Долзарб мавзу      Бош саҳифа

12 ЁШДА МАКТАБГА ЧИҚҚАНЛАР

Улар вақтида бормаганининг асл сабаби нима?

Ўғлим қандайдир сабаб билан бир кун мактабга боролмай қолса, кўнглим анчагача ғаш бўлиб юради. Ўша кунги дарсларни тушуниб олармикан, уйга қандай вазифа берилибди, деб тинчим бўлмайди.

12 ЁШДА МАКТАБГА ЧИҚҚАНЛАР

Аслида ҳам фарзандларимизнинг мактабда оладиган билими келажак учун қўйилган муҳим инвестициядир. Уларнинг ўз вақтида сифатли таълим олиши бугунги сиёсатимизнинг ҳам устувор йўналишларидан бири. Аммо орамизда илм олиш бахтидан мосуво яшаётган болалар ҳам йўқ эмас. Улар ота-онасининг бепарволиги жабрини тортмоқда, десак ҳам янглиш бўлмайди.   

Андижон вилояти Бўз тумани «Чорвадор» маҳалласида яшовчи Марғуба Назарова 1998 йил Шаҳрихон туманида яшовчи Ботиржон Назаров билан турмуш қуриб, орадан бир йил ўтгач, ажрашишган. 2001 йилда Марғуба Назарова Хайрулла Усмоновга шаръий никоҳ билан турмушга чиқади. Ҳозир уларнинг уч нафар ­Нурилла, Беҳрўз, Бекзод исмли ўғиллари бор. Аммо уларнинг турмуш қурганлик тўғрисидаги гувоҳномаси йўқлиги боис 12 ёшли Беҳрўз ва 7 ёшли Бекзод мактабга бормаяпти. 

Беҳрўз ва Бекзод Тўхтасиновларнинг туғилганлик тўғрисидаги гувоҳномаси ҳалигача йўқ. Онаси бир неча бор мактаб маъмуриятига мурожаат қилган бўлса-да, уларни ўқишга қабул қилишмаган. Болаларга туғилганлик тўғрисидаги гувоҳноманинг берилмаганига сабаб қилиб, Марғуба Назарова эса орадан 20 йил ўтса-да, биринчи турмушидан қонунан ажрашмаган. Никоҳни қайд этиш учун эса аввал биринчи турмуши билан суд орқали ажрим қилиши керак. Ҳозирда Ботиржон Назаров яшаш манзилидан топилмагани сабабли қидирилмоқда.

Лоқайдлик ва совуққонлик жабрини эса болалар кўрмоқда. Уларнинг отаси уста, ҳозирда Тошкентда мавсумий иш билан банд.

Маҳалла ва оилаларда ижтимоий-маънавий муҳитни ўрганиш ҳамда аниқланган муаммоларни бартараф этишга кўмаклашиш бўйича Республика ишчи гуруҳи кўмаги билан Беҳрўз Тўхтасиновни мактабга шошилинч жойлаштириш чоралари кўрилди. Туман халқ таълими тизимига қарашли ташхис бўлими, психолог, 11-ўрта таълим мактаби бошланғич синф ўқитувчиси иштирокида бола синовдан ўтказилди. Ўқиш, ёзиш, мулоқот ва сўзлашиш малакаси ўз тенгқурларидан анча ортда қолгани сабабли у 4-синфга эмас, балки 3-синфга қабул қилинди.

— Ўқишни яхши кўраман, лекин китобим йўқ, — дейди Беҳрўз Тўхтасинов. — Ўқишни уйда онам озроқ ўргатган. Санашни биламан. Болалар мактабга кетаётганини кўриб роса ҳавасим келарди...

«Метрка»си бўлмаса мактабга қабул қилинмайди...ми?

Шу маҳаллада истиқомат қилувчи Шарифа Тошматова 1976 йилда Қирғизистон Республикаси Ўш вилояти Новқат туманида туғилган. 1997 йилда бўзлик Улуғбек Раззоқовга турмушга чиққан. Аммо қонуний никоҳдан ўтмаган, шаръий никоҳ асосида яшаб келмоқда. Уларнинг учта фарзанди бор.

— Катта фарзандларимга ҳужжатларни қайнонам тўғрилаб берган эди, — дейди Шарифа Тошматова. — 2003 йилда у киши қазо қилгач, мен бу ишларга қийналиб қолдим. 2006 йилда туғилган ўғлим Муҳаммадюсуфнинг туғилганлик тўғрисидаги гувоҳномаси йўқ. 2005 йилда паспортим йўқолиб қолган эди. Ҳеч кимга айтмай юравердим. Чунки турмуш қурганлик тўғрисидаги гувоҳномам йўқ эди. Қирғизистонга ҳам бора олмадим. Болам 7 ёшга киргач, мактабга ҳам бера олмадим. Мактаб директори Жаҳонгир Муллабоевга мурожаат қилсам, «метрка»си бўлмаса, уни қабул қила олмайман, деди. Ишчи гуруҳи уйимизга кириб келгач, шу муаммоларни тушунтирдим. Бир кун ичида ФҲДЁ бўлими Муҳаммадюсуфга туғилганлик гувоҳномасини берди. Ўзимга эса паспорт олиш бўйича паспорт бўлими ҳужжат берди. Қирғизистон Республикасининг Ўзбекистондаги элчихонасига борадиган бўлдим. У ерда 2 ойлик сертификат беришар экан. Қирғизистонга бориб, паспортимни тиклаб келаман. Сўнг Ўзбекистон фуқаролигини олишга ариза топширмоқчиман. Қизимга эса паспорт олдик. Уни турмушга узатишим керак.

Қўшимча соатларга жалб қиламиз

11-сонли мактабга борганимизда, ҳар икки бола ҳам биринчи кун дарсга келса-да, синфга анча мослашиб олганига гувоҳ бўлдик. Улардаги ўқишга иштиёқ, қизиқиш ва интилиш юз-кўзидан билиниб турарди.      

— Болаларнинг биринчи кундаги ўзлаштириши ёмон эмас, — дейди мактабнинг бошланғич синф ўқитувчиси Муҳтарам БОЛТАБОЕВА. — Бир ой давомида синаймиз, агар яхши ўзлаштиришса, ўз тенгдошлари синфига навбатдан ташқари ўтказилади. Бироқ улар энди синфдошларига етиб олишлари учун ўз устида қаттиқ ишлашига тўғри келади. Болаларни дарсдан ташқари қўшимча соатларга ҳам жалб қиламиз. 

Муаммо аслида кимники?

— Усмоновлар оиласи маҳаллада доимий рўйхатда турмайди, — дейди «Чорвадор» МФЙ раиси Илҳомжон ПЎЛАТОВ. — Шароити яхши бўлмагани сабабли байрамларда йўқлаб турамиз. Кўп маротаба ҳужжатлар бўйича ёрдам қилайлик, деб айтганмиз. Аммо лоқайдлиги туфайли ҳеч натижа чиқмаган.

Раззоқовлар оиласи бир йилдан буён маҳаллада муқим яшамоқда. Илгари Шаҳрихонда истиқомат қилишган. Қишда Улуғнорга кўчиб кетишади, ёзда Тошкент вилояти яйловларига чорвачилик қилгани кетишади. Инсон ўз фарзанди тақдири учун ўзи ҳам ҳаракат қилиши керак эмасми? Бола тарбияси учун, аввало, ота-она масъул-ку?!

Мактаб директори мажбурий таълимга жалб этиш чорасини кўрмагани етмагандай, «Оила — маҳалла — таълим муассасаси» тамойили нега Бўзда ишламаяпти? Туман васийлик кенгаши раҳбари — ҳоким, халқ таълими бўлими раҳбари ва бошқа мутасаддилар нима учун беэътибор?

Маҳаллада, одамлар орасида уларни қийнаётган, ўз ечимини кутаётган масалалар жуда кўп. Барчасини бир вақтда ҳал этиш ҳам имконсиздир балки. Аммо доимо халқ ичида юрган маҳалла раиси ва маслаҳатчиси шу каби муаммоларнинг ўз вақтида олдини олиши аҳолининг фаровонлиги демакдир.    

 Фуқароларнинг ўзини ўзи бошқариш органлари фаолиятини мувофиқлаштириш бўйича Республика кенгаши ижро аппарати ахборот хизмати ҳамкорлигида тайёрланди.




Ўхшаш мақолалар

БАХТИЁР МАКТАБГА ҚАБУЛ ҚИЛИНДИ

БАХТИЁР МАКТАБГА ҚАБУЛ ҚИЛИНДИ

🕔16:46, 17.05.2018 ✔33

аммо бошқа муаммо ечими борасида мутасаддилар ҳамон бефарқ

Ким биландир маълум вақтда учрашиш ёки бирор масала юзасидан келишиб олиш мақсадида ўз вақтингизни шунга қараб белгиласангиз-у, аммо иккинчи томон берган ваъдасида турмаса, беҳуда кетган вақти­нгизга ачинасиз. Бундай пайтда ўша кимсанинг бепарволигини қандай изоҳлашни ҳам билмай қоласиз...

Батафсил
«ОЙНА ТОЗАЛОВЧИЛАР»  ФАОЛИЯТИ КАМАЙМОҚДА

«ОЙНА ТОЗАЛОВЧИЛАР» ФАОЛИЯТИ КАМАЙМОҚДА

🕔16:45, 17.05.2018 ✔36

Ҳоким ҳисобот берди

Охирги пайтларда «фалон тумандаги фалон уйдаги енгилтабиат аёллар фаолиятига барҳам берилди» қабилидаги баёнотларни бот-бот эшитиб турибмиз. Айниқса, бу фаолият тури пойтахтда урчиб кетган шекилли, «ойна тозаловчи»лар ҳақидаги хабарларнинг учтадан биттаси шу ерга тўғри келмоқда.

Батафсил
12 ЁШДА МАКТАБГА ЧИҚҚАНЛАР

12 ЁШДА МАКТАБГА ЧИҚҚАНЛАР

🕔19:28, 10.05.2018 ✔61

Улар вақтида бормаганининг асл сабаби нима?

Ўғлим қандайдир сабаб билан бир кун мактабга боролмай қолса, кўнглим анчагача ғаш бўлиб юради. Ўша кунги дарсларни тушуниб олармикан, уйга қандай вазифа берилибди, деб тинчим бўлмайди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • БАХТИЁР МАКТАБГА ҚАБУЛ ҚИЛИНДИ

    БАХТИЁР МАКТАБГА ҚАБУЛ ҚИЛИНДИ

    аммо бошқа муаммо ечими борасида мутасаддилар ҳамон бефарқ

    Ким биландир маълум вақтда учрашиш ёки бирор масала юзасидан келишиб олиш мақсадида ўз вақтингизни шунга қараб белгиласангиз-у, аммо иккинчи томон берган ваъдасида турмаса, беҳуда кетган вақти­нгизга ачинасиз. Бундай пайтда ўша кимсанинг бепарволигини қандай изоҳлашни ҳам билмай қоласиз...

    ✔ 33    🕔 16:46, 17.05.2018
  • «ОЙНА ТОЗАЛОВЧИЛАР»  ФАОЛИЯТИ КАМАЙМОҚДА

    «ОЙНА ТОЗАЛОВЧИЛАР» ФАОЛИЯТИ КАМАЙМОҚДА

    Ҳоким ҳисобот берди

    Охирги пайтларда «фалон тумандаги фалон уйдаги енгилтабиат аёллар фаолиятига барҳам берилди» қабилидаги баёнотларни бот-бот эшитиб турибмиз. Айниқса, бу фаолият тури пойтахтда урчиб кетган шекилли, «ойна тозаловчи»лар ҳақидаги хабарларнинг учтадан биттаси шу ерга тўғри келмоқда.

    ✔ 36    🕔 16:45, 17.05.2018
  • 12 ЁШДА МАКТАБГА ЧИҚҚАНЛАР

    12 ЁШДА МАКТАБГА ЧИҚҚАНЛАР

    Улар вақтида бормаганининг асл сабаби нима?

    Ўғлим қандайдир сабаб билан бир кун мактабга боролмай қолса, кўнглим анчагача ғаш бўлиб юради. Ўша кунги дарсларни тушуниб олармикан, уйга қандай вазифа берилибди, деб тинчим бўлмайди.

    ✔ 61    🕔 19:28, 10.05.2018
  • ЧОРАСИЗ ҚОЛГАН ИНСОН

    ЧОРАСИЗ ҚОЛГАН ИНСОН

    «энг сўнгги чора»га қўл уришидан олдин ёрдам қўлини чўзайлик 

    Газетамизнинг 2018 йил 3 май 18-сонида чоп этилган «Кўчада қолган бола мактаб, маҳалла ва мутасаддилар эътиборидан четда кун кечирмоқда» сарлавҳали мақола эълон қилинган эди. Ушбу мақола юзасидан таҳририятимизга кўпчилик қўнғироқ қилиб, ўзининг фикрларини билдирди.

    ✔ 66    🕔 19:27, 10.05.2018
  • КЎЧАДА ҚОЛГАН БОЛА

    КЎЧАДА ҚОЛГАН БОЛА

    мактаб, маҳалла ва мутасаддилар эътиборидан четда кун кечирмоқда

    «Катта бўлсам, ҳарбий бўламан. Бунинг учун мактабда аъло баҳоларга ўқишим керак. Лекин мени мактабдан ҳайдашди. Ҳозир ҳеч қайси мактаб мени ўқишга қабул қилмаяпти.

    ✔ 218    🕔 15:23, 03.05.2018
Ҳаммасини кўриш 

Фойдали манбаалар