишни режалаштиряпмиз, — дейди Назокат Ғаниева биз билан суҳбатда.

Суҳбатдошимнинг айтишича, нодавлат мактабгача таълим муассасасини «Болалар сайёраси», дея номламоқчи. Муассаса номига мос тарзда жиҳозланади. У ерга кирган ҳар бир болакай ҳам, унинг ота-онаси ҳам ўзини ўзга оламга, ширин орзулар, эртаклар маконига киргандек ҳис этади. Бир сўз билан айтганда, болалар боғчаси креатив ғоялар асосида бунёд этилади. 

Болаларимиз мактабгача таълим муассасаларига қанча кўп қамраб олинса, йиллар ўтиб, биз шунча кўп иқтидорли, билимли ва етук кадрларга эга бўламиз.

 

Алишер УМЕДОВ,

Қизилтепа тумани




Ўхшаш мақолалар

Ўсмирни ўртаган дард нима?

Ўсмирни ўртаган дард нима?

🕔17:17, 27.12.2018 ✔173

Кимлар ўз фарзандини ташвишга қўймоқда?

Батафсил
Ҳар куни керак бўлган  «юқумли касаллик»

Ҳар куни керак бўлган «юқумли касаллик»

🕔17:17, 27.12.2018 ✔175

«У жуда арзон, лекин кўп нарса беради. Ким олса, уни бой қилади, ҳадя этганлар эса камбағал бўлиб қолмайди.

Батафсил
Бир нафар ёшни қўллаб-қувватлаш  ўнлаб муаммоларни ҳал этади

Бир нафар ёшни қўллаб-қувватлаш ўнлаб муаммоларни ҳал этади

🕔09:14, 21.12.2018 ✔164

Ёшлар тадбиркорлигини ривожлантиришда банк билан боғлиқ мураккабликларни бартараф этиш керак.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар