Туризм      Бош саҳифа

САНГАРДАК ШАРШАРАСИ

Ҳисор тоғ тизмаларининг Сангардагига кўтарилиш осон эмас. Тоғ йўли нотекис, тор, хавфли. Биз чиққан машина ҳайдовчиси тоғ йўлида юравериб ўрганиб кетган, шекилли, пинагини ҳам бузмайди. Аммо жуда ҳушёр. Улов юритгичи ўкиради, машина юқорига ўрлайди. Тошқину сел ўпирган жарликлар лабидан ўтаётганда юрагинг беихтиёр «шиғғ» этиб кетади... Ниҳоят, манзилга етдик.

САНГАРДАК ШАРШАРАСИ

Денгиз сатҳидан уч минг метрдан баландроқда жойлашган Сангардак шаршараси мамлакатимиздаги ноёб, мўъжиза масканларидан биридир. Шаршара этагида туриб, баланддан шовқин солганча пастга ёйилиб тушаётган сувга таъриф бериш қийин. Ҳайрат мени чулғаб олганди. Буни пайқаган шу ерлик Нурали бобо сўзлай кетди:

— Биз томонларда қишда тоғларга қор жуда қалин ёғади. Ҳатто, ёзда ҳам эримайди. Шу қорлар қишин-ёзин текисликлару далаларни обиҳаёт билан таъминлайди. Сангардак шаршараси ҳам сувни мана шу тоғдан олади.

Чиндан ҳам, Сурхондарё вилояти Сариосиё тумани ҳудудидаги Сангардак шаршараси узоқ вақтдан бери одамларни ҳайратлантириб келади. Шовуллаган шаршара бир неча ўн булоқлар, жилғалар сувини ўзида жамлаб анча юқоридан пастга тушади. Май-июлда суви жуда кўпаяди. Бу вақтда шаршарани кўришга келувчилар сони ҳам кескин ортади. Хорижлик сайёҳлар ҳам тез-тез ташриф буюради.

Бахмал ўтлардаги майда сув томчилари гўёки чор-атрофга жавоҳир зарралари сочилгандак қуёш нурида жилваланади. Фавқулодда чиройли манзара. Юқоридан тушаётган сувдан кўринмаса-да, қандайдир қувват таралади, унга яқинлашиб буни ўзингиз ҳам сезасиз. Бу куч инсонни ҳам суриб юбориши ҳеч гап эмас. Маҳаллий аҳоли уни сувнинг шамоли, деб атайди. Шу боис катта сув тушаётган жойни узоқроқдан туриб томоша қилишади.

Сангардакдаги ажойиб манзарани кўриб, сал олдинроқ Усмонийлар даврида яшаган турк адмирали ва сайёҳи Сейди Али Реиснинг «Мамлакатлар кўзгуси» («Мурот ул-Мемолик») китобида ўқиган маълумотим ёдимга тушди. Асарда «Ўзбек султонларидан Темур Султон номи билан аталувчи ерга келдик-да, салдан кейин Сангардак тоғидан ошиб ўтдик. Тоғдан ёмғир ёққандек сув томчилари тўхтовсиз, узилмасдан томчилаб тушиб турарди. Тоғ этагидаги ана шу томчилардан бир катта сув ҳосил бўлар экан. У ерда Ҳақ таолонинг қудратини, мўъжизасини томоша қилдик», деган сўзлар келтирилади.

Чиндан ҳам, ушбу эътирофда ҳеч қандай муболаға йўқ. Сангардак шаршараси азалдан одамлар томоша қилиб завқ оладиган, ҳордиқ чиқарадиган бетакрор гўша бўлган.

 

Улуғбек АКТАМОВ




Ўхшаш мақолалар

Боғишамолдаги бебаҳо жавоҳир

Боғишамолдаги бебаҳо жавоҳир

🕔12:01, 07.03.2019 ✔37

Андижоннинг Боғишамол ҳудуди ўзининг тоза ҳавоси ҳамда хушманзара табиати билан Хуросондан тортиб, Чин ўлкасига қадар машҳур. Ундаги баландликка чиқиб бориш учун хийла тер тўкишга тўғри келади. Тепаликдан хур-хур шабада эсиб туради. Юқори нуқтадан узоқ-узоқлардаги қишлоқлар кафтдек кўзга ташланади.

Батафсил
«Илон ўтди» дараси  ёки Амир Темур дарвозаси

«Илон ўтди» дараси ёки Амир Темур дарвозаси

🕔16:08, 22.02.2019 ✔74

Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

Батафсил
Улоқни учирган қуюн

Улоқни учирган қуюн

🕔23:24, 06.02.2019 ✔89

Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Боғишамолдаги бебаҳо жавоҳир

    Боғишамолдаги бебаҳо жавоҳир

    Андижоннинг Боғишамол ҳудуди ўзининг тоза ҳавоси ҳамда хушманзара табиати билан Хуросондан тортиб, Чин ўлкасига қадар машҳур. Ундаги баландликка чиқиб бориш учун хийла тер тўкишга тўғри келади. Тепаликдан хур-хур шабада эсиб туради. Юқори нуқтадан узоқ-узоқлардаги қишлоқлар кафтдек кўзга ташланади.

    ✔ 37    🕔 12:01, 07.03.2019
  • «Илон ўтди» дараси  ёки Амир Темур дарвозаси

    «Илон ўтди» дараси ёки Амир Темур дарвозаси

    Жиззах заминидан кўҳна Буюк Ипак йўли ўтгани учун ҳам мазкур кент жаҳон тамаддунида жуда катта аҳамият касб этиб келган. 

    ✔ 74    🕔 16:08, 22.02.2019
  • Улоқни учирган қуюн

    Улоқни учирган қуюн

    Қулқудуқ овулида Тулкибой чолнинг ҳангисига етадигани йўқ. Жониворнинг жуссаси анча йирик, салкам отдай келади.

    ✔ 89    🕔 23:24, 06.02.2019
  • Писта чақар балиқлар

    Писта чақар балиқлар

    Баъзида табиат ишига қойил қолмасдан илож йўқ. 

    ✔ 107    🕔 11:10, 31.01.2019
  • Айдаркўл — Қизилқум денгизи

    Айдаркўл — Қизилқум денгизи

    Ўтган аср бошларида  «Катта тузли кўл», «Тузкон», деган номлар билан юритиб келинган Айдаркўлни бугунги кунда кўпчилик Қизилқум денгизи дея таърифлайди.

    ✔ 188    🕔 09:07, 21.12.2018
Ҳаммасини кўриш 

Фойдали манбаалар