Саломатлик      Бош саҳифа

ҚИП-ҚИЗИЛ ФОЙДА

Ёзнинг энг севимли ва тансиқ меваларидан бири гилоснинг инсон танаси учун бир қанча фойдали томонлари бор. У витаминларга бой бўлиб, иммунитетни мустаҳкамлаш, буйрак ишини яхшилаш, овқат ҳазм қилиш тизимини фаоллаштириш ҳамда қон томир йўлларини ювиш каби вазифаларни бажаради.

ҚИП-ҚИЗИЛ ФОЙДА

Гилосда қувватлилик даражаси камлиги боис ортиқча вазн орттиришга сабаб бўлмайди. У асосан А, В, В2, Е витаминлари ва кальций, фтор, магний, темир, йод, мис, фосфор каби моддалардан иборат. Гилосдаги шакар моддаси танани глюкоза ва углеводлар билан таъминлайди.

Йод моддасига тўйинган бу мевани истеъмол қилиш, қалқонсимон без касаллиги билан оғриган беморларга ёрдам беради. Шунингдек, гилос балғам кўчириш хусусиятига эга бўлиб, йўталдан азият чеккан беморларнинг муаммосига тезда ечим бўлади. Бунинг учун мева шарбатини шакарсиз, иссиқ ҳароратда, бир кунда уч-тўрт маротаба ярим пиёладан ичиш тавсия этилади.

Тери ва ички аъзоларни тозалайди

Гилос терига ҳам ўз ижобий таъсирини ўтказиб, унинг таранглилигини оширади ва тозалайди. Қуруқ юз терисига ҳам гилосдан тайёрланган ниқоблар тавсия этилади. У юз терисини жуда яхши озиқлантиради. Турли тошма ва яраларнинг битишини тезлаштиради. Мева таркибидаги витамин ва минераллар тери билан бирга ички аъзоларни ҳам тозалашга ёрдам беради. Шунингдек, бу мевани қон босими ошганда, ревматизм (бод касаллиги), ортиқча вазндан азият чекканда истеъмол қилиш тавсия этилади.

Данаги зарар

Кўпинча ота-оналарнинг ­эътиборсизлиги сабаб ёш болалар гилосни данаги билан бирга ютиб юборади. Бу — хавфли. Унинг таркибида зарарли моддалар мавжуд бўлиб, кўп миқдорда истеъмол қилиниши ошқозон фаолиятининг бузилишига олиб келади.

Бундан ташқари, гилос ошқозонда кислота миқдори ошиб кетганда, ошқозон яраси касаллигида, ўпканинг сурункали хасталиклари ва қандли диабетда тавсия этилмайди.

Озода ВАЛИЕВА,

тайёрлади




Ўхшаш мақолалар

Болалар гайморит бўлмайди

Болалар гайморит бўлмайди

🕔23:25, 06.02.2019 ✔200

Инсон соғлиғига дахл қиладиган ҳар қандай касаллик ўз вақтида даволанмаса, хавфли тус олади. 

Батафсил
Асоратлари тўлиқ ўрганилмаган

Асоратлари тўлиқ ўрганилмаган

🕔23:24, 06.02.2019 ✔160

Бош мия чайқалганда биринчи ёрдам қандай кўрсатилиши керак?

Батафсил
Янги йил дастурхони саломатликка зарар бўлмасин

Янги йил дастурхони саломатликка зарар бўлмасин

🕔17:15, 27.12.2018 ✔287

Янги йил байрамини кўтаринкилик билан кутиб олишда меъёр ва тартибга риоя қиласизми?

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

Ҳаммасини кўриш 

Фойдали манбаалар