Халқ виждони      Бош саҳифа

Йигирма киши ишли бўлса

Қанча муаммолар ечим топишини биласизми?

Йигирма киши ишли бўлса

Ишсизлик кўп муаммоларнинг бош сабаби. Шу боис ҳам аҳоли бандлигини таъминлаш бугун жуда муҳим. Аслини олганда бу масаланинг ечими осон ва содда. Тадбиркорлик фаолиятини ривожлантириш учун яратилаётган кенг имкониятлардан унумли фойдаланган киши ҳеч бўлмаганда 3-4 нафар одамни иш билан таъминлаши аниқ. Орамизда шундай хайрли ишга қўл уриб, қўни-қўшнилари ва маҳалладошларининг ҳалол меҳнат билан пул топиши учун шароит яратиб бераётган ҳамюртларимиз ҳам талайгина.    

— 1995 йил Фарғона вилоятида биринчилардан бўлиб, пальто тикишни бошладик, — дейди Қўқон шаҳри Ғозиёғлиқ маҳалласида истиқомат қилувчи 64 ёшли Исожон Жўраев. — У пайтлар дўконларда, асосан, хориждан келтирилган пальтолар сотиларди. Биз уларни катта миқдорда харид қилиб, ўзимизга мослаб, миллийлаштирардик. Қўни-қўшнилар ёрдамга чиқарди. 2000-йиллардан аёллар либосларини тикишни бошладик. Уйимизда катта буюртмаларни бажара олмасдик. Шу сабабли, Бешариқ туманидаги «Чевар» фабрикаси ўз ишини тўхтатгач, у ердаги тикувчиларга шартнома асосида иш бердик.

— Бозор доимий равишда ўзгариб туради, маҳсулотлар ёнига яна нималарни қўшдингиз?

— 2008 йилдан бозорбоп ёстиқжилд, арзон кўрпачажилд, диван устига ёпқичлар тикишни бошладик. Улар жуда харидоргир бўлди. Уйимизда учта оддий чок, иккита оверлок машина, иккита попук тўқийдиган ускуна бор эди. Бошида тўрт киши ишларди. Ҳар ойда ишлаб чиқариш ҳажми ортиб борди ва тикиш ҳажмини ойига етти-саккиз минг жуфтга чиқардик. Шу меҳнат ортидан уч фарзандни уйли-жойли қилдик. Ўғлим ҳам шу ишнинг бошини тутган.

— Биз ҳозир ўтирган катта, кўркам ва яшил боғли янги бинода қачондан иш бошладингиз?

— Бир йил аввал 21 сотихли ташландиқ бинони биржадан 100 миллион сўмга сотиб олдик. Атрофини девор билан ўрадик, цехлар учун хоналарни таъмирладик, ошхона, маъмурият биноси, қоровулхона қурдик. Йигирмата янги тикиш машинасини сотиб олдик. Туркиядан иккита попук тўқийдиган станокни келтирдик. Ҳозирда ойига 360 миллион сўмлик маҳсулот сотаётган бўлсак, шунинг 40 миллиони соф фойда. Шу ойда попук ишлаб чиқариш ҳажмини кунига 1,5 минг метрдан 3 минг метрга оширмоқчимиз. Ҳозир 60-70 фоиз хомашёни четдан олиб келяпмиз. Агар уларни маҳаллийлаштирсак, таннархи кескин тушиб, экспорт учун катта истиқболлар очилади.

— Бу ўзига хос, миллий руҳдаги маҳсулотларни қайси давлатларга эскпорт қилиш мумкин?

— Биздаги сифатли маҳсулотга қўшни давлатларда талаб катта. Яқинда ўғлим Тожикистонга бориб келди. У ерда маҳсулотларимизга йилига 50 минг дона талаб тушди. Бир ҳафта муқаддам туркманистонлик шериклар билан музокаралар ўтказиб келдим. Намуна жўнатдим. Қизиқиш катта. Қримдан ҳам катта миқдорда сўров бўляпти. Аммо ҳозирги имкониятимиз билан экспорт бозорларини қоплашнинг амалда умуман иложи йўқ. Бўш турган 575 квадрат жойга Бельгиядан 4 та станок олиб келиб ўрнатмоқчимиз.   

— Оилавий корхонангизда неча нафар ходим меҳнат қилмоқда?

— Ҳозир корхонамизда жами 20 нафар ишчи меҳнат қилмоқда. Уларнинг энг ками 500 минг сўмдан маош олади. Тушлик шу ернинг ўзида корхона ҳисобидан ташкиллаштирилган. Қизларнинг барчаси атрофдаги Уста Бозор, Ғозиёғлиқ, Азизтепа, Муҳиддин Хўжаев маҳаллаларида истиқомат қилишади. Уларга имкон қадар ижтимоий ёрдам кўрсатиб келяпмиз.

Ўрганиш асносида камтарин, оқкўнгил, маҳалла аҳлига ғамхўр ва камарбаста Исожон аканинг корхонасидан чиқар эканмиз, хаёлимиздан бир фикр ўтди: агар тадбиркорларимиз ҳеч бўлмаганда ўз маҳалласи аҳлининг учта-тўрттадан фуқаросини иш билан таъминлаганида, қанча-қанча юртдошларимиз ишли бўларди. Аслида юрт ободлиги маҳалла аҳолисининг тўкинлиги ва ишлаб чиқариш салоҳияти ортиб боришига чамбарчас боғлиқдир.  

 

Лазиз РАҲМАТОВ,

Журналист




Ўхшаш мақолалар

Муаммолар маҳаллада ечим топиши керак

Муаммолар маҳаллада ечим топиши керак

🕔12:48, 12.04.2019 ✔87

Раис ва масъул котиб ойлиги шунинг учун оширилмоқда

Уйма-уй юриб, аҳоли муаммоларини аниқлаш, одамлар оғирини енгил қилиш давлат идоралари олдидаги асосий мақсад экани бот-бот айтилмоқда. Бу жараёнда аҳоли учун энг яқин ва уларнинг бор ташвишидан хабардор бўлиб турадиган маскан — бу албатта маҳалла идораси. Хўш, маҳаллалар одамлар ҳаётида бугун қанчалик ўрин тутмоқда? Уларнинг аҳоли билан иш олиб боришдаги фаолияти ўзгарадими?

Батафсил
Қоғозда «бўлди-бўлди», амалда…

Қоғозда «бўлди-бўлди», амалда…

🕔11:15, 31.01.2019 ✔210

Бу мавзу маҳалла мутасаддисини қизиқтирадими ёки фақат юқори ташкилотларнинг ташвишими?

Батафсил
Тўйдан қолмас, жанозага бормас оқсоқоллар

Тўйдан қолмас, жанозага бормас оқсоқоллар

🕔17:36, 24.01.2019 ✔255

Вақти-соати келиб, яқин кишимиз ёки маҳалладошимиз бандаликни бажо келтирса, ич-ичимиздан қайғурамиз. Марҳумнинг оила аъзоларига  ҳамдардлик билдириб, уни сўнгги манзилига иззат-икром билан кузатиб борамиз. Сўнг, давраларда эл-юрт равнақи учун қилган эзгу амалларини ҳурмат ила ёд этиб, ёшларимизга хотиралар сўзлаймиз. Хайрли ишларини давом эттиришга даъват этамиз.

Батафсил
Ҳаммасино кўриш

Сонларни танлаш

Пайшанба, 29-Декабр  
52 51 50 49 48 47 46
45 44 43 42 41 40 39
38 37 36 35 34 33 32
31 30 29 28 27 26 25
24 23 22 21 20 19 18
17 16

Ҳаммасини кўриш 

Кўп ўқилганлар

  • Муаммолар маҳаллада ечим топиши керак

    Муаммолар маҳаллада ечим топиши керак

    Раис ва масъул котиб ойлиги шунинг учун оширилмоқда

    Уйма-уй юриб, аҳоли муаммоларини аниқлаш, одамлар оғирини енгил қилиш давлат идоралари олдидаги асосий мақсад экани бот-бот айтилмоқда. Бу жараёнда аҳоли учун энг яқин ва уларнинг бор ташвишидан хабардор бўлиб турадиган маскан — бу албатта маҳалла идораси. Хўш, маҳаллалар одамлар ҳаётида бугун қанчалик ўрин тутмоқда? Уларнинг аҳоли билан иш олиб боришдаги фаолияти ўзгарадими?

    ✔ 87    🕔 12:48, 12.04.2019
  • Қоғозда «бўлди-бўлди», амалда…

    Қоғозда «бўлди-бўлди», амалда…

    Бу мавзу маҳалла мутасаддисини қизиқтирадими ёки фақат юқори ташкилотларнинг ташвишими?

    ✔ 210    🕔 11:15, 31.01.2019
  • Тўйдан қолмас, жанозага бормас оқсоқоллар

    Тўйдан қолмас, жанозага бормас оқсоқоллар

    Вақти-соати келиб, яқин кишимиз ёки маҳалладошимиз бандаликни бажо келтирса, ич-ичимиздан қайғурамиз. Марҳумнинг оила аъзоларига  ҳамдардлик билдириб, уни сўнгги манзилига иззат-икром билан кузатиб борамиз. Сўнг, давраларда эл-юрт равнақи учун қилган эзгу амалларини ҳурмат ила ёд этиб, ёшларимизга хотиралар сўзлаймиз. Хайрли ишларини давом эттиришга даъват этамиз.

    ✔ 255    🕔 17:36, 24.01.2019
  • Дунёдаги учинчи энг бузрук маскан шу ерда

    Дунёдаги учинчи энг бузрук маскан шу ерда

    Самарқанд шаҳридаги Шарқ маҳалласи ўтмиш ва келажакни акс эттираётган кўзгуга ўхшайди.

    ✔ 280    🕔 17:16, 27.12.2018
  • Юртободни обод қилаётганлар

    Юртободни обод қилаётганлар

    Маҳалланинг равнақ топиши раиснинг билими ва тажрибасига боғлиқ.

    ✔ 280    🕔 17:32, 13.12.2018
Ҳаммасини кўриш 

Фойдали манбаалар