Даромад манбаи      Бош саҳифа

Анорзорларга туташ ҳовли

Анор мевасининг йирик-йирик, таъми асалдай бўлишининг сири нимада?

Анорзорларга туташ ҳовли

Уватга чордона қуриб олган хатирчилик Сувон ака гап бошлади: «Манави анор кўчатларини Дашнободдан олиб келганман. Шунгаям ўн йилдан ошди. Бизнинг иқлимга яхши мослашиб, шиғил ҳосилга кирди. Анорзоримга, асосан, «Кўк анор» навидан экканман. Бу нав жуда серҳосил, меваси ичи қип-қизил, мазаси ширин. Бир донасини сиқсангиз, коса тўлиб шарбат чиқади. Ҳосилнинг мўл бўлишида гулини тўкмаслик муҳим аҳамиятга эга. Агар дарахтлар май ойидаги гулини тўкмай, ўзини тутиб олса, кузда меванинг ҳар қайсиси бир, бир ярим килограммгача тош босишини тажрибамда кўп синаганман. Маромида парваришланиб, вақтида суғорилган, калийли ўғит, гўнг, девор кесаги берилган анор дарахти гулини камдан-кам тўкади...»

Сувон ака омборидан беш дона анор олиб чиқди-да, бирини пичоқда тилимлади. Чиндан ҳам мазаси, таъми таърифлаганича бор экан. Худди, Дашнобод, Қува анорларига ўхшаб, донаси йирик-йирик, сувли...

— Анор мевасининг йирик-йирик, таъми асалдай  бўлишининг сири нимада?  — сўрайман ишбилармон томорқачидан.

— Ҳеч қандай сири йўқ. Бари меҳнатга, парваришга боғлиқ. Анорзорда доим шамол эсиб туриши керак. Ана шунда сиз айтгандай меваси йирик, таъми асалдай бўлади. Ҳосил берадиган анорзорлар орасига оралиқ экин экмаган маъқул. Сабаби, у анор олиши керак бўлган озуқани сўриб олади. Натижада дарахт керакли озиқ ва кучни ололмай қолади. Қатор оралари тез-тез юмшатиб турилса, зараркунандалар ҳам яқин йўламайди, бегона ўт босмайди. Таги яхши чопилган, бирор бегона ўт кўринмайдиган анор дарахти шиғил мева солади. Кўп мевали шохлари шамол ёки бошқа сабаб билан синиб кетмаслиги учун улар тиркагичлар билан суяб қўйилади.

Боғбоннинг ўттиз туп анори бор экан. Ўтган йил яхши ҳосил олибди. Омбори анорга тўлибди.

— Бу йил ҳам насиб этса, бултургидан кам ҳосил бўлмайди. Харидорлар ҳозирданоқ анорга буюртма беришяпти. Анор дарахти беш йилда тўла ҳосилга киради ва унинг салмоғи йилдан-йилга ортиб бораверади. Бу йилги ҳосилни янги анор пишгунга қадар уринтирмай сақлашни уста боғбонлардан ўрганиб олганман, — дейди боғбон.

Дарҳақиқат, Сувон ака истиқомат қиладиган Хатирчи туманидаги Ширин қишлоғи аҳли анор етиштиришнинг яхшигина ҳадисини олган. Ҳовлисида анор дарахти бўлмаган хонадоннинг ўзи топилмайди. Қишлоқ аҳлининг турмуши томорқасидаги анорлар туфайли фаровон, тўкис. Бугун анорзор орқасидан одамлар енгил машина олмоқда, данғиллама уйлар қуриб, фарзандларини ўқитмоқда. Шунингдек, анорзорлар ҳосилдорлигини ошириб бориш учун илғор тажрибаларни қўллаш зарур бўлади.

— Кўпинча, анор ҳақида гап кетганда, албатта, Дашнобод ва Қува ҳудудлари тилга олинади, — дейди боғбон Сувон Одилов. — Мазкур гўшаларда етиштириладиган анорларнинг довруғи кенг тарқалган. Мен ҳам томорқамдаги анорларни улардан сира кам деб ўйламайман. Ўғилларим ҳам анорзор боғ яратган. Ҳозир юз эллик туп анор дарахтини парваришлашмоқда.

 

Улуғбек ЖУМАЕВ




Ўхшаш мақолалар

Имконият қўлингда, ҳаракат ўзингда

Имконият қўлингда, ҳаракат ўзингда

🕔12:56, 25.03.2019 ✔159

Ҳаётдан нолиб, ҳамма нарсадан камчилик излаб, қачон қарасанг, иши юришмаганидан тушкун кайфиятда юрадиганлар йўқ эмас. Одамларнинг яна бир тоифаси борки, ҳаракатчан, изланувчан ва ташаббускор бўлиб, эзгулик ҳисларини бошқаларга улашиб яшайди. Энг яхши ғоялар, янгича фикрлар ҳам ана шундай кишилардан туғилади, аслида.

Батафсил
Ёш фермернинг  муваффақиятли одимлари

Ёш фермернинг муваффақиятли одимлари

🕔17:31, 13.12.2018 ✔536

Қуйичирчиқлик ёш фермер Дилмурод Тўрақулов «Ёшларкелажагимиз» давлат дастури доирасида банкдан имтиёзли кредит олиб, ўз фаолиятини кенгайтирди. У бугун энг омадли фермерлардан бири.

Батафсил
Кимларнинг қарзи  кечиб юборилди?

Кимларнинг қарзи кечиб юборилди?

🕔17:31, 13.12.2018 ✔457

Тадбиркор фаолияти давомида баъзан таваккал қилишига тўғри келади. Шундай пайтда у «куйиб» оқибатда қарзга ботиб қолиши ҳам ҳеч гап эмас. Айтиш керакки, бугун давлатимиз бундай аҳволга тушиб қолган тадбиркорларга ёрдам тариқасида оғирини енгил қилмоқда.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Имконият қўлингда, ҳаракат ўзингда

    Имконият қўлингда, ҳаракат ўзингда

    Ҳаётдан нолиб, ҳамма нарсадан камчилик излаб, қачон қарасанг, иши юришмаганидан тушкун кайфиятда юрадиганлар йўқ эмас. Одамларнинг яна бир тоифаси борки, ҳаракатчан, изланувчан ва ташаббускор бўлиб, эзгулик ҳисларини бошқаларга улашиб яшайди. Энг яхши ғоялар, янгича фикрлар ҳам ана шундай кишилардан туғилади, аслида.

    ✔ 159    🕔 12:56, 25.03.2019
  • Ёш фермернинг  муваффақиятли одимлари

    Ёш фермернинг муваффақиятли одимлари

    Қуйичирчиқлик ёш фермер Дилмурод Тўрақулов «Ёшларкелажагимиз» давлат дастури доирасида банкдан имтиёзли кредит олиб, ўз фаолиятини кенгайтирди. У бугун энг омадли фермерлардан бири.

    ✔ 536    🕔 17:31, 13.12.2018
  • Кимларнинг қарзи  кечиб юборилди?

    Кимларнинг қарзи кечиб юборилди?

    Тадбиркор фаолияти давомида баъзан таваккал қилишига тўғри келади. Шундай пайтда у «куйиб» оқибатда қарзга ботиб қолиши ҳам ҳеч гап эмас. Айтиш керакки, бугун давлатимиз бундай аҳволга тушиб қолган тадбиркорларга ёрдам тариқасида оғирини енгил қилмоқда.

    ✔ 457    🕔 17:31, 13.12.2018
  • Бир ҳовлидаги ризқ

    Бир ҳовлидаги ризқ

    Қўй-эчкиларнинг жойи алоҳида. Бунга «нозиктаъб» эчкиларнинг уришқоқлиги сабаб.

    ✔ 658    🕔 16:08, 29.11.2018
  • «Муҳими — ўзим, келиним  ва синглим ишлимиз»

    «Муҳими — ўзим, келиним ва синглим ишлимиз»

    Бир неча йилдан бери тадбиркор сифатида иш бошлашни режалаштириб юрган қизилтепалик Истат НОРҚУЛОВА ниҳоят банкдан кредит олиб тикув цехи ташкил этди. ​​​​​​​

    ✔ 446    🕔 16:08, 29.11.2018
Ҳаммасини кўриш 

Фойдали манбаалар