Давр нафаси      Бош саҳифа

ОКЕАН ОРТИГА ТАРИХИЙ ТАШРИФ

Ҳамкорлик, музокаралар ва битимлар

Ўзбекистон Республикаси Президенти Шавкат ­Мирзиёев Америка Қўшма Штатлари Президенти Дональд Трампнинг таклифига биноан 2018 йил 15 май куни илк расмий ташриф билан Вашингтонга келди, дея хабар бермоқда ЎзА махсус мухбири.

ОКЕАН ОРТИГА  ТАРИХИЙ ТАШРИФ

АҚШ пойтахтидаги «Эндрюс» аэропортида Ўзбекистон Республикаси Президентини АҚШ расмий вакиллари кутиб олди. Бўлажак олий даражадаги мулоқотга икки томон ҳам катта эътибор билан қарамоқда. АҚШ маъмурияти Ўзбекистон Президенти ташрифини тарихий воқеа сифатида баҳоламоқда.

Президент Шавкат Мирзиёев Оқ уйда АҚШ Президенти Дональд Трамп билан учрашади. Музокаралар аввал тор доирада, кейин кенг доирада бўлиб ўтади. Кенг доирадаги музокараларда Ўзбекистон ва АҚШ расмий делегацияси вакиллари иштирок этади, сиёсий, савдо-иқтисодий, инвестициявий ва бошқа соҳалардаги ҳамкорликни ривожлантириш масалалари муҳокама қилинади, дейилади Президент Матбуот хизмати хабарида.

Ташриф давомида 40 дан ортиқ ҳужжатлар қабул қилиниши, шу жумладан, умумий қиймати 8,5 миллиард долларлик савдо-иқтисодий ва инвестициявий битимлар имзоланиши режалаштирилган.

Президентимиз, шунингдек, Пентагонга ташриф буюриб, АҚШ мудофаа вазири билан музокара ўтказади. Капитолийда Конгрессменлар ва сенаторлар билан учрашиб, мамлакатларимиз ўртасидаги ҳамкорликни ҳар томонлама мустаҳкамлаш масалаларини муҳокама қилади.

Шавкат Мирзиёев Жаҳон банки Президенти билан ҳам учрашиб, мамлакатимиз иқтисодиётига инвестиция жалб этиш бўйича музокара олиб боради.

* * *

«АҚШ Президенти матбуот котиби Сара Сандерс Шавкат Мирзиёев Оқ уйга илк ташрифини амалга ошириши ҳақида айтиб ўтар экан, Президентлар умумий манфаатларга эришиш ҳамда пайдо бўладиган муаммоларга ечим топиш мақсадида ўз мамлакатлари ўртасидаги икки томонлама стратегик ҳамкорликда янги босқични бошлаб беришини таъкидлаган.

Шунингдек, Сара Сандерс музокараларда савдо, инвестиция, Афғонистонни ҳам инобатга олган ҳолда минтақавий хавфсизлик масалалари муҳокама этилишига алоҳида тўхталган.»

 

Ўзбекистон — тинчлик кўприги

Ричард Норланд, 

АҚШ Штаб бошлиқларининг бирлашган қўмитаси раиси маслаҳатчиси ва АҚШнинг Ўзбекистондаги собиқ элчиси: 

— Ўйлайманки, Ўзбекистонда кечаётган ўзгаришлар мамлакатнинг турли соҳалардаги салоҳиятини рўёбга чиқаришда муҳим ўрин тутади. Бу салоҳият нимада намоён бўлади? Аввало, Ўзбекистон Марказий Осиё минтақасининг йирик иқтисодий салоҳиятга, қудратга эга, Афғонистондаги вазиятни барқарорлаштиришда улкан роль ўйнаши ҳамда узоқ Шарқ ва Европа мамлакатлари ўртасида транзит йўлаги вазифасини бажариши мумкин бўлган давлат ҳисобланади.

Ўзбекистон Президентининг АҚШга расмий ташрифи икки мамлакат муносабатларини янги поғонага кўтариш, стратегик ҳамкорликни мустаҳкамлашда муҳим ўрин тутади. Хусусан, хавфсизлик, сиёсий,  иқтисодий ва маданий соҳалардаги алоқаларни чуқурлаштиришга хизмат қилади. Олий даражадаги музокараларда Ўзбекистон — АҚШ ҳамкорлигининг ҳолати ва уни ривожлантириш истиқболлари муҳокама этилиши, халқаро ҳамда минтақавий аҳамиятга молик долзарб масалалар юзасидан фикр алмашиш кўзда тутилгани айни жиҳатдан диққатга моликдир. Мисол учун, Афғонистон, минтақанинг иқтисодий ривожланиш жараёнлари Ўзбекистон учун ҳам, АҚШ учун ҳам муҳим масалалар сирасига киради.

 

Хорижликлар ҳайрати ростми?

Фредерик Старр,  

Америка ташқи сиёсати кенгаши ҳузуридаги Марказий Осиё ва Кавказ институти асосчиси ҳамда раиси, «Ўзбекистоннинг янги қиёфаси» китобининг муаллифи:

— 2017 йил Ўзбекистон учун турли воқеаларга бой, барча соҳада жадал ривожланиш даври бўлди. Ижтимоий-иқтисодий, ҳуқуқий соҳалардаги, халқаро муносабатлардаги улкан ижобий ўзгаришлардан хорижда кўпчилик ҳайратга тушмоқда. Лекин чет элда ҳамма ҳам ана шу ислоҳотлар моҳиятини тўлиқ тушуниб етяпти, деб бўлмайди.

Шу боис биз 6-7 ой олдин барча воқеалар акс этган материалларни тўплаб, тарихга муҳрлашга қарор қилдик. «Ўзбекистоннинг янги қиёфаси» деб номланган китобда бу ўзгаришларга баҳо бермадик, аксинча, фақатгина уларни холис баён қилдик.

Китобдаги маълумотлар жаҳондаги ҳар бир инсоннинг Ўзбекистонда амалга оширилаётган ислоҳотлар ҳақида тасаввурга эга бўлишига имкон беради.

 

Тинчлик институти билан ҳамкорлик

Вашингтон шаҳрида Ўзбекистон Республикаси адлия вазири Р.Давлетовнинг АҚШнинг Тинчлик институти вакиллари билан учрашуви бўлиб ўтди.

Тинчлик институти низоларни бартараф этиш ва ҳал қилиш, тинчлик ва барқарорликни таъминлашга қаратилган фаолиятни амалга оширувчи мустақил миллий ташкилотдир.

Учрашувда Адлия вазирлиги фаолияти, вазирликнинг фуқаролар ҳуқуқ ва эркинликларини таъминлашдаги роли, нодавлат нотижорат ташкилотларини рўйхатдан ўтказиш, шунингдек, кутилаётган ҳамкорликнинг устувор йўналишлари муҳокама қилинган.




Ўхшаш мақолалар

Одамлар ҳаётдан рози бўлиши учун

Одамлар ҳаётдан рози бўлиши учун

🕔10:54, 14.06.2018 ✔33

Ўзбекистон Республикаси Президенти Шавкат Мирзиёев 12-13 июнь кунлари Фарғона вилоятига ташриф буюрди.

Батафсил
Ватани севмоқ иймондандир

Ватани севмоқ иймондандир

🕔10:53, 14.06.2018 ✔34

Улар бюрократиянинг не-не тўсиқларига дуч келиб, йиллар мобайнида шу оддий паспортга эга бўлолмаган...

Батафсил
Гўшт нархи яна нега ошди?

Гўшт нархи яна нега ошди?

🕔14:50, 07.06.2018 ✔60

Озиқ-овқат маҳсулотлари нарх-навоси ошиб кетишининг олдини олиш ўрнига, айрим тадбиркорлар учун  кредит ташкилотига айланиб қолган махсус жамғарма Бош прокуратура томонидан жиддий текширилади.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Одамлар ҳаётдан рози бўлиши учун

    Одамлар ҳаётдан рози бўлиши учун

    Ўзбекистон Республикаси Президенти Шавкат Мирзиёев 12-13 июнь кунлари Фарғона вилоятига ташриф буюрди.

    ✔ 33    🕔 10:54, 14.06.2018
  • Ватани севмоқ иймондандир

    Ватани севмоқ иймондандир

    Улар бюрократиянинг не-не тўсиқларига дуч келиб, йиллар мобайнида шу оддий паспортга эга бўлолмаган...

    ✔ 34    🕔 10:53, 14.06.2018
  • Гўшт нархи яна нега ошди?

    Гўшт нархи яна нега ошди?

    Озиқ-овқат маҳсулотлари нарх-навоси ошиб кетишининг олдини олиш ўрнига, айрим тадбиркорлар учун  кредит ташкилотига айланиб қолган махсус жамғарма Бош прокуратура томонидан жиддий текширилади.

    ✔ 60    🕔 14:50, 07.06.2018
  • Таълим энди жамоатчилик кенгаши назоратида

    Таълим энди жамоатчилик кенгаши назоратида

    Янги жамоатчилик кенгашлари олий таълим муассасаларидаги коррупцияга барҳам бера оладими?

    ✔ 61    🕔 14:49, 07.06.2018
  • ОКЕАН ОРТИГА  ТАРИХИЙ ТАШРИФ

    ОКЕАН ОРТИГА ТАРИХИЙ ТАШРИФ

    Ҳамкорлик, музокаралар ва битимлар

    Ўзбекистон Республикаси Президенти Шавкат ­Мирзиёев Америка Қўшма Штатлари Президенти Дональд Трампнинг таклифига биноан 2018 йил 15 май куни илк расмий ташриф билан Вашингтонга келди, дея хабар бермоқда ЎзА махсус мухбири.

    ✔ 82    🕔 16:47, 17.05.2018
Ҳаммасини кўриш 

Фойдали манбаалар