Аниқ саволга аниқ жавоб      Бош саҳифа

Ўзбекистон журналистика ва оммавий коммуникациялар университети ташкил этилди

Янги университетга қандай вазифалар юклатилган? Амалда мавжуд журналистика факультетларидан нимаси билан фарқ қилади? Бу йилги қабул квоталари қанча?

Ўзбекистон Республикаси Президенти қарори билан Ўзбекистон журналистика ва оммавий коммуникациялар университети ташкил этилди.

Ушбу университет — оммавий ахборот воситалари соҳаси учун журналист кадрлар, шу жумладан, юқори малакали, бир нечта хорижий тилларни мукаммал биладиган халқаро журналистлар ҳамда илмий-педагог кадрларни тайёрлаш, илмий-тадқиқот ишларини олиб бориш,  соҳа ходимларини қайта тайёрлаш ва малакасини ошириш, мазкур йўналишларда илмий ва ўқув-методик материалларни ишлаб чиқиш бўйича таянч олий таълим муассасаси ҳисобланади.  

Йўналишлар ва қабул

■ 2018/2019 ўқув йилида университетда қабул квоталари қуйидагича белгиланган: бакалавриат — 100 (грант — 31, контракт — 69) ва магистратура  — 30 (грант — 8, контракт — 22).

■ Абитуриентларни университетга ўқишга қабул қилиш — кириш тест синовлари билан бир қаторда, уларнинг касб лаёқатини аниқлашга қаратилган касбий (ижодий) имтиҳон (ёзма ва суҳбат шаклида) ўтказиш орқали амалга оширилади. 

■ Сиртқи таълим шакли бўйича қабул квоталари 2018/2019 ўқув йилида Университет бакалавриат таълим йўналишлари учун белгиланган қабул квоталарининг 30 фоизигача (яъни 30 нафаргача) белгиланади.

■ Университет учун бир нафар ўқитувчи ҳисобига тўғри келадиган талабалар сони нисбатининг чекланган нормативи 1:6 нисбатда ўрнатилади.

■ 2018/2019 ўқув йилидан бошлаб, Мирзо Улуғбек номидаги Ўзбекистон Миллий университети ва Ўзбекистон давлат жаҳон тиллари университетида «Журналистика» таълим йўналиши ва унинг негизидаги магистратура мутахассисликлари, шу жумладан, «Олий журналистика курслари» бўйича қабул тўхтатилади ҳамда ушбу таълим йўналиши ва унинг негизидаги тегишли магистратура мутахассисликлари бўйича таълим олаётган талабалар ўқишни битиргунига қадар мазкур олий таълим муассасаларида ўқишини давом эттирадилар.

Таълим ва малака ошириш

■ Ўқув жараёнига юқори малакали хорижий олимлар, профессор-ўқитувчилар ва мутахассислар кенг жалб этилади;

■  Университетнинг профессор-ўқитувчилари чет давлатларнинг етакчи ўқув ва илмий марказларига малака ошириш (стажировка)га юборилади;

■ профессор-ўқитувчиларнинг базавий лавозим маошлари миқдорига 30 фоиз устама қўшиб ҳисобланади;

■ Иқтидорли талабалар ҳар йили республикамизнинг хорижий давлатлардаги дипломатик ваколатхоналарига амалиёт ўташ учун юборилади; 

■  Ишлаб чиқариш корхона ва ташкилотларидан тайинланган малакавий амалиёт раҳбарларига асосий иш жойидан қўшимча иш ҳақлари тайинланади.

Инфраструктура

■ Тошкент шаҳри, Юнусобод тумани, Марказ-5, 88-уйда жойлашган Юнусобод дизайн касб-ҳунар коллежининг бино ва иншоотлари тегишли ҳудуди билан бирга Университетга оператив бошқариш ҳуқуқи асосида бепул берилади. Талабалар турар жойи қурилади;   

■ Босмахона ва ўқув телестудияси фаолияти йўлга қўйилади; 

■ Университетда «Ёшлар ижодиёт клуби» ташкил этилиб, унинг базасида қуйидаги ижтимоий ҳудудлар яратилади:

□ Медиа марказ;

□ Бук-кафелар;

□ Wi-Fi зона;

□ Мусиқа ва овоз ёзиш студияси;

□ Талабалар театр студияси;

□ Пресс-клуб.  

Янгилик

■ Кадрлар буюртмачилари талаба билан ўқишни битирганидан сўнг 5 йил ишлаб бериш мажбуриятини белгиловчи шартнома тузиш орқали унинг базавий тўлов контрактини 2-босқичда камида 50 фоиз, 3-босқичда камида 75 фоиз ва 4-босқичда 100 фоиз миқдорда тўлаб бериши мумкинлиги белгиланган.

 

Қарор ҳужжати асосида

Бахтиёр ҲАМИДОВ

тайёрлади.




Ўхшаш мақолалар

Чиқиндидан қимматбаҳо  металл олинади

Чиқиндидан қимматбаҳо металл олинади

🕔17:31, 13.12.2018 ✔19

Ҳар куни атмосферага чиқаётган минглаб тонна заҳарли газлар тобора инсоният олдидаги энг оғир муаммолардан бирига айланиб бормоқда.

Батафсил
Иссиқхона учун қанча кредит берилади?

Иссиқхона учун қанча кредит берилади?

🕔17:30, 13.12.2018 ✔28

Халқимиз  иссиқхонада турфа ноз-неъматлар етиштиришнинг тобора устасига айланмоқда.  Негаки, шундай йўл тутилганида инсон, аввало, бўш турмайди. Қолаверса, оиласи учун қўшимча маблағ ишлаб топади.

Батафсил
Тошкентда Аджу университети ташкил этилди

Тошкентда Аджу университети ташкил этилди

🕔17:30, 13.12.2018 ✔20

Тошкент шаҳрида Аджу университетини ташкил этиш тўғрисидаги Президент қарори қабул қилинди.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Чиқиндидан қимматбаҳо  металл олинади

    Чиқиндидан қимматбаҳо металл олинади

    Ҳар куни атмосферага чиқаётган минглаб тонна заҳарли газлар тобора инсоният олдидаги энг оғир муаммолардан бирига айланиб бормоқда.

    ✔ 19    🕔 17:31, 13.12.2018
  • Иссиқхона учун қанча кредит берилади?

    Иссиқхона учун қанча кредит берилади?

    Халқимиз  иссиқхонада турфа ноз-неъматлар етиштиришнинг тобора устасига айланмоқда.  Негаки, шундай йўл тутилганида инсон, аввало, бўш турмайди. Қолаверса, оиласи учун қўшимча маблағ ишлаб топади.

    ✔ 28    🕔 17:30, 13.12.2018
  • Тошкентда Аджу университети ташкил этилди

    Тошкентда Аджу университети ташкил этилди

    Тошкент шаҳрида Аджу университетини ташкил этиш тўғрисидаги Президент қарори қабул қилинди.

    ✔ 20    🕔 17:30, 13.12.2018
  • Ер қандай ҳолларда олиб қўйилади?

    Ер қандай ҳолларда олиб қўйилади?

    Давлат ва жамоат эҳтиёжлари учун ер участкаларини олиб қўйишнинг аниқ мезонлари белгиланди. Ҳужжатга кўра ерлар эндиликда қуйидаги мақсадларда олиб қўйилиши мумкин:

    ✔ 20    🕔 17:30, 13.12.2018
  • Цементимиз сифати четникидан пастми?

    Цементимиз сифати четникидан пастми?

    Қурилиш соҳасида энг кўп ишлатиладиган маҳсулотлардан бири буцемент. ​​​​​​​

    ✔ 42    🕔 17:42, 06.12.2018
Ҳаммасини кўриш 

Фойдали манбаалар